নিয়মীয়া বাৰ্তা ২০ মাৰ্চঃ দুলীয়াজানত অইল ইণ্ডিয়া নিৰাপত্তা বিভাগৰ অভিযান । পুৱতি নিশা দুলীয়াজান-ডিগবৈ সংযোগী পথৰ পদুমণি অঞ্চলত অইল নিৰাপত্তা বিভাগে বৃহৎ পৰিমাণৰ অইলৰ চুৰি কণ্ডেনচেট তেল সহ এখন বিলাসী (AS 06 Y 7233 ) নম্বৰৰ মাৰুতি ইক’ গাড়ী জব্দ কৰিবলৈ সক্ষম হয়। অৱশ্যে ইক’ গাড়ী খনত চালকসহ দুটা চোৰ আছিল যদিও নিৰাপত্তাৰক্ষীৰ অভিযানৰ উমান পায় চোৰ দুটাই গাড়ী এৰি পলায়ন কৰে । অইল নিৰাপত্তা বিভাগে জব্দ কৰা গাড়ীখনৰ পৰা মুঠ তিনিটা ড্ৰামৰ পৰা বুজন পৰিমাণৰ পৰা অইলৰ চুৰি কণ্ডেণচেট তেল জব্দ কৰিবলৈ সক্ষম হয় । ইতিমধ্যে নিৰাপত্তা বিভাগে জব্দ কৰা গাড়ী সহ চুৰি তেল খিনি দুলীয়াজান আৰক্ষীক চমজাই দিয়ে। জব্দ কৰা চুৰি কণ্ডেণচেট তেলৰ মূল্য প্ৰায় ত্ৰিশ হেজাৰ টকাৰ হ’ব বুলি জানিবলৈ দিছে।