নিয়মীয়া বাৰ্তা, ১৯ মাৰ্চঃ পঞ্জাবত মুখ্যমন্ত্রী হিচাপে শপতগ্রহণ কৰিয়ে আপ নেতা ভগৱন্ত মানে ঘোষণা কৰিছে যে ৰাজ্যখনত ২৩ মার্চৰ পৰাই দুর্নীতিবিৰোধী হেল্পলাইন ব্যৱস্থা মুকলি কৰা হ’ব৷ উল্লেখনীয় যে ২৩ মার্চ হৈছে শ্বহীদ দিৱস৷ এই হেল্পলাইন নম্বৰটো ভগৱন্ত মানৰ ব্যক্তিগত ম’বাইল নম্বৰ৷ মুখ্যমন্ত্রীৰ কার্যালয়ৰ পৰা এই কথা ঘোষণা কৰা হৈছে৷ হোৱাটছএপযোগে দুর্নীতি সন্দর্ভত এই নম্বৰত সবিশেষ তথ্য জনাব পাৰিব অভিযোগকাৰীয়ে৷ পঞ্জাবত দুর্নীতিৰ বিৰুদ্ধে এয়া হ’ব এক অভিযান৷