নিয়মীয়া বাৰ্তা, ২২ ডিচেম্বৰঃ দক্ষিণ শালমাৰা–মানকাচৰ জিলাৰ হাটশিঙিমাৰীৰ শিশুমাৰাৰ বাংলাদেশ সীমান্তৰ পৰা শুকুৰবাৰেনিশা বিএছএফে অভিযান চলাই ১৫টা গৰু জব্দ কৰিবলৈ সক্ষম হয়৷
ঘন কুঁৱলীৰ সুযোগ লৈ চোৰাং গৰু সৰবৰাহকাৰীয়ে বাংলাদেশলৈ গো–ধন সৰবৰাহ কৰাৰ চেষ্টা কৰিছিল৷ কিন্তু শিশুমাৰা কেম্পৰ বিএছএফে আগতীয়াকৈ খবৰ পাই উক্ত ঠাইত অভিযান চলাই ১৫টা গৰু উদ্ধাৰ কৰিবলৈ সক্ষম হোৱাৰ লগতে চোৰাং গৰু সৰবৰাহকাৰী দুগৰাকীক আটক কৰে৷
ধৃত চোৰাং গৰু সৰবৰাহকাৰী দুজন সুখচৰ থানাৰ অন্তর্গত বৰাইটি গাঁৱৰ মুনছুৰ আলীৰ পুত্র আনাৰুল ইছলাম আৰু মানকাচৰ থানাৰ অন্তর্গত চমৰাশালী গাঁৱৰ আকবৰ আলীৰ পুত্র ৰুবুল শ্বেখ ৷ শনিবাৰে বিএছএফে ১৫টা চোৰাং গৰুসহ চোৰাং গৰু সৰবৰাহকাৰীদ্বয়ক্ খাৰুৱাবান্ধা আৰক্ষী চকীত চমজাই দিয়ে৷