নিয়মীয়া বাৰ্তা, ২১ নৱেম্বৰঃ কোকৰাঝাৰৰ কাশীপাৰাৰ তৌফিক ৰহমান নামৰ এজন যুৱকে এগৰাকী যুৱতীক প্ৰেমৰ জালত বন্দী কৰি পিছত অন্তৰংগ মুহূৰ্তৰৰ ফটো আৰু ভিডিঅ’ ভাইৰেল কৰাত তীব্ৰ প্ৰতিক্ৰিয়াৰ সৃষ্টি হৈছে । কাশীপাৰাৰ তৌফিকে প্ৰথমে প্ৰেমৰ সম্পৰ্ক গঢ়ি তুলে । পাছত যুৱতীৰ সৈতে থকা অন্তৰংগ মুহূৰ্তৰ ফটো আৰু ভিডিঅ’ ছ’চিয়েল মিডিয়াত ভাইৰেল কৰে । উল্লেখ্য যে পূৰ্বেও তৌফিক এনে অসামাজিক কাৰ্যত লিপ্ত হৈ ৰঙাঘৰৰ আলহী হৈছিল । ইপিনে এই ঘটনাৰ পাছতে সমগ্ৰ কোকৰাঝাৰতে তীব্ৰ প্ৰতিক্ৰিয়াৰ সৃষ্টি কৰিছে । শীঘ্ৰে যুৱকজনক কৰায়ত্ব কৰি কঠোৰ শাস্তি বিহাৰ দাবী জনাইছে অঞ্চলটোৰ ৰাইজে ।