বাৰ্তা ডিজিটেল ডেস্ক, ১ জানুৱাৰীঃ আজি সংঘটিত বৃহৎ ভূমিকম্পৰ পিছত দেশত আবদ্ধ হৈ থকা ভাৰতীয় নাগৰিকসকলৰ বাবে জাপানত থকা ভাৰতীয় দূতাবাসে জৰুৰীকালীন নম্বৰ জাৰি কৰিছে। ইয়াৰ উপৰি দূতাবাসে জৰুৰীকালীন নিয়ন্ত্ৰণ কক্ষও স্থাপন কৰিছে। জাপানৰ ৰাজহুৱা সম্প্ৰচাৰক এন এইচ কেৰ উদ্ধৃতি দি সংবাদ সংস্থা ৰয়টাৰে প্ৰকাশ কৰা অনুসৰি সোমবাৰে জাপানত ৭.৪ প্ৰাবল্যৰ ভূমিকম্প সংঘটিত হয় আৰু তাৰ পিছতে ছুনামিৰ সৃষ্টি হয়। ইয়াৰ সময়ত জাপানৰ ইছিকাৱা প্ৰিফেকচাৰৰ ৱাজিমা চহৰত ১.২ মিটাৰ উচ্চতাৰ ছুনামিৰ ঢৌ বাঢ়ি যায়। জাপান বতৰ বিজ্ঞান সংস্থাই জনোৱা মতে, এই অঞ্চলত পাঁচ মিটাৰ দৈৰ্ঘ্যৰ বিশাল ছুনামিৰ সম্ভাৱনা আছে। ইয়াৰ পূৰ্বে বতৰ বিজ্ঞান বিভাগে জাপান সাগৰীয় উপকূলৰ লগতে নিইগাটা, টয়মা, ইয়ামাগাটা, ফুকুই আৰু হ্যোগো প্ৰিফেকচাৰৰ বাবে ছুনামীৰ সতৰ্কবাণী জাৰি কৰিছিল।