নিয়মীয়া বাৰ্তা, ১৫ মাৰ্চঃ ভাৰতৰ প্রথমগৰাকী ফেন্সাৰ হিচাপে সমাগত টকিঅ’ অলিম্পিকলৈ যোগ্যতা অর্জন কৰিছে ভৱানী দেৱীয়ে৷ কেন্দ্রীয় ক্রীড়ামন্ত্রী কিৰেণ ৰিজিজুৱে আজি টুইটাৰত দেশবাসীক এই শুভ সংবাদ দিয়ে আৰু ফেন্সাৰ ভৱানী দেৱীক অভিনন্দন জ্ঞাপন কৰে৷
এডজাষ্টেড অফিচিয়েল ৰেংকিং পদ্ধতি অনুসৰি ২৭ বছৰীয়া ভৱানী দেৱীয়ে টকিঅ’ অলিম্পিকলৈ যোগ্যতা অর্জন কৰিবলৈ সক্ষম হৈছে৷ মহামাৰী ক’ৰোনা ভাইৰাছৰ প্রাদুর্ভাৱৰ বাবে বিগত বর্ষত স্থগিত হোৱা টকি’ অলিম্পিক এইবাৰ ২৭ জুলাইৰ পৰা ৮ আগষ্টলৈ অনুষ্ঠিত হ’ব৷