নিয়মীয়া বার্তা, ২১ ডিচেম্বৰঃ মাকুমৰ বাৰেকুৰিৰ হাপজান সদৰ মণ্ডলৰ ভাৰতীয় জনতা পার্টীৰ সদস্য বৰগাঁৱৰ দীপক চাউৰক (সৰু)ৰ দোকানত বৃহস্পতিবাৰে নিশা প্রায় দহ বজাত কোনো দুর্বৃত্তই অগ্নি সংযোগ কৰে ৷ ইতিমধ্যে বাৰেকুৰি আৰক্ষীক ঘটনা সন্দর্ভত এজাহাৰ দাখিল কৰিছে ৷ আনহাতে মাকুমত স্বাভাৱিক অৱস্থা ঘূৰি আহিছে যদিও নিশাৰ ভাগলৈ সান্ধ্য আইন বাহাল আছে ৷ বিভিন্ন অনুষ্ঠানৰ লগতে মাকুমবাসীয়েও নাগৰিকত্ব সংশোধনী আইনৰ বিৰুদ্ধে তীব্র প্রতিবাদ অব্যাহত ৰাখিছে ৷