নিয়মীয়া বাৰ্তা, ৩ জানুৱাৰীঃ নৱবৰ্ষত নিজৰ প্ৰেমিকাৰ সৈতে বৰফৰ পাহাৰত উঠা ফটো চেয়াৰ কৰিলে ভাৰতীয় দলৰ ঋষভ পণ্টে ।

উল্লেখ্য যে কিছুদিন পূৰ্বে অধিনায়ক কোহলি আৰু অলৰাউণ্ডাৰ হাৰ্দিক পান্দিয়াই প্ৰেয়সীৰ সৈতে উঠা অন্তৰংগ মুহূৰ্তৰ কিছু ফটো ছ’চিয়েল মিডিয়া যোগে প্ৰকাশ কৰিছিল । এই ক্ষেত্ৰত ব্যতিক্ৰম নহ’ল ঋষভ পণ্টো ।

ঋষভে নতুন বছৰৰ আৰম্ভণিতে এখন ফটো তেওঁৰ ইষ্টাগ্ৰাম যোগে প্ৰকাশ কৰিছে, য’ত তেওঁক প্ৰেয়সী ইশা নেগীৰ সৈতে বৰফেৰে ঢকা পাহাৰত দেখা গৈছে ।

এই ফটোত তেওঁ লিখিছে-“মই নিজকে তেতিয়া বেছি পছন্দ কৰো, যেতিয়া মই তোমাৰ সৈতে থাকো” ।

ইপিনে এই ছবিখন ইশায়েও চেয়াৰ কৰি কমেণ্ট কৰিছে এনেদৰে-“মাই মেন, মেই চলমেট, মাই বেষ্টফ্ৰেইণ্ড-ঋষভ পণ্ট” ।

ইতিমধ্যে পণ্টে ভাৰত-শ্ৰীলংকাৰ মাজত অনুষ্ঠিত হ’বলগীয়া টি-২০ খেলৰ বাবে দললৈ প্ৰত্যৱৰ্তন কৰিছে ।

The post বিৰাট-হাৰ্দিকৰ পিছত পণ্টেও চেয়াৰ কৰিলে ফটো, প্ৰেমিকাৰ প্ৰশংসা কৰিলে এনেদৰে…. first appeared on নিয়মীয়া বাৰ্তা.