নিয়মীয়া বার্তা, ৭ জানুৱাৰীঃ গুৱাহাটীৰ বর্ষাপাৰা ষ্টেডিয়ামৰ উইকেটত পানী সোমোৱাৰ বাবে দেওবাৰে নিশা ভাৰত–শ্রীলংকাৰ টি–২০ মেচখন অনুষ্ঠিত নোহোৱাক লৈ ৰাজ্য চৰকাৰক দোষাৰোপ কৰিছে প্রাক্তন মুখ্যমন্ত্রী তৰুণ গগৈয়ে৷

দিছপুৰৰ বিধায়ক আৱাসত সোমবাৰে এক সংবাদ মেলত তেওঁ কয় যে- খেল এখনকে ভালকৈ পাতিব নোৱাৰা এইখন চৰকাৰে গুৱাহাটীক কেনেকৈ দেশৰ ক্রীড়া ৰাজধানী হিচাপে গঢ়ি তুলিব৷ তির্পাল লিক মাৰিব নোৱাৰা চৰকাৰ আৰু এ চি এৰ দায়িত্বজ্ঞানহীন কাণ্ডই বিশ্ববাসীৰ সন্মুখত অসমক লজ্জানত কৰিলে বুলিও তেওঁ উল্লেখ কৰে৷

গগৈয়ে লগতে কয় যে এই ঘটনাৰ উচিত তদন্ত হ’ব লাগে আৰু অসম ক্রিকেট সন্থাৰ বিষয়ববীয়াই অসমবাসীৰ আগত ক্ষমা বিচাৰি পদত্যাগ কৰা উচিত৷

The post এ চি এৰ কাণ্ডই বিশ্বৰ সন্মুখত অসমক লজ্জানত কৰিলেঃ তৰুণ গগৈ first appeared on নিয়মীয়া বাৰ্তা.

নিয়মীয়া বাৰ্তা ,১৫ ডিচেম্বৰঃ নাগৰিকত্ব সংশোধনী আইন প্রত্যাহাৰৰ বাবে এইবাৰ আইনী যুঁজত নামিছে প্রাক্তন মুখ্যমন্ত্রী তৰুণ গগৈ ৷

প্রাক্তন মুখ্যমন্ত্রী গগৈয়ে এই সংক্রান্তত উচ্চতম ন্যায়ালয়ত অহা সোমবাৰে এখন আবেদন দাখিল কৰিব ৷ ন্যায়ালয়ত গগৈৰ হৈ আইনী যুঁজ দিব প্রাক্তন গৃহমন্ত্রী, অধিবক্তা পি চিদাম্বৰমে ৷

ইপিনে, বিৰোধী দলপতি দেৱব্রত শইকীয়া, সাংসদ আব্দুল খালেক আৰু বিধায়ক ৰূপজ্যোতি কুর্মীয়েও নাগৰিকত্ব সংশোধনী আইনক প্রত্যাহ্বান জনাই উচ্চতম ন্যায়ালয়ত শনিবাৰে আবেদন দাখিল কৰিছে ৷

The post নাগৰিকত্ব সংশোধনী আইন প্রত্যাহাৰৰ বাবে উচ্চতম ন্যায়ালয়ত তৰুণ গগৈৰ আবেদন first appeared on নিয়মীয়া বাৰ্তা.