নিয়মীয়া বাৰ্তা, ১৮ ডিচেম্বৰঃ বুধবাৰে গুৱাহাটীৰ সৰুসজাই ক্রীড়া প্রকল্পৰ ইন্দিৰা গান্ধী এথলেটিক ষ্টেডিয়ামত হ’ব লগীয়া মেচখনত মুখামুখি হ’ব নর্থ–ইষ্ট ইউনাইটেড আৰু বাংগালুৰু এফ চি ৷
স্মর্তব্য যে এইবাৰ লীগত এই দুয়োটা দলে পৰস্পৰে পৰস্পৰৰ বিৰুদ্ধে খেলি অভিযান আৰম্ভ কৰিছিল ৷
আজি ঘৰুৱা দলটোৱে ছীজনৰ অষ্টম মেচত ভাগ লোৱাৰ বিপৰীতে বাংগালুৰুৱে নৱম মেচত অৱতীর্ণ হ’ব ৷
এতিয়ালৈকে নর্থ–ইষ্ট দলটোৱে সাতখন মেচৰ পৰা ১০ পইণ্ট অর্জন কৰি পঞ্চম স্থানত থকাৰ বিপৰীতে আঠখন মেচৰ পৰা ১৩ পইণ্টেৰে তৃতীয় স্থানত আছে ডিফেণ্ডিং চেম্পিয়ন বাংগালুৰু ।
উল্লেখ্য যে এ টি কেৰ বিৰুদ্ধে খেলা মেচখনত আঘাত পোৱা তাৰকা ষ্ট্রাইকাৰ গিয়ানে আজিৰ মেচখনতো নেখেলে ৷ কিন্তু নর্থ–ইষ্ট দললৈ প্রত্যাৱর্তন কৰিছে উৰুগুৱেৰ ফেডেৰিকো গালেগ’ই ৷
খেলৰ সময়ঃ সন্ধিয়া ৬ বজা ৷