নিয়মীয়া বাৰ্তা, ২৬ মাৰ্চঃ ৰাজ্যত ক’ৰোনা ভাইৰাছ প্ৰতিৰোধ কৰিবলৈ বুধবাৰে গুৱাহাটীস্থিত ব্যক্তিগত চিকিৎসালয়ৰ স্বত্বাধিকাৰীসকলৰ সৈতে এক বৈঠকত মিলিত হয় স্বাস্থ্যমন্ত্ৰী ড০ হিমন্ত বিশ্ব শৰ্মা । এই বৈঠকতে সচৰাচৰ ৰোগীসকল ব্যক্তিগত চিকিৎসালয়লৈ প্ৰেৰণ কৰা আৰু চৰকাৰী চিকিৎসালয়ত কেৱল ক’ৰোনা ভাইৰাছ আক্ৰান্ত ৰোগীক চোৱাচিতা কৰাৰ বিষয়ো আলোচনা কৰা হয় ।
ইয়াৰ পাছতেই বৃহস্পতিবাৰে স্বাস্থ্যমন্ত্ৰী ড০ হিমন্ত বিশ্ব শৰ্মাৰ আহ্বানৰ প্ৰতি সহাৰি জনাই আগবাঢ়ি আহিল প্ৰখ্যাত চিকিৎসক তথা GNRC হাস্পতালৰ স্বত্বাধিকাৰী ডা.নোমল চন্দ্ৰ বৰা। ডা.বৰাই GNRC ৰ অধীনত থকা সকলোবোৰ বিচনা যি কোনো সময়তে চৰকাৰে ব্যবহাৰ কৰিব পাৰিব বুলি ঘোষণা কৰিছে।
We welcome the decision of health minister Dr. @himantabiswa Sarma to use all the government hospital beds for impending Corona patients. This is the most appropriate step under the prevailing circumstances.
— Dr. Nomal Chandra Borah (@nomal_borah) March 26, 2020
উল্লেখ্য যে ডাঃ বৰাই এনে পদক্ষেপ গ্ৰহণ কৰি সকলোকে অনুপ্ৰাণিত কৰাৰ বাবে আগভাগ লৈছে। ইপিনে ব্যক্তিগত খণ্ডৰ অন্যান্য হাস্পতাল/ নাৰ্চিংহোমসমূহেও ডাঃ বৰাৰ দৰে আগবাঢ়ি আহিব বুলি এতিয়া সকলোৱে আশা প্ৰকাশ কৰিছে ।