নিয়মীয়া বাৰ্তা, ১০ জানুৱাৰী : দেৰগাৱঁৰ শোকাবহ পথ দুৰ্ঘটনাৰ পুনৰাবৃত্তিৰ পৰা আজি কথমপি ৰক্ষা পৰে গৌৰীসাগৰত।গৌৰীসাগৰ তিনি আলিৰ ৩৭নং ৰাষ্ট্ৰীয় ঘাই পথত এখন দ্ৰুতবেগী ট্ৰেভেলাৰে নিয়ন্ত্ৰণ হেৰুৱাই ঘাই পথৰ কাষত দমাই ৰখা মাটিত খুন্দা মাৰি কথমপি ৰয়।ঘটনাৰ বিৱৰণী মতে দুৰ্ঘটনাগ্ৰস্ত এ এছ ০১ এইচ চি ৮০২৯ নম্বৰৰ ট্ৰেভেলাৰখন যোৰহাট দিশৰ পৰা শিৱসাগৰ অভিমুখে আহি আছিল।দুঘটনাটোৰ ফলত ট্ৰেভেলাৰখনত অহা ত্ৰিশজনতকৈ যাত্ৰী কথমপি ৰক্ষা পৰে।চাৰিলেনযুক্ত পথৰ সম্প্ৰসাৰণৰ নামত ঠিকাদাৰী প্ৰতিষ্ঠানে মূল ৰাষ্ট্ৰীয় ঘাইপথৰ দাঁতিত খান্দি যোৱা খাৱৈ সদৃশ পথৰ বাবেই দুৰ্ঘটনা সংঘটিত হোৱা বুলি জানিব পৰা গৈছে।জাঁজী দলংৰ পৰা ডিমৌলৈকে ৰাষ্ট্ৰীয় ঘাইপথটো চাৰিলেনযুক্ত পথলৈ সম্প্ৰসাৰণৰ নামত যধে মধে ঘাই পথটোৰ দাতিত খনন কায্য চলাই তেনেকৈ পেলায় ৰাখিছে।তাৰোপৰি ঘাই পথটোৰ দুয়োকাষে কোনো চাইডবাম নথকাৰ লগতে দুই তিনি ফুট দ গাত হৈ আছে।যাৰ বাবে মৰণ ফাণ্ড সদৃশ ঘাই পথটোত বিভিন্ন সময়ত দুৰ্ঘটনা সংঘটিত হৈ আহিছে।এটাৰ পাছত আনটো নিৰ্মাণকাৰী প্ৰতিষ্ঠানে পথ নিৰ্মাণৰ নামত লুণ্ঠন চলায় পলায়ন কৰা লগতে অতি চুড়ান্ত মইমতালিৰে কাম কৰাৰ পাছতো নেদেখাৰ ভাও জুৰা ৰাষ্ট্ৰীয় ঘাই পথ প্ৰাধিকৰণৰ কায্যত ক্ষোভিত হৈ পৰিছে সাধাৰণ ৰাইজ।
প্ৰেৰক মৃগাংক হাজৰীকা

The post গৌৰীসাগৰত পথ দুৰ্ঘটনা : কথমপি ৰক্ষা ৩০ যাত্ৰীৰ জীৱন first appeared on নিয়মীয়া বাৰ্তা.

নিয়মীয়া বাৰ্তা, ৪ ফেব্ৰুৱাৰীঃ মঙলবাৰে পুৱতি নিশা গোৱালপাৰাৰ ধূপধৰাৰ কোঠাকুঠিত  সংঘটিত হয় এক ভয়ংকৰ বাছ দুৰ্ঘটনা । এই দুৰ্ঘটনাত ছজনৰো অধিক যাত্ৰী থিতাতে নিহত হোৱাৰ লগতে কোবাগৰাকী যাত্ৰী আহত হয় । বাছখনৰ অৱস্থালৈ চাই হতাহতৰ সংখ্যা বৃদ্ধি হোৱাৰ আশংকা কৰা হৈছে ।

এই পৰ্যন্ত স্থানীয় লোকে দুৰ্ঘটনাত আহত লোকসকলক উদ্ধাৰ অভিযান অব্যাহত ৰাখিছে ।

উল্লেখ্য যে ধুবুৰীৰ পৰা গুৱাহাটী অভিমুখী AS01 BC2848 নম্বৰৰ বাছখন নিয়ন্ত্ৰণ হেৰুৱাই পথৰ কাষত থকা বিদ্যুতৰ খুঁটাত খুন্দা মাৰি খাৱৈত বাগৰি পৰে । যাৰ ফলত এই ভয়ংকৰ দুৰ্ঘটনাটো সংঘটিত হয় ।

The post গোৱালপাৰাত ভয়ংকৰ বাছ দুৰ্ঘটনা; নিহত ৬ জনৰো অধিক first appeared on নিয়মীয়া বাৰ্তা.

নিয়মীয়া বাৰ্তা, ৩১ ডিচেম্বৰঃ মঙলবাৰে মহানগৰীৰ সমীপৰ ধোপগুৰিৰ কৰাইগুৰিত সংঘটিত হয় এক ভয়ংকৰ পথ দুৰ্ঘটনা। তীব্ৰবেগী ডাম্পাৰৰ খুন্দাত থিতাতে নিহত হ’ল এগৰাকী ডিমৰীয়া মহাবিদ্যালয়ৰ ছাত্ৰী। নিহত ছাত্ৰীগৰাকীৰ নাম মৌচুমী বিশ্বাস ।

পৰীক্ষা দিবলৈ চাইকেলেৰে গৈ থকা অৱস্থাতে তীব্ৰবেগী ডাম্পাৰে খুন্দিয়াই থৈ যায় মৌচুমীক । যাৰ ফলত থিতাতে মৃত্যুক সাৱতি লয় মৌচুমীয়ে ।

উল্লেখ্য যে কলং নদীত আৰক্ষী প্ৰশাসনক মেনেজ কৰি অবৈধ ভাৱে বালিৰ খনন অব্যাহত ৰাখিছে এটা দুস্ত চক্ৰই! যাৰ বাবে দিনে নিশাই গাঁৱৰ পথৰ মাজেৰে দাম্পাৰৰ দৌৰাত্ম বাবে প্ৰায়ে সংঘটিত হৈ আহিছে এনে দুৰ্ঘটনা। কিন্তু মঙলবাৰৰ এই দুৰ্ঘটনাৰ পিছতে সমগ্ৰ অঞ্চলটোত উতাপ্ত পৰিস্থিতিয়ে বিৰাজ কৰিছে ।

The post পৰীক্ষা দিবলৈ গৈ উভতি নাহিল মৌচুমী first appeared on নিয়মীয়া বাৰ্তা.

নিয়মীয়া বাৰ্তা ২৫ নৱেম্বৰঃ দেওবাৰে মাজনিশা ডিগৱৈৰ পাৱৈৰ ৩৮ নং ঘাইপথত ভয়ংকৰ এক পথ দুৰ্ঘটনা সংঘটিত হৈছে। এই দুৰ্ঘটনাত ঘটনাস্থলীত ৪ জন লোক নিহত হোৱাৰ বিপৰীতে চিকিৎসালয়লৈ নিয়াৰ পথত এজন লোকৰ মৃত্যু হয়।
উল্লেখ্য যে তিনিচুকীয়া মাৰ্ঘেৰিটা অভিমুখী পৰা AS 23CC 3431 নম্বৰৰ টাটা মেজিক খন আৰু মাৰ্ঘেৰিটা পৰা তিনিচুকীয়াৰ পৰা আহি থকা AS 01JC 2935 কয়লা ভৰ্তি ট্ৰাক খনৰ সৈতে মুখামুখী সংঘৰ্ষ হোৱাৰ ফলতেই এই শোকাৱহ পথ দুৰ্ঘটনাটো সংঘটিত হয়। উল্লেখ্য যে এই দুৰ্ঘটনাটোত ট্ৰাকত থকা কোনো লোক হতাহত হোৱা নাই। অৱশ্য়ে দুৰ্ঘটনাটো সংঘটিত কৰি ট্ৰাকৰ চালকজন পলাই যায়।

The post ডিগৱৈত ভয়াবহ পথ দুৰ্ঘটনা নিহত ৫ first appeared on নিয়মীয়া বাৰ্তা.

নিউজ ডেস্ক ১৮ নৱেম্বৰঃ ৰাজস্থানত শোকাৱহ পথ দুৰ্ঘটনা। সোমবাৰে পুৱা বাছ আৰু ট্ৰাকৰ মুখামুখী সংঘৰ্ষত ১০ জন লোক নিহত হোৱাৰ উপৰিও ২২ জন গুৰুত্বভাৱে আহত হয়।
বিকানেৰ জিলাৰ শ্ৰী দুৰ্গাগড় সমীপৰ ৰাষ্ট্ৰীয় ঘাইপথত দুৰ্ঘটনাটো সংঘটিত হয়। আৰক্ষী সূত্ৰত প্ৰকাশ যে আহত সকলক পি এন বি চিকিৎসালয়ত ভৰ্ত্তি কৰোৱা হৈছে। দুৰ্ঘটনাগ্ৰস্থ বাছ খন ৰাজস্থান লোক পৰিবহন সেৱাৰ অধীনত চলাচল কৰিছিল।

The post ৰাজস্থানত বাছ- ট্ৰাকৰ মুখামুখী সংঘৰ্ষ first appeared on নিয়মীয়া বাৰ্তা.