নিয়মীয়া বাৰ্তা ১০ ফেব্ৰুৱাৰীঃ পুনৰ পর্যাপ্ত চিকিৎসাৰ অভাৱত মৃত্যুক সাবটিলে বন্ধ হৈ থকা কাছাৰ কাগজ কলৰ এজন কর্মচাৰীয়ে৷ কাছাৰ আৰু জাগীৰোড কাগজ কল বন্ধ হৈ থকাত ধনৰ অভাৱত চিকিৎসা নোহোৱাকৈ মৃত্যু হোৱা কর্মচাৰী সংখ্যা ৮১জনলৈ বৃদ্ধি পালে৷ চিকিৎসা নোহোৱাকৈ কাছাৰ কাগজ কলৰ ৰূপম নাথ মজুমদাৰ (৫৬) নামৰ কর্মচাৰীজনৰ মৃত্যু হয়৷ তেওঁ দীর্ঘদিনৰ পৰাই কর্কট ৰোগত আক্রান্ত হৈ আছিল৷ ধনৰ অভাৱত পর্যাপ্ত চিকিৎসা পোৱা নাছিল কর্মচাৰীজনে৷ কাছাৰ কাগজ কলৰ কর্মচৰীয়ে ৪৯ মাহ দৰমহা পোৱা নাই৷ পানীত হাঁহ নচৰা পৰিস্থিতি হৈছে কর্মচাৰীসকলৰ৷ ৰূপম নাথ মজুমদাৰে ইলেক্ট্রিকেল টেকচিয়ান হিচাপে কর্মৰত আছিল৷ তেওঁৰ পৰিয়ালত পত্নী আৰু দুই সন্তান আছে৷ কাছাৰ কাগছ কলৰ কর্মচাৰীয়ে ৪৭ মাহ আৰু জাগীৰোড কাগজ কলৰ কর্মচাৰীয়ে ৪৯ মাহৰ দৰমহা পোৱা নাই৷ ইপিনে, জইণ্ট একচন কমিটী অৱ ৰিকগনাইজড ইউনিয়নৰ সভাপতি মানৱেন্দ্র চক্রৱর্তীয়ে কয় যে আজি কাছাৰ আৰু জাগীৰোড কাগজ কলৰ পুনৰুজ্জীৱিতকৰণক্ লৈ নেচনেল কোম্পানী ল ট্রিব্যুনেল (এনচিএলটি)ত শুনানি আছিল৷ তেওঁলোকৰ অধিবক্তাই এন চি এল টি, দিল্লীপীঠে আজিৰ শুনানি পিছুৱাই ১২ ফেব্রুৱাৰীত ধার্য কৰিছে বুলি জানিবলৈ দিয়ে৷