নিয়মীয়া বাৰ্তা,৫ ডিচেম্বৰঃ মঙলবাৰে ঝাৰখণ্ডত কংগ্রেছৰ হৈ প্রচাৰ অভিযান চলোৱা দলটোৰ নেতা ৰাহুল গান্ধীয়ে কয় যে ছত্তিশগড়ৰ দৰে ঝাৰখণ্ডৰ পৰিস্থিতি সলনি কৰি দিব কংগ্রেছে ৷ ছত্তিশগড়ত ক্ষমতালৈ অহাৰ এবছৰৰ ভিতৰতে কংগ্রেছ চৰকাৰে ৰাজ্যখনৰ প্রগতিৰ ক্ষেত্রত নজিৰ সৃষ্টি কৰিবলৈ সক্ষম হোৱা বুলি দাবী কৰে ৰাহুলে ৷ ঝাৰখণ্ডতো কংগ্রেছ মিত্রজোঁট ক্ষমতালৈ আহিলে জনসাধাৰণৰ ব্যাপক কল্যাণ সাধন কৰা হ’ব বুলি ঘোষণা কৰে ৰাহুলে ৷ উল্লেখনীয় যে ছত্তিশগড়ৰ দৰে ঝাৰখণ্ডতো আছে লক্ষণীয়ভাৱে জনজাতি লোকৰ আধিপত্য ৷ জনজাতি লোকৰ সংখ্যা ঝাৰখণ্ডত অভাৱনীয়ভাৱে বেছি ৷ এই লোকসকলৰ প্রগতিত কংগ্রেছে বিশেষ গুৰুত্ব আৰোপ কৰিব বুলি কালি ৰাজ্যখনৰ প্রচাৰ অভিযানত ঘোষণা কৰাৰ উপৰি কৃষকসকলৰ ঋণ ৰেহাই দিয়াৰো প্রতিশ্রুতি প্রদান কৰে ৰাহুল গান্ধীয়ে ৷