নিয়মীয়া বাৰ্তা, ৩১ ডিচেম্বৰঃ নুমলীগড়ত হাতী মানুহৰ সংঘাত এতিয়া নিত্য-নৈমিত্তিক ঘটনাত পৰিণত হৈছে । বনাঞ্চল সংকূচিত হোৱাৰ বাবেই খাদ্যৰ সন্ধানত এতিয়া জনাঞ্চলত বিচৰণ কৰিছে জাক জাক হাতীয়ে ।

ইপিনে দিনত চাহবাগিচাত বিচৰণ কৰি থকা হাতীৰ জাকটোৱে নিশা হ’লেই গাঁৱত চলায় সন্ত্ৰাস । যাৰ বাবে মঙলবাৰে বাগিচাৰ মাজৰ পৰা হাতীৰ জাকটোক খেদি পঠিয়াবলৈ একাংশ যুৱকে প্ৰয়াস কৰাৰ সময়তে হাতীৰ জাকটোৱে খেদি আহে । অৱশ্যে কথমপি প্ৰাণ ৰক্ষা কৰে যুৱকৰ দলটোৱে । যাৰ বাবে এতিয়া যিকোনো মুহূৰ্ততে ভয়াবহ ঘটনা সংঘটিত হোৱাৰ আশংকা কৰিছে গাঁওবাসীয়ে ।

আনহাতে এই সন্দৰ্ভত বনবিভাগক বাৰম্বাৰ খবৰ কৰাৰ পিছতো কোনো সুফল নোপোৱাৰ অভিযোগ তুলিছে গাঁওবাসীয়ে ।

The post নুমলীগড়ত হাতী-মানুহৰ সংঘাতৰ শিহৰণকাৰী দৃশ্য first appeared on নিয়মীয়া বাৰ্তা.

নিয়মীয়া বাৰ্তা, ২৩ ডিচেম্বৰঃ ৰাজ্যত হস্তী-মানুহৰ সংঘাত অব্যাহত থকাৰ সময়তে পশ্চিম কাৰ্বি আংলঙত অঘটন । পশ্চিম কাৰ্বি আংলং জিলাৰ খেৰণি বন সংমণ্ডলৰ অন্তৰ্গত খেৰণিৰ হাজাগাফেৰ অঞ্চলত দেওবাৰে নিশা তিনিটা বনৰীয়া হাতীয়ে প্ৰৱেশ কৰি উপদ্ৰৱ চলায় ।লগতে এই বন্যহস্তীৰ আক্ৰমণত মৃত্যু হয় শান্তি দেবী নামৰ এগৰাকী মহিলাৰ ।

উল্লেখ্য যে, নিশা তিনিটা বনৰীয়া হাতীয়ে হাজাগাফেৰ অঞ্চলত প্ৰৱেশ কৰি উপদ্ৰৱ চলাই থকাৰ সময়তে মহিলা গৰাকীয়ে নিজৰ প্ৰাণ বচাবলৈ দৌৰি পলাবলৈ চেষ্টা কৰাৰ সময়তেই হাতীকেইটাই আক্ৰমণ কৰে ।

ইফালে কেইবাটাও পৰিয়ালৰ ঘৰ ভাঙি মজুত কৰি ৰখা ধান খোৱাৰ লগতে বাসগৃহৰ বহু সামগ্ৰী ভাঙি চিঙি লণ্ড ভণ্ড কৰে ।

বিগত এমাহ ধৰি পশ্চিম কাৰ্বি আংলং জিলাৰ খেৰণিৰ বিভিন্ন অঞ্চলত বনৰীয়া হাতীয়ে উপদ্ৰৱ অব্যাহত ৰাখিছে ।

The post পশ্চিম কাৰ্বি আংলঙত বন্যহস্তীৰ আক্ৰমণত নিহত মহিলা first appeared on নিয়মীয়া বাৰ্তা.