নিয়মীয়া বাৰ্তা ৫ মাৰ্চঃ পুৰুষে শুক্রাণুৰ পৰিমাণ আৰু মান বৃদ্ধি কৰিবলৈ বিভিন্ন চিকিৎসা আৰু ঔষধৰ আশ্ৰয় লয়। আপুনি জানি আচৰিত হ’ব যে বিলাহীয়ে আপোনাৰ শুক্ৰাণুৰ মান উন্নত কৰিব পাৰে। এক গৱেষণাত এই তথ্য প্ৰকাশ কৰা হৈছে।
গৱেষণাটোত দেখা পোৱা গৈছে যে বিলাহীত লিক’পিন নামৰ এক পুষ্টি পোৱা যায়, যি পুৰুষৰ প্ৰজনন সমস্যাৰ মোকাবিলা কৰাত সহায় কৰিব পাৰে। লিক’পিনৰ বাবে বিলাহীৰ ৰং ৰঙা হয়।
গৱেষণাত এইটো প্ৰকাশ পাইছিল যে দিনত দুই চামুচ বিলাহীৰ ৰস খোৱা স্বাস্থ্যৱান পুৰুষসকলৰ শুক্ৰাণুৰ মান ভাল হোৱা বুলি পোৱা গৈছিল। গৱেষকসকলে এইটোও বিশ্বাস কৰে যে তেওঁলোকৰ গৱেষণাই ভৱিষ্যতে পুৰুষসকলৰ প্ৰজনন ক্ষমতাত সহায় কৰিব। ৪০ শতাংশতকৈ অধিক বন্ধ্যাত্বৰ ঘটনা নিম্ন মানৰ শুক্ৰাণুৰ বাবে হয়।
চেফিল্ড বিশ্ববিদ্যালয়ৰ এটা দলে মুঠ ৬০ জন লোকৰ ওপৰত গৱেষণা কৰিছিল। গৱেষণাটোত ১৯ ৰ পৰা ৩০ বছৰ বয়সৰ লোকসকলক অন্তৰ্ভুক্ত কৰিছিল। ১২ সপ্তাহৰ পৰীক্ষণৰ সময়ত, আধা অংশগ্ৰহণকাৰীয়ে ১৪ মিঃগ্ৰাঃ লেকটোলিকোপিন গ্ৰহণ কৰিছিল।
ঔষধটো কেমব্ৰিজ নিউট্ৰেচিউটিকেলছ লিমিটেডৰ জৰিয়তে তৈয়াৰ কৰা হৈছিল, য’ত বিলাহীৰ উপাদান আছিল। অংশগ্ৰহণকাৰীসকলৰ আধাজনে প্লেচিবো লৈছিল। গৱেষকসকলে পৰীক্ষাৰ আগতে আৰু পিছত শুক্ৰাণুৰ নমুনা লৈছিল। তাৰ পিছত, লেকাটোলিকোপিন লোৱা অংশগ্ৰহণকাৰীসকলৰ মাজত ৪০ শতাংশ অধিক আৰু উন্নত মানৰ শুক্ৰাণু পোৱা গৈছিল।
শ্বেফিল্ড বিশ্ববিদ্যালয়ৰ মুৰব্বী অধ্যাপক এলান পেচিয়ে কয়, “আমি সঁচাকৈয়ে আশা কৰা নাছিলো যে গৱেষণাই টেবলেট আৰু প্লেচিবো গ্ৰহণ কৰা পুৰুষৰ মাজত শুক্রাণুৰ মানৰ কোনো পাৰ্থক্য দেখিব, কিন্তু আমি গৱেষণা কৰোঁ আৰু ফলাফলবোৰ ডিক’ড কৰোঁতে আমি আচৰিত হৈছিলো। শুক্ৰাণুৰ আকাৰ আৰু মানৰ ক্ষেত্ৰত এক আশ্চৰ্যজনক উন্নতি দেখা গৈছিল। অধ্যাপকে বিশ্বাস কৰে যে লিক’পিনৰ এণ্টি-অক্সিডেণ্ট গুণে শুক্রাণু ক্ষতিগ্ৰস্ত হোৱা প্ৰতিহত কৰিব পাৰে।”