অশান্ত অসমঃ ৰঞ্জি মেচ বাতিল

নিয়মীয়া বাৰ্তা, ১৩ ডিচেম্বৰঃ কেবক লৈ বিগত দিন ধৰি কেইবাটাও সংগঠনৰ প্রতিবাদত অস্থিৰ হৈ পৰিছে সমগ্র ৰাজ্যৰ লগতে ৰাজধানী চহৰখনো ৷ যাৰ ফলত প্রশাসনে সান্ধ্য আইন জাৰি কৰিবলগীয়া পৰিস্থিতিৰ সৃষ্টি হয় ৷

প্রতিবাদকাৰীসকলৰ্ উত্তাল প্রতিবাদৰ লগতে বিক্ষিপ্ত ঘটনা সংঘটিত হোৱাৰ পৰিপ্রেক্ষিতত গুৱাহাটীৰ বর্ষাপাৰা ক্রিকেট ষ্টেডিয়ামত ঘৰুৱা অসম আৰু ছার্ভিচেছৰ মাজত চলি থকা ৰঞ্জি ট্রফীৰ মেচখন বৃহস্পতিবাৰে চতুর্থ দিনৰ খেল বাতিল হয় ৷ ফলত মেচখন ড্রৰে পৰিসমাপ্তি ঘটে ৷

ৰঞ্জি মেচখনৰ সমান্তৰালভাৱে গুৱাহাটীৰ সৰুসজাই ষ্টেডিয়ামত নর্থ–ইষ্ট ইউনাইটেড এফ চি আৰু চেন্নাইনৰ মাজত বৃহস্পতিবাৰে হ’বলগীয়া আই এছ এলৰ মেচখনো বাতিল হয় ৷ ফুটবল অনুৰাগী খেলুৱৈ আৰু লীগ ষ্টাফৰ নিৰাপত্তাৰ প্রতি লক্ষ্য ৰাখিয়েই আই এছ এলৰ মেচখন বাতিল কৰাৰ সিদ্ধান্ত লয় বুলি আই এছ এলৰ সূত্রটোত লগতে সদৰী কৰে ৷