নিয়মীয়া বাৰ্তা, ২৯ ডিচেম্বৰঃ দেওবাৰে প্রবীণ অভিনেতা অমিতাভ বচ্চনক প্ৰদান কৰা হয় দাদা চাহেব ফাল্কে বঁটা । ৰাষ্ট্ৰপতিভৱনত অভিনেতাগৰাকীক এই বঁটা প্ৰদান কৰে ৰাষ্ট্রপতি ৰাম নাথ কোবিন্দে ।

ইপিনে এই বঁটা গ্ৰহণৰ পিছত অভিনেতাগৰাকীয়ে মন্তব্য কৰি কয়- “যেতিয়া এই বঁটা ঘোষণা কৰা হৈছিল, তেতিয়াই মোৰ মনত এটা সন্দেহভাৱ হৈছিল যে এতিয়া কি মই ঘৰত বঢ়ি আৰাম কৰাৰ সময় আহি পৰিল নেকি ? কিয়নো এতিয়াও মোৰ বহু কাম কৰিবলগীয়া আছে আৰু আগলৈও মোৰ কাম কৰাৰ ইচ্ছা আছে ।”

#WATCH: Amitabh Bachchan says,”Jab iss puruskar ki ghoshna hui to mere mann mein ek sandeh utha. Ki kya kahin ye sanket hai mere liye ki bhai sahab aapne bahut kaam kar liya, ab ghar baith ke aaram kar lijiye. Kyunki abhi bhi thoda kaam baki hai jise mujhe poora karna hai.” pic.twitter.com/pdKXH2RSfr

— ANI (@ANI) December 29, 2019

ছবিজগতত তেওঁৰ অক্লান্ত অবদানৰ বাবে চলচ্চিত্র জগতৰ সর্বোচ্চ সম্মান দাদা চাহেব ফাল্কে বঁটা প্ৰদান কৰা হয়।

উল্লেখ্য যে এই বঁটাত আছে স্বৰ্ণকমল আৰু ১০ লাখ টকাৰ নগদ ধন ।

The post ৰাষ্ট্ৰপতিৰ পৰা বিগ বি অমিতাভ বচ্চনে গ্ৰহণ কৰিলে দাদা চাহেব ফাল্কে বঁটা first appeared on নিয়মীয়া বাৰ্তা.

নিউজডেস্ক, ২৯ নৱেম্বৰঃ পাঁচ দশকজোৰা বৰ্ণাঢ্য অভিনয় জীৱনৰ পৰা অৱসৰ লোৱাৰ চিন্তা কৰিছে বলীউডৰ মেগাষ্টাৰ অমিতাভ বচ্চনে । জীৱন্ত কিংবদন্তি এই মহান অভিনেতাজনে কেৱল সপ্ৰতিভভাৱে অভিনয় কৰি অহাই নহয়, ছ’চিয়েল মিডিয়াতো সদায় সক্ৰিয় হৈ থাকে । লগতে তেওঁ টুইটাৰত নিয়মীয়াভাৱে ব্লগ লিখি আহিছে । এটা শেহতীয়া ব্লগত তেওঁ অভিনয় জগতৰ পৰা অৱসৰ ল’বলাগিব বুলি কোৱাত লাখ লাখ অনুৰাগী দুঃখিত হৈ পৰে । য’ত তেওঁ অৱসৰক কেন্দ্ৰ কৰি হৃদয় আৰু বিবেকৰ টনা-আঁজোৰাৰ কথাও ব্যক্ত কৰিছে । এটা ব্লগত বিগ বিয়ে লিখিছে- ‘মই অৱসৰ ল’ব লাগিব…বিবেকে চিন্তা কৰে বেলেগ এটা কিন্তু শৰীৰে বিচাৰে অন্য…।’ আনহাতে অমিতাভ বচ্চনৰ অৱসৰৰ এই সম্ভাৱনাক লৈ এতিয়া অনুৰাদীৰ মাজত ব্যাপক চৰ্চা চলিছে ।

The post অভিনয় জগতৰ পৰা অৱসৰ ল’ব বিগ বিয়ে first appeared on নিয়মীয়া বাৰ্তা.