নিয়মীয়া বাৰ্তা, ৩ ফেব্ৰুৱাৰীঃ কেন্দ্ৰীয় মন্ত্ৰী ৰামেশ্বৰ তেলীৰ বাসগৃহত আক্ৰমণৰ ঘটনা সন্দৰ্ভত গ্ৰেপ্তাৰ কৰা হৈছে এজন যুৱকক । আৰক্ষীয়ে গ্ৰেপ্তাৰ কৰা যুৱকজন হৈছে বিজেপি যুৱ মৰ্চাৰ সদস্য দেৱজিৎ হাজৰিকা । উল্লেখ্য যে ১১ ডিচেম্বৰত কা’ বিৰোধী আন্দোলনকাৰীয়ে আক্ৰমণ কৰিছিল কেন্দ্ৰীয় মন্ত্ৰী ৰামেশ্বৰ তেলীৰ বাসগৃহত ।

এই আক্ৰমণত জড়িত থকাৰ অভিযোগত আৰক্ষীয়ে দেওবাৰে নিশা নিজ বাসগৃহৰ পৰা গ্ৰেপ্তাৰ কৰে বিজেপি যুৱ মৰ্চাৰ সদস্য দেৱজিৎ হাজৰিকাক ।

The post ৰামেশ্বৰ তেলীৰ বাসগৃহত আক্ৰমণত জড়িত বিজেপি যুৱ মৰ্চাৰ সদস্যক গ্ৰেপ্তাৰ first appeared on নিয়মীয়া বাৰ্তা.

নিউজ ডেস্ক ২০ নৱেম্বৰঃ সংসদত চলি থকা শীতকালীন অধিৱেশনত আজি ৰাজ্যসভাত এন আৰ চিক আৰু নাগৰিকত্ব সংশোধনী বিল সমন্ধক লৈ সোধা এক প্ৰশ্ন উত্তৰত অমিত শ্বাহে এন আৰ চি আৰু নাগৰিকত্ব সংশোধনী বিলৰ মাজত পাৰ্থক্য বুজাই দিয়ে।

এন আৰ চি ৰ সন্দৰ্ভত চৈয়দ নাছিৰ হুছেনৰ প্ৰশ্নৰ উত্তৰত গৃহ মন্ত্ৰী অমিত শ্বাহে কয় যে এন আৰ চি আৰু নাগৰিকত্ব সংশোধনী বিলৰ মাজত লৈ জনতাৰ মাজত মতবিভিদেৰ সৃষ্টি হৈছে। এন আৰ চিত এনেকুৱা কোনো ধাৰা নাই যে তাত কোনো বেলেগ ধৰ্মৰ লোকক এন আৰ চিত অন্তৰ্ভুক্ত হ’ব নালাগে। সকলো ধৰণৰ লোকক ইয়াক অন্তৰ্ভুক্ত কৰা হ’ব যি সকল লোক ভাৰতৰ নাগৰিক হয়। ইয়াৰ ধৰ্মৰ আধাৰত ভেদাভেৱ কৰাৰ কোনো প্ৰশ্নই আহিব নোৱাৰে। এন আৰ চি বেলগে প্ৰক্ৰিয়া আৰু নাগৰিকত্ব সংশোধনী বিল সম্পূৰ্ণ বেলেগ প্ৰক্ৰিয়া।

লগতে গৃহমন্ত্ৰীয়ে কয়ে যে উচ্চতম ন্যায়ালয়ৰ নিৰীক্ষণত এন আৰ চি প্ৰক্ৰিয়া হাতত লোৱা হৈছিল। এন আৰ চি প্ৰক্ৰিয়া সমগ্ৰ ভাৰতত যেতিয়া আৰম্ভ কৰা হ’ব তেতিয়া অসমতো এন আৰ চি প্ৰক্ৰিয়া পুনৰ অসমত আৰম্ভ হ’ব। কোনো বিশেষ ধৰ্মক লৈ ভয় কৰাৰ কোনো কাৰণ নাই। সকলো লোকক এন আৰ চিক অন্তৰ্ভুক্ত কৰা হ’ব।

আনহাতে নাগৰিকত্ব সংশোধনী বিধেয়কৰ ওপৰত উত্তৰ দি কয় যে চৰকাৰে হিন্দু শৰণাৰ্থী যিসকল লোক সকল বাহিৰৰ পৰা আহিছে, লগতে বৌদ্ধ, জৈন, আৰু শিখ, খৃষ্ট্ৰিয়ান শৰণাৰ্থী সকলো শৰণাৰ্থীকে নাগৰিকত্ব প্ৰদান বুলি চৰকাৰে চিন্তা কৰি আছে। যাৰবাবে নাগৰিকত্ব সংশোধনী বিল গৃহীত কৰি হিন্দু, শিখ, বৌদ্ধ, জৈন, আৰু খৃষ্ট্ৰিয়ান ধৰ্মৰ লোক বাংলাদেশ, পাকিস্তান আৰু আফগানিস্তানৰ পৰা আহিছে সেইসকল লোকক এই বিলৰ অন্তৰ্ভুক্ত হ’ব। ইয়াৰ লগত এন আৰ চিৰ লগত কোনো সম্বন্ধ নাই।

The post অসমত পুনৰ হ’ব এন আৰ চি first appeared on নিয়মীয়া বাৰ্তা.

নিয়মীয়া বাৰ্তা, ১৮ নৱেম্বৰঃ নাগৰিকত্ব সংশোধনী বিধেয়কৰ বিৰুদ্ধে পুনৰ বাজিছে ৰণদুন্দুভি । সোমবাৰৰ পৰা আৰম্ভ হ’বলগীয়া সংসদৰ শীতকালীন অধিৱেশনত নতুন ৰূপত নাগৰিকত্ব সংশোধনী উত্থাপন হোৱাটো নিশ্চিত হোৱাৰ পাছতে অসমৰ লগতে সমগ্ৰ উত্তৰ-পূৰ্বাঞ্চল প্ৰতিবাদমুখৰ হৈ পৰিছে । সংসদৰ অধিৱেশন আৰম্ভ হোৱাৰ লগে লগে উত্তৰ-পূবৰ সাতখন ৰাজ্যতে বাজিব প্ৰতিবাদৰ দাবানল । উত্তৰ-পূবৰ ছাত্ৰ-সংগঠন নেছ’ৰ আহ্বানত সমগ্ৰ উত্তৰ-পূৰ্বাঞ্চলজুৰি প্ৰতিবাদ সাব্যস্ত কৰা হ’ব ।

নেছ’ৱে এক বিবৃতিত উল্লেখ কৰে যে প্ৰধানমন্ত্ৰী নৰেন্দ্ৰ মোদী নেতৃত্বাধীন বিজেপি চৰকাৰখনে একমাত্ৰ অবৈধ বাংলাদেশীৰ ভোটবেংক সুৰক্ষিত কৰিবলৈ উত্তৰ-পূবৰ ৰাজ্যৰ স্বাৰ্থ জলাঞ্জলি দি কেব জাপি দিব বিচাৰিছে । ইয়াৰ বিৰুদ্ধে সমগ্ৰ উত্তৰ-পূবতে প্ৰতিবাদ সাব্যস্ত কৰা হ’ব । সেই অনুসৰি উত্তৰ-পূবৰ সাতোখন ৰাজ্যৰ ৰাজধানী চহৰত ৰাজভৱনৰ সমীপত এই প্ৰতিবাদ সাব্যস্ত কৰা হ’ব । লগতে প্ৰতিখন ৰাজ্যৰ ৰাজ্যপালৰ জৰিয়তে প্ৰধানমন্ত্ৰী মোদী, গৃহমন্ত্ৰী অমিত শ্বাহলৈ দাবী পত্ৰ প্ৰেৰণ কৰি খিলঞ্জীয়াবিৰুদ্ধী, অবৈধ বাংলাদেশীৰ ৰক্ষক কেবৰ বিৰুদ্ধে দাবী সাব্যস্ত কৰা হ’ব । উল্লেখ্য যে এই প্ৰতিবাদৰ বাবে সোমবাৰে দিনৰ ১১ বজাত সকলোৱে শ্বহীদ ভৱনৰ সমীপত সমৱেত হ’ব ।

The post আজি সমগ্ৰ উত্তৰ-পূৰ্বাঞ্চলত নেছ’ৰ প্ৰতিবাদ first appeared on নিয়মীয়া বাৰ্তা.

গুৱাহাটী ১৫ ডিচেম্বৰঃ লোকসভাৰ শীতকালীন অধিৱেশনত উত্থাপন কৰা হ’ব নাগৰিকত্ব সংশোধনী বিধেয়ক। যাৰ পৰিপেক্ষিতত জাঙুৰ খাই উঠিছে সদৌ অসম ছাত্ৰ সন্থা। আছুৰ মুখ্য উপদেষ্টা ড০ সমুজ্জ্বল ভট্টাচাৰ্যই সংবাদ মাধ্যমৰ আগত কয় য়ে এই আইন কেতিয়াও মানি লব নোৱাৰি। কেৱল বিজেপিৰ হাতত সংখ্যা আছে কাৰণে অসমৰ হাতত এনে এখন আইন জাপি দিয়া হ’ব এইটো কেতিয়াও মানি লব নোৱাৰি। অসম আৰু উত্তৰ পূৰ্বাঞ্চলৰ খিলঞ্জীয়া মানুহৰ অস্তিত্ব নাইকিয়া হ’ব । অসম চুক্তিৰ ভিত্তিত ১৯৭১ চনত অসমলৈ অহা সকলো লোকৰ বোজা জাপি লোৱা হ’ল কিন্তু এতিয়া অসমে বোজা নহয়। লগতে কয় যে অহা ১৮ নৱেম্বৰ তাৰিখে সমগ্ৰ উত্তৰ পূৰ্বাঞ্চলৰ ৰাজধানীৰ ৰাজ্যপালৰ বাসভৱনৰ আশে পাশে প্ৰতিবাদী কাৰ্যসূচী গ্ৰহণ কৰা হ’ব। লগতে বিজেপিক সমালোচনা কৰি কয় যে কেৱল ভোট বেংক ৰক্ষা কৰাৰ বাবে এই আইন জাপি দিয়া হ’ব। লগতে ভট্টাচাৰ্যই মন্তব্য কৰে যে এই বিধেয়েকে অসম চুক্তিক ন্যাসাৎ কৰিব।

The post কেবৰ বিৰুদ্ধে আছুৰ আন্দোলন ঘোষণা first appeared on নিয়মীয়া বাৰ্তা.

নিউজডেস্ক, ১৫ নৱেম্বৰঃ বহু বিতৰ্কিত নাগৰিকত্ব সংশোধনী বিধেয়কখন অহা ১৮ নৱেম্বৰৰ পৰা আৰম্ভ হ’বলগীয়া সংসদৰ শীতকালিন অধিৱেশনত উত্থাপন কৰা হ’ব । বৃহস্পতিবাৰে লোকসভাৰ কাৰ্যক্ৰমণিকাৰ ১৬ সংখ্যক বিধেয়ক হিচাপে নাগৰিকত্ব সংশোধনী বিধেয়কখন আনুষ্ঠানিকভাৱে অন্তৰ্ভুক্ত কৰা হৈছে । জানিব পৰা মতে মাজনিশা কাৰ্যক্ৰমণিকাত লিপিবদ্ধ হোৱা মতে বিধেয়কখনৰ উত্থাপন, আলোচনা আৰু অনুমোদনৰ লক্ষ্য নিৰ্ধাৰণ কৰা হৈছে । এই বিধেয়কখনৰ সংশোধনীৰ জৰিয়তে লোকসভাৰ শীতকালিন অধিৱেশনত উত্থাপন কৰা হ’ব যদিও আনুষ্ঠানিকভাৱে লোকসভা আৰু ৰাজ্যসভাৰ অনুমোদন লাভ কৰিলে অসমত হিন্দু বাংলাদেশীৰ নাগৰিকত্ব লাভৰ পথ মুকলি হ’ব । উল্লেখ্য যে সংসদৰ আগন্তুক শীতকালিন অধিৱেশনত মুঠ ২৭ খন বিধেয়ক উত্থাপন তথা অনুমোদনৰ কাৰণে কেন্দ্ৰীয় চৰকাৰে লক্ষ্য নিৰ্ধাৰণ কৰিছে । নাগৰিকত্ব সংশোধনী বিধেয়কখন বিশেষকৈ পশ্চিমবংগৰ আগন্তুক বিধানসভা নিৰ্বাচনক লক্ষ্য কৰি পূৰ্বৰ বিধেয়কখনৰ কিছু সালসলনি কৰা হৈছে বুলি বিভাগীয় সূত্ৰে জানিব পৰা গৈছে । মূলতঃ কিমান বছৰ দেশত বসবাস কৰিলে নাগৰিকত্ব লাভ কৰিব পাৰে সেইক্ষেত্ৰত নতুন দিহা প্ৰদান কৰা হ’ব । লক্ষণীয় যে পূৰ্বৰ বিধেয়কখনত চুবুৰীয়া ৰাষ্ট্ৰৰ সংখ্যালঘু নাগৰিকে ভাৰতত কমেও ছবছৰ বসবাস কৰিলে নাগৰিকত্ব লাভৰ বাবে আবেদন জনাব পাৰিব বুলি উল্লেখ আছিল ।

The post ১৮ নৱেম্বৰৰ পৰা সংসদৰ অধিৱেশনঃ আহিব CAB! first appeared on নিয়মীয়া বাৰ্তা.