প্রতিৰক্ষা গৱেষণা আৰু বিকাশ সংস্থা, চমুকৈ DRDO -ই একেৰাহে দুদিন দৰি প্রলয় মিছাইলৰ সফল পৰীক্ষণেৰে দেশীয়ভাৱে নির্মিত ক্ষেপণাস্ত্রৰ ক্ষেত্রত মাইলৰ খুঁটি ৰচিলে৷

ওড়িশাৰ উপকূলৰ আব্দুল কালাম দ্বীপপুঞ্জত ২৮ জুলাইৰ পৰা একেৰাহে দুদিন ধৰি প্রলয় মিছাইলৰ সফল পৰীক্ষণ চলায়৷ ক্ষেপণাস্ত্র পদ্ধতিৰ সর্বোচ্চ আৰু নূ্যনতম দূৰত্বৰ সক্ষমতা উভয়কে প্রলয় মিছাইলৰ পৰীক্ষণত সফলতা লাভ কৰে৷

DRDOই প্রকাশ কৰা মতে সর্বোচ্চ দূৰত্বভেদী আৰু নূ্যনতম দূৰত্বভেদী উভয় মিছাইলেই নিখুঁত লক্ষ্যভেদ কৰিবলৈ সক্ষম হৈছে৷ নির্ধাৰিত লক্ষ্যত সঠিক সময়ত সঠিকভাৱে আঘাত কৰিছে এই দুয়োবিধ মিছাইলে৷ প্রলয় হৈছে হ্রস্ব দূৰত্বৰ বেলিষ্টিক মিছাইল (এছআৰবিএম)৷ ডিআৰডি’ই যুদ্ধক্ষেত্রৰ বাবে এই মিছাইলটো বিকশিত কৰিছে৷ ভাৰতীয় সেনা আৰু বায়ুসেনাৰ আৱশ্যকতাৰ প্রতি লক্ষ্য ৰাখি এই মিছাইল তৈয়াৰ কৰা হৈছে৷

অত্যাধুনিক প্রযুক্তিৰে নির্মিত এই মিছাইল ১৫০–৫০০ কিলোমিটাৰলৈ নিক্ষেপ কৰিব পৰা যাব৷ শত্রুৰ গুৰুত্বপূর্ণ স্থানত আঘাত কৰিবৰ বাবে এই মিছাইল বিকশিত কৰা হৈছে৷

Niyomiya Barta Desk, 30 July, 2025

The post প্রলয় মিছাইলৰ সফল পৰীক্ষণ সম্পন্ন DRDO-ৰ first appeared on নিয়মীয়া বাৰ্তা.

ড্ৰোন বা “Unmanned Aerial Vehicle (UAV)” আধুনিক প্ৰযুক্তিৰ এটা যুগান্তৰকাৰী অৱদান হিচাপে বিবেচিত হৈছিল। আৰম্ভণিত ইয়াৰ ব্যৱহাৰ কৃষি, চলচ্চিত্ৰ নিৰ্মাণ, পৰ্যবেক্ষণ, ডেলিভাৰী, আৰু উদ্ধাৰ কাৰ্য্যত সীমাবদ্ধ আছিল। কিন্তু বৰ্তমান সময়ত ড্ৰোন মানৱজাতিৰ বাবে এক নতুন দুৰ্যোগ হিচাপে পৰিগণিত হৈ পৰিছে, ইয়াৰ কাৰণ বিশেষকৈ সামৰিক, গুপ্তচৰবৃত্তি, আৰু উগ্ৰপন্থী কাৰ্যকলাপত ইয়াৰ অপব্যৱহাৰ।

শেহতীয়া কেইবাটাও ঘটনা পৰ্যবেক্ষণ কৰিলে এই দুৰ্যোগৰ ভয়ংকৰ পৰিণতি পোৱা যায়। পাকিস্তানে ভাৰতীয় সীমান্তত একাধিকবাৰ ড্ৰোন প্ৰেৰণ কৰি অস্ত্ৰ আৰু মাদক সৰবৰাহ কৰি আহিছে। ২০২৪-২৫ চনত জম্মু আৰু পাঞ্জাব সীমান্তত এনে বহু ঘটনাই ৰাষ্ট্ৰীয় সুৰক্ষাক আঘাত হানিছে। ২০২৫তে পহেলগামৰ সন্ত্ৰাসবাদী আক্ৰমণৰ পাছত ভাৰত এক ভয়ংকৰ ড্ৰোন আক্ৰমণৰ সন্মুখীন হ, য’ত বিস্ফোৰকভৰ্তি ড্ৰোনে সেনা কেম্প লক্ষ্য কৰি আক্ৰমণ চলোৱাৰ চেষ্টা কৰে।

বিদেশতো এনে ঘটনা পৰিলক্ষিত হৈছে। ইউক্ৰেইন-ৰাছিয়া যুদ্ধত ড্ৰোনে এক মুখ্য ভূমিকা পালন কৰিছে। স্বচালিত ড্ৰোনে বিস্ফোৰণ ঘটাই শ শ মানুহৰ প্ৰাণ হৰণ কৰিছে। এই ধৰণৰ ড্ৰোন “self-destructing drone” নামেৰে পৰিচিত। ই একেবাৰে নিঃশব্দভাৱে লক্ষ্যত উপনীত হৈ বিস্ফোৰণ ঘটায়, যাৰ পৰা ৰক্ষা পোৱা প্ৰায় অসম্ভৱ। যোৱা ১২ জুলাই ২০২৫ তাৰিখে ম্যানমাৰত অৱস্থিত সংযুক্ত মুক্তি বাহিনীৰ শিবিৰত ১৫০ খন ড্ৰোনৰ আক্ৰমণত সংগঠনটোৰ তিনিজনকৈ শীৰ্ষ নেতাৰ মৃত্যু হোৱাৰ ঘটনা আলফা (স্বা) ৰ এক বিবৃতিৰ জৰিয়তে পোহৰলৈ আহিছে।

এই ড্ৰোনসমূহৰ ভৱিষ্যৎ প্ৰজন্ম “AI-powered” হ’ব বুলি অনুমান কৰা হৈছে। অৰ্থাৎ, এইবোৰ নিজেই লক্ষ্য নিৰ্ধাৰণ, পথ বাছনি, আৰু প্ৰতিক্ৰিয়া কৰিবলৈ সক্ষম হ’ব। এনে পৰিস্থিতিয়ে ড্ৰোনক সম্পূৰ্ণ ৰূপে নিয়ন্ত্ৰণৰ বাহিৰত লৈ যাব পাৰে। এনে এক আশংকাজনক অৱস্থা মানৱ জাতিৰ বাবে এক ভয়ংকৰ দুৰ্যোগ হৈ উঠিব পাৰে।

ড্ৰোনৰ অপব্যৱহাৰৰ বিৰুদ্ধে ব্যৱস্থা গ্ৰহণ কৰা অতি প্ৰয়োজন। ভাৰত চৰকাৰে ইতিমধ্যে ড্ৰোন নিয়ন্ত্ৰণ নীতি ঘোষণা কৰিছে, য’ত অনুমতি বিহীন উৰণ নিষিদ্ধ কৰা হৈছে। লগতে, ড্ৰোন চিনাক্তকৰণ, নিয়ন্ত্রণ, আৰু ধ্বংসৰ বাবে “Anti-Drone System” ৰ উন্নয়নো চলি আছে। লেজাৰ ভিত্তিক অস্ত্ৰ ব্যৱহাৰৰ উদ্যোগো গ্ৰহণ কৰা হৈছে।

ড্ৰোনৰ বিভিন্ন অপব্যৱহাৰৰ মাজতো ইয়াৰ যথেষ্ট ভাল দিশ তথা ভাল ব্যৱহাৰখিনি আমি লক্ষ্য কৰাতোও দৰকাৰ। ড্ৰোনৰ সহায়ত খেতি ক্ষেত্ৰ চোৱা, ওপৰৰ পৰা শস্যৰ অৱস্থা পৰ্যবেক্ষণ কৰা, সাৰ-ঔষধ স্প্রে কৰা সহজ হৈছে। বানপানী, ভূমিকম্প, বা অগ্নিকাণ্ডৰ সময়ত ড্ৰোন এক উল্লেখযোগ্য আহিলা হিচাপে ব্যৱহাৰ হৈছে। সেনা তথা সুৰক্ষা ব্যৱস্থাত ড্ৰোনে সীমান্তত নজৰদাৰী, গুপ্তচৰ অভিযান, বিস্ফোৰক চিনাক্তকৰণ, আকাশী আক্ৰমণৰ আগতীয়া সতৰ্কবাণী প্ৰদান ইত্যাদি কামত সহায় কৰে। চলচিত্ৰ আৰু মিডিয়াৰ ক্ষেত্ৰতো ড্ৰোনৰ ব্যৱহাৰ লক্ষণীয়। উৰ্দ্ধ-দৃশ্য (aerial shot) বা দৰ্শনীয় দৃশ্য বন্দী কৰাৰ ক্ষেত্ৰত ড্ৰোন ব্যৱহাৰ কৰা হয়। অনুষ্ঠান, বিবাহ, বা সংবাদ প্ৰতিবেদনত ইয়াৰ ব্যৱহাৰ বেছি হৈছে।

Amazon, Zomato আদি প্ৰতিষ্ঠানে ড্ৰোনৰ সহায়ত খাদ্য, সামগ্ৰী তৎকালিকভাৱে কাষ্টমাৰৰ ওচৰলৈ পঠিয়াবলৈ পৰীক্ষা কৰিছে। পৰিৱেশ আৰু বন সংৰক্ষণৰ ক্ষেত্ৰত জন্তু-জন্তুৰ গণনা, বনাঞ্চলৰ পৰ্যবেক্ষণ, অবৈধ কাৰ্যকলাপ নিৰীক্ষণ আৰু বনজ পৰিৱেশৰ পৰ্যবেক্ষণত ড্ৰোন ব্যৱহাৰ খুব ফলপ্ৰসূ।

সামগ্ৰিকভাৱে চাওঁতে, ড্ৰোন এখন সম্ভাৱনাময় প্রযুক্তি হ’লেও, ইয়াৰ অপব্যৱহাৰ সমাজ, ৰাষ্ট্ৰ, আৰু বিশ্বৰ বাবে এটা গুৰুতৰ দুৰ্যোগ হিচাপে দেখা দিছে। যি গতিত এই দুৰ্যোগ বাঢ়ি আছে, তাক ৰোখিবলৈ আন্তঃৰাষ্ট্ৰীয় সহযোগিতা, কঠোৰ নীতি আৰু উন্নত প্ৰযুক্তিৰ বিকাশৰ অত্যন্ত প্ৰয়োজন। নহ’লে, ড্ৰোনে অনাগত দিনত বিশ্বশান্তিৰ বেলি অস্তমিত কৰাৰ পথ খুলি দিব।

📌 শুভ্ৰাশ্ময় কাশ্যপৰ প্ৰতিবেদন

The post ড্ৰোন : বিশ্বশান্তিলৈ বিপদ মাতিব নেকি অনাগত ভৱিষ্যতত!!! first appeared on নিয়মীয়া বাৰ্তা.

হত্যাকাৰী ৰবট : নিজৰ পৰাই লক্ষ্যবস্তুক বাছনি কৰি আক্রমণ চলাব পাৰে ৰবট অস্ত্রই ইয়াক ক’ব পাৰি ‘হত্যাকাৰী ৰবট’৷ কল্পবিজ্ঞানৰ কাহিনী যন্ত্রদানৱ এইবাৰ বাস্তৱলৈ আহি আছে৷ চিনেমাৰ পর্দাৰ ‘টার্মিনেটৰ’ এইবাৰ বাস্তৱ পৃথিৱীত দেখিবলৈ পোৱা যাব৷

অসম্ভৱ একোৱেই নহয়, ইতিমধ্যে গৱেষণা বহুদূৰ আগবাঢ়িছে৷ হলীউডৰ ছবিৰ দৰে এই ‘টার্মিনেটৰ’বোৰৰ হাত–ভৰি নাই আছে কৃত্রিম মেধা–যন্ত্রদানৱৰ যাক মগজু বুলি কোৱা হয়৷ এই কৃত্রিম মেধাই হৈছে টার্মিনেটৰবোৰৰ নিয়ন্ত্রক৷ অর্থাৎ হত্যাকাৰী ৰবট নিয়ন্ত্রিত হ’ব কৃত্রিম মেধাৰ জৰিয়তে৷ বিজ্ঞানীসকলে ইয়াৰ নাম ৰাখিছে ‘লেথেল এটোন’মাছ ওৱেপন ছিষ্টেম’৷

অৱশ্যে হত্যাকাৰী ৰবট হিচাপেই পৰিচিত এই বিশেষ অস্ত্র৷ ভৱিষ্যৎ যুদ্ধৰ সকলো হিচাপ–নিকাচ সলনি কৰি দিব এই ৰবটে৷ স্মর্তব্য যে বিগত কেইবছৰমান ধৰি যুদ্ধত ব্যৱহাৰ হৈছে পাইলটবিহীন বিমান বা বোমাৰু ড্রোন৷ এইবোৰ মানুহে দূৰৰ পৰা নিয়ন্ত্রণ কৰি আহিছে৷ কিন্তু হত্যাকাৰী ৰবটবোৰ এবাৰ যুদ্ধত মুকলি কৰি দিলে তাৰ নিয়ন্ত্রণ মানুহৰ হাতত নাথাকিব৷ এই যন্ত্রদানৱৰ নিয়ন্ত্রণ কৰিব লাগিব কৃত্রিম মেধাই৷

অৱশ্যে বর্তমানলৈ সম্পূর্ণ স্বয়ংক্রিয় কৃত্রিম মেধাসম্পন্ন অস্ত্র কোনো দেশৰ হাতত নাই৷ তথাপি এইক্ষেত্রত গৱেষণাই নতুন মাত্রা লাভ কৰিছে৷ আমেৰিকাৰ যুদ্ধ সৰঞ্জাম নির্মাণ সংস্থা ‘এণ্ডুৰিন’–এ ইয়াক লৈ ইতিমধ্যে পৰীক্ষা–নিৰীক্ষা চলাইছে৷ বহু গৱেষণা সফল হোৱা বুলিও দাবী কৰিছে সংস্থাটোৱে৷ ইয়াৰ ভিতৰত এটা হৈছে ‘ফিউৰি’, কৃত্রিম মেধানির্ভৰ এয়া এক ৰবটিক যুদ্ধ বিমান৷ ইয়াত কোনো ককপিট নাই, নাই পাইলটো৷ কাৰো সাহায্য নোহোৱাকৈ লক্ষ্যবস্তুত আঘাত হানিব পাৰে এই যুদ্ধ বিমানে৷ ‘ৰোডৰানাৰ’ নামৰ আন এক সমৰাস্ত্রও নির্মাণ কৰিছে মার্কিন সংস্থাটোৱে৷ এই অস্ত্রবিধৰ কৃত্রিম মেধানির্ভৰ৷

এই অস্ত্রক এবাৰ মুকলি কৰি দিলে নিজে নিজে অস্ত্রবিধে লক্ষ্যবস্তুক চিনাক্ত কৰি ধ্বংস কৰিব পাৰে৷ মূলতঃ ড্রোন আক্রমণ প্রতিহত কৰিবলৈ ইয়াক নির্মাণ করা হৈছে৷ লক্ষ্যবস্তু চিহ্ণিত কৰিব নোৱাৰিলে এই অস্ত্রবিধ উভতি আহে৷ ইতিমধ্যে ফিউৰি আৰু ৰোডৰানাৰক লৈ ভৱিষ্যৎ যুদ্ধ সন্দর্ভত বিভিন্ন চর্চা চলিছে বিশেষজ্ঞসকলৰ মাজত৷

Niyomiya Barta Desk, Date of Published – 26-06-2025

The post ভৱিষ্যৎ যুদ্ধৰ বাবে নির্মাণ হৈছে হত্যাকাৰী ৰবট first appeared on নিয়মীয়া বাৰ্তা.

Jeep Compass Facelift : জনপ্ৰিয় এছ ইউ ভি কম্পাছৰ ফেচলিফ্ট সংস্কৰণৰ সৈতে সাজু হৈছে জীপ আৰু এতিয়া ইয়াৰ ডিজাইন প্ৰকাশ পাইছে। আনকি বিশ্বব্যাপী আত্মপ্ৰকাশৰ পূৰ্বেও নতুন জীপ কম্পাছৰ লিক হোৱা ছবি ইণ্টাৰনেটত ওলাইছে, যাৰ ফলত ইয়াৰ বাহিৰৰ আৰু ভিতৰৰ ডিজাইনৰ আভাস পোৱা গৈছে।

পৰীক্ষাৰ সময়ত নতুন কম্পাছখন কেইবাবাৰো দেখা গৈছে যদিও এতিয়া প্ৰডাকচন স্পেক মডেলৰ ছবিত ইয়াৰ ৰূপ আৰু শৈলী উন্মোচিত হৈছে।

নতুন জীপ কম্পাছ Jeep Compassৰ বাহিৰৰ অংশটো পুৰণি ডিজাইনৰ আপডেট কৰা সংস্কৰণৰ দৰে দেখা গৈছে। এছ ইউ ভিৰ সন্মুখত চিকচিকিয়া এল ই ডি হেডলেম্প আছে যিবোৰ ব্ৰেণ্ডৰ চিগনেচাৰ ৭ স্লটৰ গ্ৰীলৰ সৈতে যোৰ কৰা হৈছে। এইবাৰ গ্ৰীলত পাতল লাইটিং ষ্ট্ৰিপো যোগ কৰা হৈছে, যাৰ ফলত ইয়াক অধিক আকৰ্ষণীয় কৰি তোলা হৈছে। সন্মুখৰ বাম্পাৰটো আগৰ তুলনাত শক্তিশালী দেখা গৈছে, য’ত ফগ লেম্পও আছে। চাইড প্ৰফাইলত এছ ইউ ভিখনৰ চাৰিওফালে ডাঠ ক’লা ক্লেডিং, বৰ্গক্ষেত্ৰৰ চকা আৰ্ক আৰু কান্ধৰ ৰেখাই ইয়াক অধিক পেশীবহুল ৰূপ দিয়ে। ছাদৰ ৰেল আৰু নতুন এল ই ডি টেইল লাইট, যিবোৰ এতিয়া জীপৰ ল’গ’ৰ সৈতে সংযুক্ত হৈ আছে, ইয়াক অধিক ষ্টাইলিছ কৰি তুলিছে। পিছফালৰ আৰু সন্মুখৰ অভাৰহেং পুৰণি মডেলতকৈ চুটি যেন লাগে। সামগ্ৰিকভাৱে এই ডিজাইনে জীপৰ পৰিচয় বজাই ৰাখি আধুনিক ৰূপ উপস্থাপন কৰে।

২০২৫ চনৰ জীপ কম্পাছ Jeep Compassৰ ইণ্টেৰিয়ৰত সম্পূৰ্ণ নতুন ডেচব’ৰ্ড লেআউট দিয়া হৈছে। ইয়াত এটা ডাঙৰ টাচস্ক্ৰীণ ইনফ’টেইনমেণ্ট চিস্টেম, সংৰক্ষণৰ বাবে এটা কেন্দ্ৰ ক’ন্সোল, এটা ঘূৰ্ণনীয় ড্ৰাইভ মোড ডায়েল, আৰু এটা পেনোৰামিক ছানৰুফ অন্তৰ্ভুক্ত হ’ব পাৰে। ডেচব’ৰ্ডত প্ৰিমিয়াম মেটেৰিয়েল ব্যৱহাৰ কৰা হৈছে, যাৰ ফলত কেবিনটো পূৰ্বতকৈ অধিক বিলাসী আৰু আৰামদায়ক অনুভৱ হ’ব।

জীপে এতিয়াও কম্পাছ ফেচলিফ্টৰ পাৱাৰট্ৰেইন বিকল্পৰ বিষয়ে বিশেষ তথ্য প্ৰকাশ কৰা নাই। অৱশ্যে অটো উদ্যোগৰ পৰা অহা খবৰ অনুসৰি ইয়াত বহু ইঞ্জিনৰ বিকল্প দেখা যায়। কিছুমান বাতৰি অনুসৰি নতুন মডেলটোত বিশেষকৈ আন্তঃৰাষ্ট্ৰীয় বজাৰৰ বাবে হাইব্ৰিড বা প্লাগ-ইন হাইব্ৰিড ভেৰিয়েণ্টো থাকিব পাৰে। ভাৰতত ইয়াৰ পাৱাৰট্ৰেইন সম্পৰ্কীয় পৰিস্থিতি বৰ্তমান স্পষ্ট হোৱা নাই।

জীপ কম্পাছ Jeep Compassৰ ফেচলিফ্টৰ বিশ্বব্যাপী আত্মপ্ৰকাশৰ কাম পূৰ্ণগতিত চলি আছে যদিও ভাৰতত ইয়াৰ মুকলি অতি সোনকালে নহ’ব। বৰ্তমান ভাৰতীয় বজাৰত বৰ্তমানৰ কম্পাছ মডেলৰ জৰিয়তে জীপ উপস্থিত। নতুন ফেচলিফ্ট মডেল ভাৰতলৈ অনাৰ পূৰ্বে কোম্পানীটোৱে ইয়াৰ বিশ্বব্যাপী সঁহাৰি চাব বিচাৰিব। অৱশ্যে ২০২৫ চনৰ শেষৰ ফালে বা ২০২৬ চনৰ আৰম্ভণিতে ভাৰতত ইয়াৰ মুকলিৰ সম্ভাৱনা আছে।

The post Jeep Compass : শীঘ্ৰে বজাৰলৈ জীপ কম্পাছ first appeared on নিয়মীয়া বাৰ্তা.

বিশেষ বাৰ্তা, নতুন দিল্লী, ২৬ এপ্ৰিলঃ পাকিস্তানী এপেৰে পাকিস্তানী এপ ভাৰতত নৰসংহাৰ সন্ত্ৰাসবাদীৰ। মঙলবাৰে সমগ্ৰ দেশ জোকাৰি যোৱা পেহেলগামৰ বৈছৰনত সন্ত্ৰাসবাদীৰ আক্ৰমণৰ ঘটনা সংঘটিত হোৱাৰ পিছত কেবাটাও চাঞ্চল্যকৰ তথ্য লাহে লাগে পোহৰলৈ আহি আছে। সেনাবাহিনীৰ চোৰাংচোৱা সূত্ৰত প্ৰকাশ পোৱা মতে, বৈছৰনৰ নৰসংহাৰত জড়িত পাঁচ সন্ত্ৰাসবাদীয়ে আক্ৰমণথলীলৈ গৈ পোৱাৰ বাবে এটা বিশেষ এপ ব্যৱহাৰ কৰিছিল। পাকিস্তানৰ সেনাবাহিনীয়ে যোগান ধৰা পাকিস্তানী এপ ‘আল্পাইন কোয়েষ্ট’ নামৰ এই বিশেষ ট্ৰেকিং এপটোৰ বিশেষত্ব এয়াই যে এয়া সম্পূৰ্ণৰূপে অফলাইনত পথ দৰ্শাব পাৰে। সূত্ৰটোয়ে প্ৰকাশ কৰা মতে, কাশ্মীৰ উপত্যকাত থকা ত্ৰাল ঘন জংঘলেৰে সন্ত্ৰাসবাদীসকলে প্ৰায় ২০ কিলোমিটাৰৰ পথ খোজকাঢ়ি বৈছৰন পাইছিলগৈ। ত্ৰাল হৈছে পাইন গছেৰে ভৰা এক ঘন জংঘল। ইয়াৰ পূৰ্বেও কাশ্মীৰৰ সন্ত্ৰাসবাদীসকলে এই বিশেষ এপ ব্যৱহাৰ কৰিছিল। নিৰাপত্তা বাহিনীৰ চকুত ধূলি মাৰিবলৈ জংঘলৰ পথ বাছি লৈছিল সন্ত্ৰাসবাদীসকলে। পিছে ঘন অৰণ্যত হেৰাই যোৱাৰ পৰা হাত সাৰিবলৈ পাকিস্তানী এপ পাকিস্তানী এপ ‘আল্পাইন কোয়েষ্ট’য়ে দেুওৱা পথ সিঁহতে অনুসৰণ কৰে। তদুপৰি চোৰাংচোৱাৰ পৰা পৰিত্ৰাণ পোৱাৰ বাবে সন্ত্ৰাসবাদীৰ দলটোক পাকিস্তানৰ সেনাও সহায় কৰা বুলি সূত্ৰটোয়ে জানিবলৈ দিছে। এইক্ষেত্ৰত সন্ত্ৰাসবাদীৰ দলটোক পাকিস্তানৰ সেনা বাহিনীয়ে পাক ভূখণ্ডত দীঘলীয়া প্ৰশিক্ষণো প্ৰদান কৰিছিল। উল্লেখ্য যে অহা জুলাই মাহৰ পৰা আৰম্ভ হব হিন্দুসকলৰ পবিত্ৰ অমৰনাথ যাত্ৰা। অমৰনাথ গৈ পোৱাৰ অন্যতম এটা পথ হল ভায়া পেহেলগাম। চাঞ্চল্যকৰ কথাটো হল অমৰনাথ যাত্ৰা আৰম্ভ হোৱাৰ পূৰ্বে পৰ্যটক তথা পুণ্যাৰ্থীসকলৰ মাজত আতঙ্ক সৃষ্টি কৰাও আছিল লষ্কৰ সন্ত্ৰাসবাদী গোটৰ ছাঁ সংগঠন দ্যা ৰেজিষ্টেন্ট ফ্ৰন্টৰ। যাৰ বাবেই বৈছৰনত পৰ্যটকসকলৰ ওপৰত আক্ৰমণ চলোৱা হৈছিল বুলি সূত্ৰটোয়ে ধাৰণা ব্যক্ত কৰে। সংগঠনটোৰ ‘হিট স্কোয়াড’ আৰু ‘ফেলকন স্কোয়াড’ এনে ধৰনৰ আক্ৰমণৰ বাবে বিশেষকৈ প্ৰশিক্ষিত। নিৰ্দিষ্ট লক্ষ্যত আক্ৰমণ চলোৱাৰ পাছত ঘন জংঘল আৰু পাহাৰত লুকোৱাৰ বিশেষ প্ৰশিক্ষণো সন্ত্ৰাসবাদীসকলক প্ৰদান কৰা হয়। সম্ভৱত যাৰ বাবে আক্ৰমণৰ পাঁচ দিন পিছতো পাঁচ সন্ত্ৰাসবাদীৰ এজনো এতিয়ালৈকে নিৰাপত্তাবাহিনীৰ হাতত পৰা নাই। সেনাবাহিনীৰ ধাৰণা– বৈছৰনত আক্ৰমণ চলোৱা সন্ত্ৰাসবাদীসকল আছিল দ্যা ৰেজিষ্টেন্ট ফ্ৰন্টৰ ‘ফেলকন স্কোয়াড’ৰ সদস্য। মঙলবাৰে আক্ৰমণ চলাই সন্ত্ৰাসবাদীৰ দলটোয়ে বৈছৰন ভূমিক আবৰি ৰখা পাইনবনলৈ পলায়ন কৰিছিল বুলি প্ৰত্যক্ষদৰ্শীৰ ভাষ্যত প্ৰকাশ পাইছে। উল্লেখ্য যে ২২ এপ্ৰিলৰ আক্ৰমণৰ ঘটনাত ২৬ জন লোকৰ মৃত্যু ঘটিছিল। ইয়াৰ ভিতৰত এজন আছিল নেপালৰ নাগৰিক।

The post পাকিস্তানী এপ আল্পাইন কোয়েষ্টেৰে পেহেলগামত সন্ত্ৰাসবাদীৰ পথ নিৰ্দেশনা first appeared on নিয়মীয়া বাৰ্তা.

WhatsApp ব্যৱহাৰকাৰীৰ বাবে এক সুন্দৰ খবৰ। যদি আপুনি ভাবিছিল যে আপোনাৰ মেছেজবোৰ কেতিয়াবা লিক হ’ব পাৰে, তেন্তে এতিয়া আপোনাৰ আৰু চিন্তা নাই। আচলতে হোৱাটছএপে নতুন আপডেটত ‘এডভান্সড চাট প্ৰাইভেচি’ ফিচাৰ প্ৰৱৰ্তন কৰিছে, ফলত আপোনাৰ ব্যক্তিগত কথা-বতৰা আৰু অধিক সুৰক্ষিত হ’ব।

এই বৈশিষ্ট্য সক্ৰিয় কৰাৰ পিছত আপোনাৰ মেছেজ লিক কৰাটো কাৰো বাবে সম্ভৱ নহ’ব। এই বৈশিষ্ট্যৰ বিষয়ে আৰু ইয়াক কেনেকৈ সক্ৰিয় কৰিব পাৰি জানো আহক।

WhatsApp-এ ইতিমধ্যে এণ্ড টু এণ্ড এনক্ৰিপচন প্ৰদান কৰে, অৰ্থাৎ আপোনাৰ মেছেজ কেৱল আপোনাৰ আৰু আপুনি কথা পতা ব্যক্তিজনেহে ৰাখে। ইয়াৰ সুবিধাটো হ’ল আপোনাৰ মেছেজ পঢ়া বা প্ৰৱেশ কৰাটো কোনো তৃতীয় ব্যক্তিৰ বাবে অসম্ভৱ, কিন্তু হোৱাটছএপৰ পুৰণি ব্যৱস্থাটোত এটা সৰু পথ আছিল। যদি আপুনি গ্ৰুপ চাটত আছিল, তেন্তে যিকোনো সদস্যৰ সেই চাট এক্সপ’ৰ্ট কৰাৰ বিকল্প আছিল। ইয়াৰ ফলত আপোনাৰ মেছেজ লিক হ’ব পাৰে।

এতিয়া হোৱাটছএপে এই পথটো নাইকিয়া কৰিলে। এতিয়া কোনেও আপোনাৰ মেছেজসমূহ ‘এডভান্সড চাট প্ৰাইভেচি’ বৈশিষ্ট্যৰ জৰিয়তে এক্সপ’ৰ্ট কৰিব নোৱাৰিব। অৰ্থাৎ আপোনাৰ গোপনীয়তা এতিয়া আৰু অধিক শক্তিশালী হৈ পৰিছে।

এই নতুন বৈশিষ্ট্যৰ সহায়ত যেতিয়া আপুনি কাৰোবাৰ সৈতে আড্ডা মাৰে বা গ্ৰুপ চাটৰ অংশ হয়, তেতিয়া কোনেও আপোনাৰ কথোপকথন উলিয়াব নোৱাৰে। ইয়াৰ ফলত হোৱাটছএপৰ ভিতৰত আপোনাৰ সকলো মেছেজ সম্পূৰ্ণৰূপে সুৰক্ষিত হৈ থাকিব। অৰ্থাৎ এতিয়া কোনেও আপোনাৰ মেছেজ বাহিৰলৈ পঠিয়াব নোৱাৰিব আৰু কোনো তৃতীয় পক্ষৰ আপোনাৰ চাটত প্ৰৱেশ কৰাৰ কোনো উপায়ো নাথাকিব।

যদি আপুনিও আপোনাৰ মেছেজ অধিক সুৰক্ষিত কৰিব বিচাৰে, তেন্তে আপুনি এই বৈশিষ্ট্য সহজে সক্ৰিয় কৰিব পাৰিব। ইয়াত পদক্ষেপসমূহ দিয়া হৈছে :

১/ প্ৰথমে গুগল প্লে ষ্ট’ৰ বা এপল এপ ষ্ট’ৰত গৈ হোৱাটছএপৰ আপডেট কৰা সংস্কৰণটো ইনষ্টল কৰি হোৱাটছএপ আপডেট কৰক।
২) এতিয়া সেই নম্বৰটো খোলক য’ত আপুনি ‘এডভান্সড চাট প্ৰাইভেচি’ বৈশিষ্ট্য সক্ৰিয় কৰিব বিচাৰে।
৩/ তালৈ গৈ ব্যক্তিজনৰ নামত টেপ কৰক।
৪) তাৰ পিছত ‘এডভান্সড চাট প্ৰাইভেচি’ অপচন অন কৰক।
সেয়াই হ’ল, এতিয়া আপোনাৰ মেছেজ সম্পূৰ্ণ সুৰক্ষিত হ’ব।

‘এডভান্সড চাট প্ৰাইভেচি’ বৈশিষ্ট্যই এতিয়াও স্ক্ৰীনশ্বট লোৱাত বাধা নিদিয়ে। অৱশ্যে হোৱাটছএপৰ বাবে স্ক্ৰীনশ্বট ব্লক কৰা ফিচাৰ প্ৰৱৰ্তন কৰাটোৱেই হ’ব পাৰে পৰৱৰ্তী পদক্ষেপ।

ইয়াৰ উপৰি শেহতীয়াকৈ হোৱাটছএপে আন এটা ডাঙৰ বৈশিষ্ট্য মুকলি কৰিছে, যিয়ে যিকোনো কথোপকথনৰ এটা অংশ মচি পেলাব পাৰে, ফলত আপোনাৰ গোপনীয়তাৰ ওপৰত আৰু অধিক নিয়ন্ত্ৰণ লাভ কৰিব পাৰি।

WhatsAppৰ এই নতুন আপডেটে আপোনাৰ কথোপকথনৰ নিৰাপত্তাক এক নতুন উচ্চতালৈ লৈ যায়। এতিয়া আপোনাৰ কথোপকথনবোৰ লিক হ’ব বুলি ভয় কৰিব নালাগিব। এই আপডেটৰ জৰিয়তে হোৱাটছএপে প্ৰমাণ কৰিলে যে ই নিজৰ ব্যৱহাৰকাৰীৰ গোপনীয়তাৰ প্ৰতি অতি গুৰুত্বপূৰ্ণ। গতিকে পলম নকৰিব, এই নতুন বৈশিষ্ট্য যিমান পাৰি সোনকালে অন কৰক আৰু আপোনাৰ কথোপকথনসমূহ সুৰক্ষিত কৰক!

The post WhatsApp ৰ নতুন গোপনীয়তা বৈশিষ্ট্য, আপোনাৰ চাট মেছেজ সম্পূৰ্ণ সুৰক্ষিত first appeared on নিয়মীয়া বাৰ্তা.

নিয়মীয়া বাৰ্তা ডিজিটেল, ১৮ এপ্ৰিলঃ আন্তঃৰাষ্ট্রীয় পর্যায়ত পুনৰ সুখ্যাতি কঢ়িয়াবলৈ সক্ষম হৈছে অসম সন্তানে৷ কম্পিউটাৰ নেটৱর্কিং ক্ষেত্রখনলৈ আগবঢ়োৱা অনৱদ্য অৰিহনাৰ বাবে অসম সন্তান ড০ দীপ মেধিলৈ আগবঢ়োৱা হৈছে ২০২৫ বর্ষৰ আর্নে জেনছেন জীৱনজোৰা সাধনা বঁটা৷ ট্রেফিক মডেলিং, নিয়ন্ত্রণ আৰু টেলি ট্রেফিক সম্প্রদায়লৈ আগবঢ়োৱা অৱদানৰ বাবে তেওঁক এই সন্মানেৰে সন্মানিত কৰা হৈছে৷ ইণ্টাৰনেচনেল টেলি ট্রেফিক কংগ্রেছৰ আন্তর্জাতিক পৰামর্শ আয়োগে ড০ মেধিলৈ এই বঁটা আগবঢ়াইছে৷ অহা ৩ জুনত নৰ’ৱেত অসম সন্তানগৰাকীক এই বঁটা প্রদান কৰা হ’ব৷ এই বিশিষ্ট সন্মানেৰে সন্মানিত ড০ মেধি মিচৌৰী কানচাক চিটি বিশ্ববিদ্যালয়ৰ প্রাক্তন অধ্যাপক৷ বর্তমান তেওঁ আমেৰিকাৰ নেচনেল ছায়েন্স ফাউণ্ডেচনত কর্মৰত৷ ইণ্টাৰনেচনেল টেলি ট্রেফিক কংগ্রেছত তেওঁক আর্নে জেনছেন জীৱনজোৰা সাধনা বঁটা প্রদান কৰা হ’ব৷ উল্লেখ্য যে ইণ্টাৰনেচনেল টেলি ট্রেফিক কংগ্রেছৰ প্রতিষ্ঠাপক আর্নে জেনছেনৰ সোঁৱৰণত জীৱনজোৰা সাধনা বঁটা প্রদান কৰি অহা হৈছে৷

The post অসম সন্তান ড০ দীপ মেধিলৈ ২০২৫ বর্ষৰ আর্নে জেনছেন জীৱনজোৰা সাধনা বঁটা first appeared on নিয়মীয়া বাৰ্তা.

নিউজ ডেস্ক, ১৮ এপ্রিলঃ বিশ্বব্রহ্মাণ্ডৰ অন্য গ্রহত জীৱৰ সন্ধানত গৱেষণা অধ্যয়নত ব্যস্ত বিজ্ঞানী মহল৷ বিভিন্ন সময়ত বিশ্বব্রহ্মাণ্ডৰ অন্য গ্রহত জীৱৰ অস্তিত্বৰ সম্ভাৱনাক লৈ বিজ্ঞানীয়ে সন্ধান লাভ কৰাৰ তথ্য প্রকাশ পায় যদিও এতিয়ালৈকে ই নিশ্চিত হোৱা নাই৷ কিন্তু শেহতীয়াভাৱে পৃথিৱীৰ কক্ষপথৰ পৰা নিলগৰ এটা গ্রহত জীৱৰ অস্তিত্বৰ প্রথম প্রবল সম্ভাৱনা প্রকট হৈছে৷ কেম্ব্রিজ বিশ্ববিদ্যালয়ৰ ইনষ্টিটিউট অৱ এষ্ট্র’নমিৰ বিজ্ঞানী আৰু গৱেষকৰ দল এটাই পৃথিৱীৰ কক্ষপথৰ পৰা নিলগত থকা গ্রহ এটাত জীৱৰ অস্তিত্বৰ উমান পাইছে৷ নাছাৰ জেমছ ৱেব স্পেচ টেলিস্কোপ, চমুকৈ জেডব্লিউএছটিৰ দ্বাৰা গ্রহটোৰ বায়ুমণ্ডলত এনে কিছু উপাদানৰ সন্ধান পাইছে যি উপাদান পৃথিৱীত আছে৷ পৃথিৱীত থকা উপাদান উক্ত গ্রহটোত সন্ধানে সেই গ্রহটোত জীৱৰ অস্তিত্বৰ সম্ভাৱনাক উজ্জীৱিত কৰি তুলিছে৷ পৃথিৱীৰ কক্ষপথৰ পৰা নিলগত থকা কে ২–১৮ বি নামৰ গ্রহটোৰ বায়ুমণ্ডলত পৃথিৱীত থকা উপাদানৰ সম্ভেদ চিনাক্ত কৰিবলৈ সক্ষম হৈছে৷ জেডব্লিউএছটিৰ দ্বাৰা গৱেষকৰ দলটোৱে গ্রহটোত অধ্যয়ন চলাই এই জীৱৰ অস্তিত্বৰ প্রথম প্রবল সম্ভাৱনা লাভ কৰিছে৷ কেম্ব্রিজ বিশ্ববিদ্যালয়ৰ অধ্যাপক নিকু মধুসূদনে প্রকাশ কৰা মতে, পূর্বৰ গৱেষণা–ধ্যয়নতক্ শেহতীয়াকৈ গৱেষণাত জীৱৰ অস্তিত্বৰ প্রথম প্রবল সম্ভাৱনা উজ্জীৱিত হৈছে৷ পৰৱর্তী এক বা দুবছৰৰ ভিতৰত পৃথিৱীৰ বাহিৰত জীৱৰ অস্তিত্বৰ সত্যতা পোহৰলৈ আহিব৷ কে ২–১৮ বি গ্রহটো পৃথিৱীতকৈ আঢ়ৈগুণ সৰু৷ গ্রহটো পৃথিৱীৰ কক্ষপথৰ পৰা ৭০০ ত্রিলিয়ন মাইল দূৰত আছে৷ জেডব্লিউএছটি অতি শক্তিশালী বাবেই গ্রহটোত থকা বায়ুমণ্ডলৰ ৰাসায়নিক সংমিশ্রণ চিনাক্ত কৰিবলৈ সক্ষম হৈছে৷ কেম্ব্রিজ বিশ্ববিদ্যালয়ৰ গৱেষকৰ দলটোৱে উক্ত গ্রহটোত জীৱৰ সৈতে সম্পর্কিত অতিকমেও এটা বা দুটা উপাদানৰ সন্ধান লাভ কৰাটো নিশ্চিত হৈছে৷ মন কৰিবলগীয়া যে বিজ্ঞানীৰ দলটোৱে লাভ কৰা এই তথ্য প্রায় ৯৯.৯৯৯৯৯ শতাংশ নিশ্চিত৷ এনে কাৰণতে পৃথিৱীৰ বাহিৰত অন্য গ্রহত জীৱৰ অস্তিত্বক নুই কৰিব নোৱাৰি৷ গৱেষণাৰ এই তথ্যসমৃদ্ধ প্রতিবেদন এষ্ট্র’ফিজিকেল জার্নেল লেটাৰত প্রকাশ পাইছে৷

The post প্রথমবাৰলৈ ভিন্ন গ্রহত জীৱৰ অস্তিত্বৰ সম্ভাৱনা, পৃথিৱীৰ কক্ষপথৰ পৰা নিলগত কে ২–১৮ বি নামৰ গ্রহৰ অৱস্থিতি first appeared on নিয়মীয়া বাৰ্তা.

নিউজ ডেস্ক, ২৯ মাৰ্চঃ নিজৰ সিদ্ধান্তৰে বিশ্ববাসীক সদায় আচৰিত কৰি ৰখা ইলন মাস্কে পুনৰবাৰ এটা ডাঙৰ সিদ্ধান্ত লৈ মাইক্ৰ’ব্লগিং ছাইট টুইটাৰ নিজৰ কোম্পানী xAIক বিক্ৰী কৰে। এই চুক্তি ৩৩ বিলিয়ন ডলাৰত কৰা হৈছে। মন কৰিবলগীয়া যে মাত্ৰ কেইমাহমানৰ আগতে মাস্কে ৪৪ বিলিয়ন ডলাৰত টুইটাৰ ক্ৰয় কৰিছিল আৰু পিছত টুইটাৰৰ নাম সলনি কৰি এক্স কৰি দিছিল। অৱশ্যে পিছত ইলন মাস্কে এক্সক কোম্পানী কৰি তুলিছিল। তেওঁ নিজেই ইনষ্টাগ্ৰামত পোষ্ট কৰি এই শেহতীয়া পৰিঘটনাৰ তথ্য দিছিল। তেওঁ পোষ্টটোত লিখিছে যে এই পদক্ষেপে ভৱিষ্যতে xAIৰ AI প্ৰযুক্তি আৰু xৰ বৃহৎ নেটৱৰ্কৰ বাবে যথেষ্ট লাভৱান হ’ব।

মাস্কে তেওঁৰ পোষ্টত লিখিছে – xAI আৰু X ভৱিষ্যতে ইটোৱে সিটোৰ লগত সংযুক্ত হৈ আছে আৰু তথ্য, মডেল, কম্পিউটিং শক্তি, প্ৰতিভা আৰু বিতৰণৰ সংমিশ্ৰণৰ বাবে পদক্ষেপ গ্ৰহণ কৰিছে। তেওঁ আৰু লিখিছে যে এই সংমিশ্ৰণে xAI ৰ ক্ষমতা আৰু xৰ বৃহৎ নেটৱৰ্কৰ সংমিশ্ৰণেৰে অতি উপকাৰী হ’ব।

ইলন মাস্ক স্পেচএক্স আৰু টেছলা কোম্পানীটোৰ চিইঅ’। শেহতীয়াকৈ তেওঁক আমেৰিকাৰ ৰাষ্ট্ৰপতি ড’নাল্ড ট্ৰাম্পৰ উপদেষ্টা হিচাপে নিযুক্তি দিয়া হৈছে। টুইটাৰ ক্ৰয় কৰাৰ পিছত ইলন মাস্কে ইয়াৰ নাম সলনি কৰি এক্স কৰাই নহয়, ইয়াত বহু ডাঙৰ পৰিৱৰ্তন সাধন কৰিলে। ইয়াৰ লগতে তেওঁলোকে ভুল তথ্য, ব্যৱহাৰকাৰীৰ পৰীক্ষণ, ঘৃণামূলক ভাষণকে ধৰি বহু নিয়ম সলনি কৰিলে।

The post ছ’চিয়েল মিডিয়া প্লেটফৰ্ম X বিক্ৰীৰে বিশ্ববাসীক আচৰিত কৰিলে মাস্কে, চুক্তিৰ মূল্য ৩৩ বিলিয়ন ডলাৰ first appeared on নিয়মীয়া বাৰ্তা.

নিউজ ডেস্ক, ১৯ মাৰ্চঃ মহাকাশত মাহৰ পিছত মাহ ধৰি পেশীৰ ক্ষতি, তৰল পদাৰ্থৰ পৰিৱৰ্তন, বৃক্কৰ পাথৰ, দৃষ্টিশক্তিৰ সমস্যা আৰু মাধ্যাকৰ্ষণ শক্তিলৈ ঘূৰি অহাৰ পিছত ভাৰসাম্যৰ সমস্যাৰ সৃষ্টি হয়। নাছাৰ মহাকাশচাৰী বুশ্ব উইলম’ৰ আৰু সুনীতা উইলিয়ামছে নিৰাপদে পৃথিৱীলৈ উভতি আহি ফ্ল’ৰিডাৰ উপকূলৰ পৰা স্পেচএক্স কেপচুলত অৱতৰণ কৰে। বয়িঙৰ ষ্টাৰলাইনাৰ ক্ৰাফ্টৰ সমস্যাৰ বাবে আই এছ এছত তেওঁলোকৰ পৰিকল্পিত এসপ্তাহজোৰা ভ্ৰমণ ৯ মাহৰ পাছত আজি অন্ত পৰে।

পৃথিৱীৰ পৰা ২৫৪ মাইল (৪০৯ কিলোমিটাৰ) উচ্চতাত অৱস্থিত আন্তঃৰাষ্ট্ৰীয় মহাকাশ কেন্দ্ৰ (আই এছ এছ)ত এতিয়া প্ৰায় ২৫ বছৰ ধৰি বিশ্বৰ বিভিন্ন ঠাইৰ মহাকাশচাৰীক আতিথ্য প্ৰদান কৰা হৈছে। আমেৰিকা আৰু ৰাছিয়াই মূলতঃ ফুটবল খেলপথাৰৰ আকাৰৰ গৱেষণাগাৰ পৰিচালনা কৰে, যিয়ে বৈজ্ঞানিক সহযোগিতাৰ বাবে এক মূল কেন্দ্ৰ হিচাপে কাম কৰে।

উইলম’ৰ আৰু উইলিয়ামছ দুয়োজনেই নৌসেনাৰ পৰীক্ষামূলক পাইলট যিয়ে পিছলৈ নাছাত যোগদান কৰে। ৬২ বছৰীয়া উইলম’ৰ টেনেচিৰ হাইস্কুল আৰু কলেজীয়া ফুটবল খেলুৱৈ হোৱাৰ বিপৰীতে ৫৯ বছৰীয়া উইলিয়ামছ আছিল মেছাচুচেটছৰ নিধামৰ প্ৰতিযোগিতামূলক সাঁতোৰবিদ আৰু দৌৰবিদ। সুনীতাই মহাকাশৰ পৰা ইণ্টাৰনেট কলৰ জৰিয়তে স্বামী, মাতৃ আৰু আত্মীয়ৰ সৈতে সংযোগ স্থাপন কৰিছিল।

মহাকাশত মাহৰ পিছত মাহ ধৰি জীয়াই থকাটোৱে শাৰীৰিক প্ৰত্যাহ্বানৰ সৃষ্টি কৰে, য’ত পেশী আৰু হাড়ৰ ক্ষয়, তৰল পদাৰ্থৰ পৰিৱৰ্তন যিয়ে বৃক্কত পাথৰ হ’ব পাৰে, দৃষ্টিশক্তিৰ সমস্যা, আৰু মাধ্যাকৰ্ষণ শক্তিলৈ ঘূৰি অহাৰ লগে লগে ভাৰসাম্য পুনৰ সামঞ্জস্য স্থাপন কৰে। এই প্ৰভাৱসমূহৰ বিষয়ে ভালদৰে নথিভুক্ত কৰা হৈছে আৰু নাছাই পৰিচালনা কৰিছে। দুয়োজন মহাকাশচাৰী অভিজ্ঞ আই এছ এছৰ ক্ৰু সদস্য আছিল আৰু উৎক্ষেপণৰ পূৰ্বে ষ্টেচনৰ প্ৰশিক্ষণ সতেজ কৰিছিল।

কি খালে আৰু ৯ মাহ কেনেকৈ জীয়াই থাকিল?
যোৱা বছৰৰ ১৮ নৱেম্বৰত দ্য নিউয়ৰ্ক পোষ্টে প্ৰকাশ কৰা অনুসৰি নাছাৰ মহাকাশচাৰী বুশ্ব উইলম’ৰ আৰু সুনীতা উইলিয়ামছে আন্তঃৰাষ্ট্ৰীয় মহাকাশ কেন্দ্ৰ (আই এছ এছ)ত পিজ্জা, ৰোষ্ট চিকেন, চিংৰাৰ ককটেইল খাই আছিল। প্ৰতিবেদনত উল্লেখ কৰা বয়িং ষ্টাৰলাইনাৰ মিছনৰ বিষয়সমূহৰ সৈতে পৰিচিত এক সূত্ৰই প্ৰকাশ কৰিছে যে ক্ৰুৱে সতেজ উৎপাদিত সামগ্ৰী গ্ৰহণ কৰাটো পুষ্টিকৰ খাদ্য বজাই ৰখাত সীমাবদ্ধ আছিল। এজন বিশেষজ্ঞ অন্তৰ্দৃষ্টিসম্পন্ন ব্যক্তিৰ মতে মহাকাশচাৰীসকলে পাউডাৰ গাখীৰ, পিজ্জা, ৰোষ্ট চিকেন, চিংৰা ককটেইল, টুনাৰ সৈতে ব্ৰেকফাষ্টৰ শস্যৰ সুবিধা লাভ কৰিছিল। নাছাৰ চিকিৎসকে তেওঁলোকৰ কেলৰি গ্ৰহণৰ ওপৰত নজৰ ৰাখিছিল। প্ৰথম অৱস্থাত সতেজ ফল-মূল উপলব্ধ আছিল যদিও তিনি মাহৰ ভিতৰতে শেষ হৈ গ’ল। প্ৰথমতে সতেজ ফল-মূল থাকে, কিন্তু তিনি মাহ চলি থকাৰ লগে লগে সেইটো নোহোৱা হৈ যায় আৰু তেওঁলোকৰ ফল-মূল আৰু শাক-পাচলি পেকেট বা ফ্ৰীজত শুকুৱাই লোৱা হয়। সকলো মাংস আৰু কণী পৃথিৱীত পূৰ্বতে ৰন্ধা হৈছিল আৰু মাত্ৰ পুনৰ গৰম কৰাৰ প্ৰয়োজন আছিল। আই এছ এছৰ ৫৩০ গেলন মিঠা পানীৰ টেংকিৰ পানী ব্যৱহাৰ কৰি চূপ, ষ্টু, কেচৰ’লৰ দৰে পানীহীন খাদ্যসমূহ পুনৰ জলসিঞ্চন কৰা হৈছিল। ইয়াৰ উপৰি মহাকাশচাৰীৰ প্ৰস্ৰাৱ আৰু ঘাম মিঠা পানীত পুনৰ ব্যৱহাৰ কৰি সেৱনৰ বাবে এই ষ্টেচনে ব্যৱহাৰ কৰে। ইফালে আই এছ এছত খাদ্যৰ অভাৱৰ বাবে কোনো ধৰণৰ ওজন হ্ৰাস হোৱা নাই। গতিকে সঠিককৈ ক’বলৈ গ’লে এইটো অতি স্পষ্ট হ’ব লাগে যে কোনো ধৰণৰ ওজন হ্ৰাস আই এছ এছৰ ওপৰত ব্যৱস্থাৰ অভাৱৰ বাবে নহয়। আই এছ এছত প্ৰতিদিনে প্ৰতিজন মহাকাশচাৰীৰ বাবে প্ৰায় ৩.৮ পাউণ্ড খাদ্যৰ লগতে অপ্ৰত্যাশিত অভিযান সম্প্ৰসাৰণৰ বাবে অতিৰিক্ত যোগান ধৰা হয়।

The post কেনেকৈ সুনীতা-উইলম’ৰ ৯ মাহ জীয়াই থাকিল নাছাৰ মহাকাশ কেন্দ্ৰত first appeared on নিয়মীয়া বাৰ্তা.