নিয়মীয়া বাৰ্তা, ২১ জানুৱাৰীঃ ভ্রাম্যমাণ থিয়েটাৰৰ সম্পাদকৰ মানসিক নির্যাতন সহিব নোৱাৰি অৱশেষত থিয়েটাৰ এৰি গুছি আহিব লগা হ’ল এগৰাকী অভিনেত্রী ৷ অভিযোগ অনুসৰি বিগতবর্ষৰে পৰা হিমাদ্রী থিয়েটাৰত অভিনয় কৰি আহিছিল কলাইগাঁৱৰ অভিনেত্রী প্রণীতা দেৱীয়ে ৷ কিন্তু হিমাদ্রী থিয়েটাৰৰ সম্পাদক দীপক নাথে অভিনেত্রী দেৱীক ফোনযোগে নানা অশ্লীল ইংগিত দিয়াৰ লগতে দীর্ঘদিন ধৰি মানসিক নির্যাতন চলাই আহিছিল ৷ এনে বিকৃত মানসিকতাৰ সম্পাদক দীপক নাথৰ কোনো অশ্লীল ইংগিতক অভিনেত্রীগৰাকীয়ে গুৰুত্ব প্রদান নকৰাৰ বাবেই বহু অপবাদ জাপি দিছিল দীপক নাথে ৷
অৱশেষত বিগত বর্ষৰ ৩ ডিচেম্বৰত দৰং জিলাৰ লালপুৰত হোৱা নাট প্রদর্শনৰ নিশা কোনোব্যক্তিৰ মোবাইল ফোনৰ পৰা দীপক নাথে অভিনেত্রী প্রণীতা নাথক প্রাণে মৰাৰ ভাবুকি দিয়ে ৷ বিষয়টো সন্দর্ভত দলগাঁও থানাৰ ভাৰপ্রাপ্ত বিষয়াক জনায় যদিও কোনো ধৰণৰ ব্যৱস্থা নকৰাৰ বাবেই পুনৰ ২৩ ডিচেম্বৰত লিখিতভাৱে এজাহাৰ দাখিল কৰে দলগাঁও থানাত ৷
ইফালে, দলগাঁও আৰক্ষীয়ে বিষয়টো সন্দর্ভত আজিলৈ হিমাদ্রী থিয়েটাৰৰ সম্পাদক দীপক নাথৰ ওপৰত কোনো ব্যৱস্থা গ্রহণ কৰা নাই৷ব্যৱস্থা গ্রহণ কৰা নাই এজাহাৰত উল্লেখ কৰা মোবাইল ফোনৰ গৰাকীৰ ওপৰতো ৷ উল্লেখ্য যে দীপক নাথৰ ওপৰতব্যৱস্থা গ্রহণ কৰিবলৈ আৰক্ষীৰ কাষ চপাৰ বাবেই অভিনেত্রী প্রণীতাক থিয়েটাৰৰ প্রেক্ষাগৃহত প্রতিটো দর্শনীত বেছিকৈ মানসিক নির্যাতন কৰিবলৈ ধৰাত থিয়েটাৰ এৰি ঘৰলৈ আহিব লগা হ’ল অভিনেত্রীগৰাকীয়ে ৷