নিয়মীয়া বাৰ্তা, ১৩ জানুৱাৰীঃ অসম ডনবস্ক’ বিশ্ববিদ্যালয় দক্ষতাপূর্ণ কর্ম আঁচনিৰে শৈক্ষিক আৰু সামাজিক দিশত আগবঢ়োৱা বৰঙণিৰ বাবে ‘এংগেজ ইউনিভাৰছিটী অৱ দ্য ইয়েৰ–২০২০’ শীর্ষক পুৰস্কাৰ লাভ কৰিবলৈ সক্ষম হৈছে৷
এই উপলক্ষে ১০ জানুৱাৰীত কেৰালাৰ তাজ ৰিজ’টত অনুষ্ঠিত হোৱা এক গাম্ভীর্যপূর্ণ অনুষ্ঠানত এই পুৰস্কাৰ প্রদান কৰা হয়৷ ডনবস্ক’ বিশ্ববিদ্যালয়ৰ হৈ এই পুৰস্কাৰ গ্রহণ কৰে বিশ্ববিদ্যালয়খনৰ প্র’ উপাচার্য ড০ যোছেফ নিলাণ্টে৷
মন কৰিব লগা যে ২০০৮ চনতে প্রতিষ্ঠা লাভ কৰা এই বিশ্ববিদ্যালয়খনে ইতিপূর্বে ২০১৮ চনত ‘ইউনিভাৰছিটী অৱ দ্য ইয়েৰ’ বঁটা লাভ কৰিবলৈ সক্ষম হৈছিল৷