নিয়মীয়া বাৰ্তা, ১২ জানুৱাৰীঃ ৰাজ্যত ধাৰাবাহিক ভাৱে অব্যাহত আছে হাতী-মানুহৰ সংঘাত। নগাঁৱৰ বঢ়মপুৰত বন্যহস্তীয়ে আচাৰি মাৰিলে অমল গগৈ নামৰ এজন লোকক। অঞ্চলটোতত দীৰ্ঘদিনে চলি অহা হাতীৰ উপদ্ৰৱৰ পৰা ৰাইজক কিছু সকাহ দিবলৈ বনবিভাগে খেদি আনিছিল প্ৰায় ১৫০টা এটা বৃহৎ হাতীৰ জাক। কিন্তু জাকটোৰ পৰা ফালি অহা এটা হাতীৰ আক্ৰমণত মৃত্যু হোৱাৰ অভিযোগ ৰাইজৰ। বন বিভাগে অঞ্চলটোৰ ৰাইজক সতৰ্ক কৰি নিদিয়াৰ বাবেই এনে ঘটনা সংঘটিত হোৱা বুলি মন্তব্য কৰে স্থানীয় ৰাইজে। 

The post নগাঁৱৰ বঢ়মপুৰত হাতীৰ আক্ৰমণত এজন নিহত first appeared on নিয়মীয়া বাৰ্তা.

নিয়মীয়া বাৰ্তা, ৩১ ডিচেম্বৰঃ নুমলীগড়ত হাতী মানুহৰ সংঘাত এতিয়া নিত্য-নৈমিত্তিক ঘটনাত পৰিণত হৈছে । বনাঞ্চল সংকূচিত হোৱাৰ বাবেই খাদ্যৰ সন্ধানত এতিয়া জনাঞ্চলত বিচৰণ কৰিছে জাক জাক হাতীয়ে ।

ইপিনে দিনত চাহবাগিচাত বিচৰণ কৰি থকা হাতীৰ জাকটোৱে নিশা হ’লেই গাঁৱত চলায় সন্ত্ৰাস । যাৰ বাবে মঙলবাৰে বাগিচাৰ মাজৰ পৰা হাতীৰ জাকটোক খেদি পঠিয়াবলৈ একাংশ যুৱকে প্ৰয়াস কৰাৰ সময়তে হাতীৰ জাকটোৱে খেদি আহে । অৱশ্যে কথমপি প্ৰাণ ৰক্ষা কৰে যুৱকৰ দলটোৱে । যাৰ বাবে এতিয়া যিকোনো মুহূৰ্ততে ভয়াবহ ঘটনা সংঘটিত হোৱাৰ আশংকা কৰিছে গাঁওবাসীয়ে ।

আনহাতে এই সন্দৰ্ভত বনবিভাগক বাৰম্বাৰ খবৰ কৰাৰ পিছতো কোনো সুফল নোপোৱাৰ অভিযোগ তুলিছে গাঁওবাসীয়ে ।

The post নুমলীগড়ত হাতী-মানুহৰ সংঘাতৰ শিহৰণকাৰী দৃশ্য first appeared on নিয়মীয়া বাৰ্তা.

নুমলীগড়ঃ সমুখ সমৰত হাতী আৰু মানুহ। নুমলীগড়ৰ মৰঙী মৌজাত অব্য়াহত হাতী-মানুহৰ সংঘাত। এটা বৃহৎ বন্যহস্তীৰ জাকে অৱস্থান কৰিছে মৰঙী চাহ বাগিচাৰ মাজত। দীৰ্ঘদিন ধৰি অঞ্চলটোত হাতীৰ জাকে চলাই আহিছে উপদ্ৰৱ। হাতীৰ উপদ্ৰৱত অতিষ্ঠ নুমলীগড়ৰ মৰঙীবাসী। খাদ্যৰ সন্ধানত ওলাই অহা হাতীৰ জাকটোক খেদি পঠোৱাত ব্যৰ্থ  বনবিভাগ। বনবিভাগৰ বিৰুদ্ধে নিৰ্লিপ্ততাৰ অভিযোগ স্থানীয় ৰাইজৰ।

The post সমুখ সমৰত হাতী আৰু মানুহ first appeared on নিয়মীয়া বাৰ্তা.