নিয়মীয়া বাৰ্তা ২৪ ফেব্ৰুৱাৰীঃ গুৱাহাটী মহানগৰীৰ পাণ্ডু ট্ৰেনগুলাৰ কলনিৰ বাসিন্দা দিশা দেবে ইণ্ডিয়া নেক্সট মাষ্টাৰ কিডছৰ ছিং ইয়ং ষ্টাৰ ফাষ্ট ৰানাৰ্ছ আপ সন্মান লাভ কৰিবলৈ সক্ষম হৈছে । লকডাউনৰ সময়ত মুম্বাইত অনলাইনযোগে অনুষ্ঠিত হোৱা সংগীত প্ৰতিযোগিতাত এই সন্মান লাভ কৰিছে কিশোৰী দিশা দেৱে । ১২টি ভাষাত গীত গাব পৰা দিশাই ইতিমধ্যে অসমতো কেইবাটাও সন্মান লাভ কৰিছে । ইয়াৰ উপৰিও দিশাই লকডাউনৰ সময়ত ‘ফিলঙচ’ নামৰ এখন ইংৰাজী কবিতা পুথি লিখি উলিয়াইছে । কিশোৰীগৰাকীৰ এনে প্ৰতিভাক লৈ পৰিয়ালবৰ্গ লগতে গৰ্বিত হৈ পৰিছে সমগ্ৰ পাণ্ডু অঞ্চল ।লগতে দিশাৰ এনে সাফল্যত স্থানীয় জনসাধাৰণৰ লগতে বিভিন্ন দল-সংগঠনে অভিনন্দন জ্ঞাপন কৰিছে ।