নিয়মীয়া বাৰ্তা, ৮ জানুৱাৰীঃদেওবাৰে গুৱাহাটীৰ বর্ষাপাৰা ষ্টেডিয়ামত ভাৰত–শ্রীলংকাৰ টি–২০ৰ মেচৰ সময়ত উইকেট শুকুৱাবলৈ অসম ক্রিকেট সন্থাই ইস্ত্রি, ভেকুৱাম ক্লীনাৰ, হেয়াৰ ড্রায়াৰ আদি ব্যৱহাৰ কৰাক লৈ দেশৰ ক্রীড়া মহল আৰু ছ’চিয়েল মিডিয়াত ব্যাপক হাস্যৰসৰ সৃষ্টি হোৱা দেখা গৈছে৷
অসম ক্রিকেট সন্থাৰ এই পদক্ষেপক সকলোৱে অদ্ভুত আৰু হাস্যকৰ আখ্যা দিছে৷ কিন্তু অসম ক্রিকেট সন্থাৰ সম্পাদক দেৱজিৎ শইকীয়াই এক সংবাদ মেলত স্পষ্ট কৰে যে পিটচ শুকাবলৈ এই ধৰণৰ পদ্ধতি অৱলম্বন কৰাটো বি চি চি আইৰ নিয়মৰ অন্তর্ভুক্ত৷