নিয়মীয়া বাৰ্তা, ২৭ ফেব্ৰুৱাৰীঃ দিল্লীত চলি থকা হিংসাত্মক ঘটনাৰ সন্দৰ্ভত ৰাষ্ট্ৰপতি ৰামনাথ কোবিন্দক বৃহস্পতিবাৰে সাক্ষাৎ কৰে কংগ্ৰেছৰ সভানেত্ৰী ছোনিয়া গান্ধীৰ নেতৃত্বত যোৱা এটা প্ৰতিনিধিৰ দলে ।
ৰাষ্ট্ৰপতিভৱনত ৰাষ্ট্ৰপতি কোবিন্দক সাক্ষাৎ কৰি ছোনিয়া গান্ধী আৰু প্ৰাক্তন প্ৰধানমন্ত্ৰী মনমোহন সিঙৰ লগতে প্ৰতিনিধিৰ দলটোৱে এখন স্মাৰকপত্ৰ প্ৰদান কৰে ।
Sonia Gandhi after submitting a memorandum to President: We call upon you (President) to ensure that life, liberty, & property of citizens are preserved. We also reiterate that you should immediately call for the removal of the Home Minister for his inability to contain violence. https://t.co/fAZURsLu4T pic.twitter.com/3mlAbzePmz
— ANI (@ANI) February 27, 2020
ইপিনে স্মাৰকপত্ৰ প্ৰদান কৰি ছোনিয়া গান্ধীয়ে কয় যে- আমি দিল্লীৰ নাগৰিকৰ জীৱন, স্বাধীনতা আৰু সম্পত্তি সুৰক্ষিত ৰাখিবলৈ দাবী জনাইছো । ইয়াৰোপৰি এনে হিংসাত্মক ঘটনাক নিয়ন্ত্ৰণ কৰাত ব্যৰ্থ হোৱাৰ বাবে কেন্দ্ৰীয় গৃহমন্ত্ৰী অমিত শ্বাহক পদৰ পৰা অপসাৰণৰো দাবী কৰিছো ।
উল্লেখ্য যে নাগৰিকত্ব সংশোধনী আইন বিৰোধী আৰু সমৰ্থকৰ মাজত সংঘটিত হোৱা এই হিংসাত মৃত্যু হোৱা লোকৰ সংখ্যা এই পৰ্যন্ত ৩৪ গৰাকীলৈ বৃদ্ধি পাইছে ।