নিয়মীয়া বাৰ্তা, ২ জানুৱাৰীঃ শীঘ্ৰে অসমলৈ ভাল খবৰ আহিব বুলি আশা প্ৰকাশ কৰিছে ৰাজ্যৰ বিত্ত, স্বাস্থ্য আৰু গড়কাপ্টানী মন্ত্ৰী ড০ হিমন্ত বিশ্ব শৰ্মাই । নৱবৰ্ষৰ পহিলা দিনটোতে মন্ত্ৰী ড০ শর্মাই দিল্লীত কেন্দ্ৰীয় গৃহমন্ত্ৰীক সাক্ষাৎ কৰে । কেন্দ্ৰীয় গৃহমন্ত্ৰীজনৰ সৈতে হোৱা আলোচনা অতিকৈ আশাপ্ৰদ বুলি ছ’চিয়েল মিডিয়াযোগে সদৰী কৰে মন্ত্রী ড০ শর্মাই ।

তেওঁ কয় যে অসমীয়াৰ স্বকীয় পৰিচয়ৰ লগতে জাতীয় প্রশ্ণ আৰু জাতি–জনগোষ্ঠীসমূহ আশা–আকাংক্ষা সন্দর্ভত কেন্দ্রীয় গৃহমন্ত্রীৰ সৈতে দীঘলীয়া আলোচনা অনুষ্ঠিত হয়৷ আলোচনাত কেন্দ্রীয় গৃহমন্ত্রীজনে বিষয়সমূহৰ ক্ষেত্রত স্পষ্ট দৃষ্টিভংগী ব্যক্ত কৰে বুলি মন্ত্রী ড০ শর্মাই স্পষ্ট কৰে৷ এই সমগ্র আলোচনাকে ইতিবাচক হিচাপে অভিহিত কৰি মন্ত্রীগৰাকীয়ে শীঘ্রেই অসমৰ বাবে ভাল খবৰ আহিব বুলি ব্যক্ত কৰে৷

Happy to spend this #NewYear afternoon with Sri @AmitShah whom I adore for his clear thoughts. Had a long discussion with him about identity issues of Assamese, aspirations of our tribals community and strengthening nationalist thought process in NE. Will hear some good news soon

— Himanta Biswa Sarma (@himantabiswa) January 1, 2020

উল্লেখ্য যে নাগৰিকত্ব সংশোধনী আইনক লৈ ৰাজ্যজুৰি প্রতিবাদমুখৰ পৰিস্থিতি সৃষ্টি হৈ থকাৰ সময়তে কেন্দ্রীয় গৃহমন্ত্রীগৰাকীৰ সৈতে মন্ত্রী ড০ হিমন্ত বিশ্ব শর্মাৰ এই দীঘলীয়া বৈঠক যথেষ্ট গুৰুত্বপূর্ণ বুলি বিবেচিত হৈছে৷

The post শীঘ্ৰে ভাল খবৰ লাভ কৰিব অসমে first appeared on নিয়মীয়া বাৰ্তা.

নিউজ ডেস্ক,১৪ নৱেম্বৰঃ চলিত বিত্তীয় বৰ্ষৰ বাজেটত ঘোষণা হোৱা দুখন উল্লেখ্যযোগ্য আঁচনি হৈছে ‘অসম দৰ্শন’ আৰু ‘অৰুন্ধতী স্বৰ্ণ’ । এই দুয়োখন আঁচনি ৰূপায়ণৰ আধাৰ নীতি চূড়ান্ত কৰাৰ বাবে বুধবাৰে সংশ্লিষ্ট বিভাগ সমূহৰ শীৰ্ষ বিষয়াৰ সৈতে এক বৈঠকত মিলিত হয় ৰাজ্যৰ বিত্ত, স্বাস্থ্য আৰু গড়কাপ্তানী মন্ত্ৰী ড০ হিমন্ত বিশ্ব শৰ্মা । উল্লেখ্য যে, অতিশীঘ্ৰে আঁচনি দুখন কেবিনেটৰ অনুমোদনৰ বাবে উত্থাপন কৰিব পৰা হ’ব বুলি উল্লেখ কৰে মন্ত্ৰীগৰাকীয়ে ।

The post ‘অসম দৰ্শন’ আৰু ‘অৰুন্ধতী স্বৰ্ণ’ : শীৰ্ষ বিষয়াৰে বৈঠক মন্ত্ৰী ড০ হিমন্ত বিশ্ব শৰ্মাৰ first appeared on নিয়মীয়া বাৰ্তা.