নিউজডেস্ক, ১৮ ডিচেম্বৰঃ দেশৰ ৰাজধানী মহানগৰ নতুন দিল্লীত সংঘটিত শিহৰণকাৰী নির্ভয়া ধর্ষণৰ গোচৰত মৃত্যুদণ্ডৰ ৰায় লাভ কৰা অপৰাধীৰ এক আবেদনৰ শুনানি গ্রহণ কৰিবলৈ উচ্চতম ন্যায়ালয়ে আজি নতুন বিচাৰপীঠ গঠন কৰিব ৷
স্মর্তব্য যে মুখ্য ন্যায়াধীশ এছ এ ব’বডে নেতৃত্বাধীন বিচাৰিপীঠে এই গোচৰত দোষী সাব্যস্ত হোৱা অক্ষয় কুমাৰ সিঙৰ আবেদনৰ শুনানি গ্রহণ কৰিবলৈ অগ্রাহ্য কৰিছে ৷
মঙলবাৰে দুই বজাত ব’বডে নেতৃত্বাধীন তিনিজনীয়া বিচাৰপীঠে উল্লেখ কৰিছে যে এক নতুন বিচাৰপীঠ গঠন কৰা হ’ব ৷ এই নতুন বিচাৰপীঠত বিষয়টো সন্দর্ভত উত্থাপিত আবেদনৰ শুনানি গ্রহণ কৰা হ’ব ৷
লক্ষণীয়ভাৱে ইতিমধ্যে শিহৰণকাৰী এই ধর্ষণৰ গোচৰত দোষী সাব্যস্ত হৈ মৃত্যুদণ্ডৰ ৰায় লাভ কৰা চাৰি অপৰাধীয়ে উচ্চতম ন্যায়ালয়ক পূর্বৰ ৰায়ৰ পুনৰীক্ষণ চলাবলৈ আবেদন জনাইছে ৷ কিন্তু চাৰিওজন অপৰাধীৰ এই আবেদন অগ্রাহ্য কৰি আহিছে উচ্চতম ন্যায়ালয়ে ৷