নিয়মীয়া বাৰ্তা, ৩০ ডিচেম্বৰঃ চাওঁতে চাওঁতে মেলানি মাগিবৰ হ’ল এটা বছৰে । ২০১৯ বৰ্ষই কি দিলে, কি হেৰুৱালে সেয়া এতিয়া সকলোৰে মুখে মুখে যেন চৰ্চিত । তথাপিও এনে কিছু বিষয় আছে যি সমূহ জনচক্ষুৰ দৃষ্টিৰ পৰা বহু আঁতৰত থাকে । বৰ্ষটোৰ তেনে কেইগৰাকীমান প্ৰভাৱশালী মহিলাৰ বিষয়ে আমি আপোনালৈ আগবঢ়াইছো এই বিশেষ প্ৰতিবেদন …
স্মৃতি ইৰাণীঃ ১৭ সংখ্যক লোকসভা নিৰ্বাচনত ভাৰতীয় জনতা পাৰ্টীৰ হৈ আমেঠী লোকসভা সমষ্টিৰ পৰা বিপুল ভোটত জয়যুক্ত হোৱা স্মৃতি ইৰাণী হৈছে বৰ্ষটোৰ প্ৰভাৱশালী ভাৰতীয় মহিলা । নৰেন্দ্ৰ মোডী চৰকাৰৰ দ্বিতীয়টো কাৰ্যকালত স্মৃতি ইৰাণীক দিয়া হৈছে মহিলা আৰু শিশু বিকাশ মন্ত্ৰণালয়ৰ দায়িত্ব ।
কিৰণ খেৰঃ
এইগৰাকী প্ৰসিদ্ধ অভিনেত্ৰীও হৈছে বৰ্ষটোৰ এগৰাকী প্ৰভাৱশালী মহিলা । চণ্ডীগড়ৰ লোকসভা সমষ্টিৰ পৰা দ্বিতীয়বাৰৰ বাবে জয়যুক্ত হৈ সাংসদ ৰূপে দায়িত্ব পালন কৰি আছে এইগৰাকী অভিনেত্ৰী কিৰণ খেৰে ।