বিশেষ বাৰ্তা, ৭জুনঃ কিংবদন্তী ক্ৰিকেটাৰ সুনীল গাভাস্কাৰ টেষ্ট ক্ৰিকেটত কলাত্মক ইনিংছৰ বাবে পৰিচিত। তেওঁৰ নামৰ সৈতে আন এটা অভিলেখ জড়িত হৈ আছে, যি কথা অনুৰাগীসকলেও বিশেষ মনত ৰাখিব নিবিচাৰে। ৪০ বছৰ পূৰ্বে ১৯৭৬ চনৰ ৭ জুন তাৰিখত বিশ্বকাপত গাভাস্কৰে অতি লেহেমীয়া আৰু মন্থৰ ইনিংছ খেলিছিল। তেওঁ অ’পেনিং বেটছমেন হিচাপে খেল আৰম্ভণি কৰিছিল আৰু শেষলৈকে আউট নোহোৱাকৈ আছিল। ১৭৪ টা বলত মাত্ৰ ৩৬ ৰানহে কৰি নট আউট হৈ ৰৈছিল।১৯৭৫ চনৰ ৭ জুনত ক্ৰিকেটৰ প্ৰথম বিশ্বকাপ আৰম্ভ হৈছিল। প্ৰথমখন খেলতে ভাৰত আৰু ইংলেণ্ড দলৰ মাজত এখন খেল হৈছিল। সেই সময়ছোৱাত ৫০ অভাৰ নহয়, ৬০ অভাৰৰ মেচ আছিল। ভাৰত আৰু ইংলেণ্ডৰ মাজত হোৱা সেই মেচখনত প্ৰথম বেটিং কৰি ইংলেণ্ডৰ দলটোৱে সৰ্বাধিক ৩৩৪ ৰাণ সংগ্ৰহ কৰিছিল।