নিয়মীয়া বার্তা, ২৮ নৱেম্বৰঃ পল্টন বজাৰ থানাৰ অন্তর্গত বৰা ছার্ভিচৰ হৰবালা পথত বুধবাৰে এগৰাকী মহিলাৰ পৰা সোণৰ চেইন থপিয়াই পলাবলৈ চেষ্টা চলোৱা এজন যুৱকক ৰাইজে উত্তম–মধ্যম শোধাই আৰক্ষীক গতাই দিয়ে ৷ প্রত্যক্ষদর্শীয়ে জানিবলৈ দিয়া মতে, এএছ–০১ বিএন–৭৬১২ নম্বৰৰ বাইক আৰোহী আকাশ শর্মা (৩০)ই হৰবালা পথেৰে খোজকাঢ়ি অহা উর্বশী কলিতা নামৰ মহিলাগৰাকীৰ পৰা সোণৰ চেইন থপিয়াই নিয়ে ৷ মহিলাগৰাকীয়ে চিঞৰ–বাখৰ কৰাত স্থানীয় ৰাইজে যুৱকজনক আটক কৰি উত্তম–মধ্যম শোধাই পল্টন বজাৰ আৰক্ষীক গতাই দিয়ে ৷ ৰূপনগৰৰ বাসিন্দা ধৃত যুৱকজন খানাপাৰাৰ এক্সিছ বেংকৰ কর্মচাৰী ৷