নিয়মীয়া বাৰ্তা ১২ নৱেম্বৰঃ আমেৰিকাৰ ৰাষ্ট্রপতি নির্বাচনত ডেম’ক্রেটিক প্রার্থী জ’ বাইডেন বিজয়ী হৈছে যদিও বাইডেনৰ এই বিজয়ক মানি ল’বলৈ অস্বীকাৰ কৰিছে ড’নাল্ড ট্রাম্পে৷ শেহতীয়াকৈ দেশখনৰ বিদেশ সচিব মাইক পম্পি’ৱে উল্লেখ কৰিছে যে ট্রাম্প প্রশাসনে দ্বিতীয়টো কার্যকালৰ বাবে অতি সহজে যাত্রা কৰিব৷ পম্পি’ৰ মতে ৩ নৱেম্বৰত অনুষ্ঠিত ৰাষ্ট্রপতি নির্বাচনত ড’নাল্ড ট্রাম্পে জয়লাভ কৰিছে৷ ট্রাম্প প্রশাসনৰ দ্বিতীয়টো কার্যকালৰ দায়িত্ব পালন কৰিবলৈ সাজু থকা বুলি ঘোষণা কৰিছে পম্পি’ৱে৷ পম্পি’ৰ মতে বিশ্ববাসীয়ে লক্ষ্য কৰি আছে আমেৰিকাৰ ৰাষ্ট্রপতি নির্বাচনৰ সকলো দিশ৷ সকলো ভোট দেশখনত পুনৰ গণনা কৰা হ’ব বুলিও হুংকাৰ দিছে পম্পি’ৱে৷