নিয়মীয়া বাৰ্তা ১৮ আগষ্টঃ ক’ৰোনা সংক্রমণে ভয়াৱহ ৰূপ ধাৰণ কৰা লখিমপুৰ জিলাত আজি জিলাৰ সহকাৰী উপায়ুক্ত, আৰক্ষী জোৱান, চিকিৎসা কর্মীসহ ৬০জন ক’ভিড পজিটিভ বুলি চিনাক্ত হৈছে৷ এণ্টিজেন টেষ্টত জিলাৰ সহকাৰী উপায়ুক্ত দেৱাশিস গোস্বামীসহ উপায়ুক্তৰ কার্যালয়ৰ কেইবাজনো কর্মচাৰী, আৰক্ষী অধীক্ষকৰ কার্যালয়ৰ ৫জন জোৱান, এগৰাকী নার্ছসহ আজিৰ দিনটোৰ ভিতৰত ৬০জন ক’ভিড পজিটিভ বুলি চিনাক্ত হৈছে৷ উল্লেখ্য যে ইতিমধ্যে ক’ভিড পজিটিভ দুগৰাকী মহিলাৰ মৃত্যু হৈছে৷ জিলাখনত আজি সন্ধিয়ালৈ ক’ভিড পজিটিভ লোকৰ সংখ্যা ১,৮৩৬জনলৈ বৃদ্ধি পাইছে৷