নিয়মীয়া বাৰ্তা ,১৫ ডিচেম্বৰঃ নাগৰিকত্ব সংশোধনী আইন (কা)ৰ বিৰুদ্ধে আইনী যুঁজত নামি পৰিছে একাংশ দল–সংগঠন, ব্যক্তি বিশেষে ৷ ‘কা’ক সংবিধানবিৰোধী, বিভেদকামী আৰু বৈষম্যমূলক আখ্যা দি বর্তমানপর্যন্ত সদৌ অসম ছাত্র সন্থা (আছু)ৰ লগতে অন্য বহুতে উচ্চতম ন্যায়ালয়ৰ দ্বাৰস্থ হৈছে ৷

বর্তমানপর্যন্ত উচ্চতম ন্যায়ালয়ত ‘কা’ বাতিলৰ আর্জি জনাই দেশৰ সর্বোচ্চ ন্যায়ালয়ত দাখিল কৰা হৈছে এক ডজনতকৈও অধিক আবেদন ৷

তদুপৰি আন আন একাংশই একেই আর্জিৰে উচ্চতম ন্যায়ালয়ৰ দ্বাৰস্থ হ’বলৈ যাৱতীয় প্রস্তুতি অব্যাহত ৰাখিছে ৷ ইয়াৰ মাজতে ১৮ ডিচেম্বৰত বিষয়টোক লৈ প্রথম শুনানি গ্রহণৰ সম্ভাৱনা আছে উচ্চতম ন্যায়ালয়ে ৷

উল্লেখ্য যে যোৱা ১১ ডিচেম্বৰত ৰাজ্যসভাত নাগৰিকত্ব সংশোধনী বিধেয়ক গৃহীত হোৱাৰ পিছত সংবিধানৰ ১৪নং অনুচ্ছেদ উলংঘন কৰাৰ অভিযোগ তুলি ইণ্ডিয়ান ইউনিয়ন মুছলিম লীগ (আইইউএমএল)–এ উচ্চতম ন্যায়ালয়ত এখন লেখ আবেদন দাখিল কৰিছিল ৷

ইয়াৰ পিছত উচ্চতম ন্যায়ালয়ৰ দ্বাৰস্থ হোৱাসকলৰ ভিতৰত কংগ্রেছ সাংসদ জয়ৰাম ৰমেশ, তৃণমূল কংগ্রেছৰ সাংসদ মহুৱা মিত্র, এআইএমআইএমৰ সাংসদ আছাদুদ্দিন ওৱেইছি, পীচ পার্টী, ৰিহাই মঞ্চ, চিটিজেন এগেইনষ্ট হেট, অধিবক্তা এম এল শর্মা, কংগ্রেছ সাংসদ টি এন প্রাথপন, অসমৰ বিৰোধী দলপতি দেৱব্রত শইকীয়া, বিধায়ক ৰূপজ্যোতি কুর্মী আৰু সাংসদ আব্দুল খালেক অন্যতম ৷

ৰাজ্যত বর্তমানেও ‘কা’ বাতিলৰ দাবীৰে ব্যাপক গণ আন্দোলন অব্যাহত আছে ৷ উচ্চতম ন্যায়ালয়ৰ মজিয়াত চলিবলগীয়া আইনী যুঁজখনে কার্যতঃ নির্ধাৰণ কৰিব অসমবাসীৰ এই দাবী–আন্দোলনৰ যথার্থতা ৷

The post ‘কা’ৰ বিৰুদ্ধে এক ডজনৰ অধিক গোচৰঃ ১৮ ডিচেম্বৰত ছুপ্রিম ক’টত প্রথম শুনানিৰ সম্ভাৱনা first appeared on নিয়মীয়া বাৰ্তা.

নিউজ ডেস্ক ১৪ নৱেম্বৰঃআদালত অৱমাননাৰ  গোচৰত ৰাহুল গান্ধী মুক্ত। সৰ্বোচ্চ ন্যায়ালয়ে ৰাহুল গান্ধীৰ ক্ষমা প্ৰাৰ্থনা মঞ্জুৰ কৰিলে আৰু কোনো ধৰণৰ গোচৰ চলাব নোৱাৰিব বুলি আদেশ দিয়ে।
ইয়াৰ উপৰিও ন্যায়ালয়ে ৰাহুল গান্ধীক সতৰ্ক কৰি দি কয় য়ে ৰাজনৈতিক মন্তব্য দিয়াৰ ক্ষেত্ৰত কোনো ধৰণৰ ন্যায়ালয়ৰ কথা উল্লেখ নকৰে। লগতে ৰাজনৈতিক নেতাই দায়িত্ব লৈ মন্তব্য ৰাখিব লাগে। ভৱিষ্যতে ৰাহুল গান্ধীয়ে ন্যায়ালয়ৰ ৰায়ক কোনো ধৰণৰ বিকৃত কৰিবলৈ যাতে চেষ্টা নকৰে।

উল্লেখ্য যে ১০ এপ্ৰিল ২০১৯ চনত আমেঠিত ৰাহুল গান্ধীয়ে  মন্তব্য কৰিছিল যে সৰ্বোচ্চ ন্য়ায়ালয়ে স্বীকাৰ কৰিছিল যে “চৌকিদাৰ চৌৰ হে”। যাৰ পৰিপেক্ষিতত বিজেপিৰ সাংসদ মীনাক্ষী লেখীয়ে ১২ এপ্ৰিলত সৰ্বোচ্চ ন্যায়ালয়ত  আদালত অৱমাননাৰ গোচৰ তৰিছিল।

Supreme Court closes a contempt plea filed by BJP MP Meenakshi Lekhi against Congress leader Rahul Gandhi for wrongly attributing to the court his “chowkidar chor hai” slogan against Prime Minister Narendra Modi in the #Rafale case. pic.twitter.com/lcundUF5Vb

— ANI (@ANI) November 14, 2019

The post আদালত অৱমাননাৰ গোচৰত ৰাহুল গান্ধী মুক্ত first appeared on নিয়মীয়া বাৰ্তা.

• উচ্চতম ন্যায়ালয়ৰ ঐতিহাসিক ৰায়দান
• তথ্য জনাৰ অধিকাৰ আইনৰ অধীনলৈ দেশৰ মুখ্য ন্যায়াধীশ
• বুধবাৰে পাঁচজনীয়া বিচাৰপীঠে প্ৰদান কৰে এই ঐতিহাসিক ৰায়
• দিল্লী উচ্চ ন্যায়ালয়ৰ ৰায়দানৰ বিৰুদ্ধে উচ্চতম ন্যায়ালয়ত দাখিল কৰা হৈছিল আবেদন
• ৰঞ্জন গগৈৰ নেতৃত্বত গঠন কৰা পাঁচজনীয়া বিচাৰপীঠত আছে ক্ৰমে- ন্যায়াধীশ এন বি ৰমন, ডি ৱাই চন্দ্ৰচূড়, দীপক গুপ্তা আৰু ন্যায়াধীশ সঞ্জীৱ খান্না

The post তথ্য জনাৰ অধিকাৰ আইনৰ অধীনলৈ দেশৰ মুখ্য ন্যায়াধীশ first appeared on নিয়মীয়া বাৰ্তা.

নিউজ ডেস্ক ১৩ নৱেম্বৰঃ উচ্চতম ন্যায়ালয়ে কৰ্ণাটকৰ অযোগ্য বিধায়ক সকলক সকাহ প্ৰদান কৰিছে। ন্যায়ালয়ে কৰ্ণাটক বিধানসভাৰ অধ্যক্ষই বিধায়ক কেইজনক অযোগ্য ঘোষণা কৰা সিদ্ধান্তক বাহাল ৰাখিছে, যদিও বিধায়ক কেইজনে বিধানসভাৰ উপনিৰ্বাচনত অৰ্ৱতীৰ্ণ হ’ব পাৰিব।

উল্লেখ্য যে কৰ্ণাটকত অহা ৫ ডিচেম্বৰত ১৫ টা বিধানসভা সমষ্টিত উপনিৰ্বাচন অনুষ্ঠিত হ’ব। যাৰ পৰিপেক্ষিতত এতিয়া অযোগ্য বুলি ঘোষিত হোৱা বিধায়ক কেইজনে উপনিৰ্বাচনত অংশ গ্ৰহণ কৰিব পাৰিব।

The post কৰ্ণাটকৰ অযোগ্য বিধায়কক সৰ্বোচ্চ ন্যায়ালয়ৰ সাময়িক সকাহ first appeared on নিয়মীয়া বাৰ্তা.