নিয়মীয়া বার্তা, ৩ জানুৱাৰীঃ গুৱাহাটী ষ্টেচনত দেওবাৰে ৰে’ল আৰক্ষীয়ে অভিযান চলাই ১০ কেজি গাঞ্জা জব্দ কৰিবলৈ সক্ষম হয়৷ ৰে’ল আৰক্ষীয়ে চলোৱা নিয়মীয়া তালাচীত ৩নং প্লেটফর্মত ৰৈ থকা আগৰতলা– বেংগালুৰু এক্সপ্রেছৰ এটা বাথৰুমৰ পৰা এই গাঞ্জাখিনি জব্দ কৰে৷ ট্রেইনখনৰ বাথৰুমত এটা বেগত ভৰাই থোৱা অৱস্থাত বেগটো উদ্ধাৰ কৰি পৰীক্ষা কৰোঁতে গাঞ্জাখিনি ধৰা পৰে৷ আৰক্ষীয়ে গাঞ্জাখিনি জব্দ কৰে যদিও কোনো সৰবৰাহকাৰীক আটক কৰিবলৈ সক্ষম নহ’ল৷