নিয়মীয়া বাৰ্তা, ১৫ ডিচেম্বৰঃ নাগৰিকত্ব সংশোধনী আইনৰ বিৰুদ্ধে হোৱা গণ আন্দোলনত অংশগ্ৰহণ কৰি আহত হোৱাসকলৰ স্বাস্থ্যৰ বুজ ল’লে ৰাজ্যৰ বিত্ত, স্বাস্থ্য আৰু গড়কাপ্টানী বিভাগৰ মন্ত্ৰী ডঃ হিমন্ত বিশ্ব শৰ্মাই ।
শনিবাৰে দিনৰ ভাগত গুৱাহাটী চিকিৎসা মহাবিদ্যালয় হাস্পতালত উপস্থিত হৈ মন্ত্ৰীগৰাকীয়ে প্রতিগৰাকী আহতৰ স্বাস্থ্য আৰু চিকিৎসাৰ বুজ লয় ৷
মন্ত্রী ড০ শর্মাই চিকিৎসা মহাবিদ্যালয়ৰ অধ্যক্ষৰ লগতে হাস্পতাল কর্তৃপক্ষক প্রতিগৰাকী আহতৰ চিকিৎসাৰ ভালদৰে যত্ন লোৱাৰ লগতে বিনামূলীয়া চিকিৎসা সেৱা আগবঢ়োৱাৰ নির্দেশ দিয়ে ।
স্মর্তব্য যে গণ আন্দোলনত অংশগ্রহণ কৰি আহত হোৱাসকলৰ ভিতৰত বর্তমান ১৪জন গুৱাহাটী চিকিৎসা মহাবিদ্যালয় হাস্পতালত চিকিৎসাধীন হৈ আছে ৷