নিয়মীয়া বাৰ্তা, ৩০ ডিচেম্বৰঃ এতিয়াৰে পৰা নৌসেনাত কৰ্মৰত জোৱান-বিষয়াই ব্যৱহাৰ কৰিব নোৱাৰিব ফেচবুক । কিয়নো কিছুদিন পূৰ্বে পাকিস্তানৰ হৈ চোৰাংচোৱাগিৰি কৰাৰ অভিযোগত ৭ জনকৈ নৌসেনাৰ বিষয়া গ্ৰেপ্তাৰ হোৱাৰ পিছত ভাৰতীয় নৌসেনাই লৈছে এই কঠোৰ সিদ্ধান্ত ।

ইয়াৰোপৰি দেশৰ সকলো নৌঘাটিসমূহ আৰু যুদ্ধ জাহাজৰ ভিতৰতো স্মার্টফোন নিষিদ্ধ কৰিছে।

ইপিনে নৌসেনাৰ সূত্ৰত কৈছে যে- সাতজন নৌসেনা বিষয়াই সামাজিক মাধ্যমৰ যোগেদি শত্ৰুপক্ষৰ চোৰাংচোৱা সংস্থাক অধিক সংবেদনশীল তথ্য যোগান ধৰিছিল, যাৰ বাবে ভাৰতীয় নৌসেনাই এই কঠোৰ পদক্ষেপ গ্রহণ কৰিছে।

উল্লেখ্য যে নৌসেনাৰ কর্তৃপক্ষই জাৰি কৰা অভ্যন্তৰীণ নিৰ্দেশত মেছেজিং এপ্ছ, নেটৱর্কিং আৰু ব্লগিং, কণ্টেন্ত চেয়াৰিং, ই-কমাৰ্ছ চাইটসমূহত নিষিদ্ধ কৰাৰ কথা ঘোষণা কৰা হৈছে ।

আনহাতে নৌসেনাৰ সূত্ৰই কৈছে যে ইয়াৰ পূৰ্বেও নৌসেনাত সামাজিক মাধ্যম আৰু অন্যান্য নেটৱর্কিং চাইটসমূহ ব্যৱহাৰৰ বিষয়ে নিষেধ আৰোপ কৰা হৈছিল।

The post নৌসেনাত নিষিদ্ধ হ’ল ফেচবুক first appeared on নিয়মীয়া বাৰ্তা.

নিয়মীয়া বাৰ্তা, ২৯ ডিচেম্বৰঃ ভাৰতীয় নৌসেনাই পানীৰ তলত শক্তি বৃদ্ধিৰ বাবে ১৮ খন প্রচলিত আৰু ৬ খন পাৰমাণৱিক শক্তি সম্পন্ন চাবমেৰিনৰ নিৰ্মাণৰ পৰিকল্পনা কৰিছে।

ভাৰতীয় নৌসেনাই আৰিহান্ট ক্লাস এছএছবিএন-ৰ লগতে ৬ খন পৰমানৱিক শক্তি সম্পন্ন চাবমেৰিন তৈয়াৰৰ পৰিকল্পনা কৰিছে যি পাৰমাণৱিক ক্ষেপণাস্ত্রৰ দ্বাৰা সজ্জিত ।

বর্তমান নৌসেনাই ৰাছিয়াত নিৰ্মিত কিলো ক্লাছ, জার্মানত নিৰ্মিত এইচডিডাব্লু ক্লাছ আৰু পাৰমাণৱিক শক্তিসম্পন্ন ফৰাছি স্কার্পীন-ক্লাছৰ চাবমেৰিন পৰিচালনা কৰিছে ।

নৌসেনাৰ সূত্ৰই জনোৱা মতে বিগত ১৫ বছৰত স্কাৰ্পীন-ক্লাছৰ চাবমেৰিনৰ ভিতৰত আইএনএছ কালভৰি আৰু আইএনএছ খন্দৰী সহ মাত্র দুখন নতুন প্রচলিত চাবমেৰিন অন্তর্ভুক্ত কৰা হৈছে।

নৌসেনাৰ ‘প্ৰজেক্ট ৭৫ ইণ্ডিয়া’ৰ অধীনত ছখন নতুন চাবমেৰিন তৈয়াৰৰ পৰিকল্পনাৰ ওপৰত কাম কৰি আছে । য’ত নৌসেনাই ভাৰতীয় কোম্পানী আৰু বিদেশী যন্ত্রপাতি প্রস্তুতকাৰী সংস্থাৰ দ্বাৰা এই পৰমাণৱিক শক্তি সম্পন্ন চাবমেৰিন নিৰ্মাণ কৰিব ।

আনহাতে এই প্রকল্পটো কৌশলগত অংশীদাৰিত্ব নীতিৰ অধীনত আৰম্ভ কৰা হ’ব।

The post ৬ খনকৈ পৰমাণৱিক শক্তি সম্পন্ন চাবমেৰিন নিৰ্মাণ কৰিব ভাৰতীয় নৌসেনাই ! first appeared on নিয়মীয়া বাৰ্তা.