নিয়মীয়া বাৰ্তা, ৮ জানুৱাৰীঃ আজি দেশজুৰি ট্ৰেড ইউনিয়নে আহ্বান কৰিছে সাধাৰণ ধৰ্মঘট-চকাবন্ধ । এই বন্ধৰ সময়ত সমগ্ৰ দেশৰ লগতে অসমতো বন্ধৰ সৰ্বাত্মক প্ৰভাৱ দেখিবলৈ পোৱা গ’ল ।
কিন্তু এই সময়ছোৱাত পশ্চিমবংগত দেখিবলৈ পোৱা গ’ল এক ব্যতিক্ৰম দৃশ্য । ৰাজ্যখনৰ ৰাজ্যিক পৰিবহণ বিভাগৰ এজন বাছ চালকে শিলিগুৰীত বন্ধৰ সময়ত নিজৰ সুৰক্ষাৰ বাবে হেলমেটত পিন্ধি বাছ চলাবলৈ ওলাই আহিল ।
বিশেষকৈ বন্ধৰ সময়ত চলাচল কৰা যানবাহনসমূহ ক্ষতিগ্ৰস্ত হোৱাৰ লগতে যিকোনো বিক্ষিপ্ত ঘটনা সংঘটিত হয় । এনে কোনো ভয়ংকৰ ঘটনাৰ আশংকা কৰিয়ে এই বাছ চালকজনে নিজকে সুৰক্ষা দিবৰ বাবে মূৰত হেলমেট পৰিধান কৰে ।
উল্লেখ্য যে পশ্চিমবংগ পৰিবহণ বিভাগে ঘোষণা কৰিছিল যে বুধবাৰে কেন্দ্রীয় চৰকাৰৰ অর্থনৈতিক নীতিৰ বিৰুদ্ধে বিভিন্ন ট্রেড ইউনিয়ন সমর্থিত দেশব্যাপী ধর্মঘটৰ পৰিপ্রেক্ষিতত ৰাজ্যখনত অতিৰিক্ত ২২ শতাংশ বাছ চলাচল কৰিব।