নিয়মীয়া বাৰ্তা, ১২ জানুৱাৰীঃ অসম চুক্তিৰ ৬ নং দফা ৰূপায়ণ সম্পৰ্কীয় উচ্চ ক্ষমতাসম্পন্ন সমিতিৰ লগত আজি এক বৈঠকত মিলিত হ’ব দেশৰ গৃহমন্ত্ৰী অমিত শ্বাহ । গৃহমন্ত্ৰীগৰাকীৰ নিমন্ত্ৰণমৰ্মে অৱসৰপ্ৰাপ্ত ন্যায়াধীশ বিপ্লৱ কুমাৰ শর্মা নেতৃত্বাধীন সমিতিৰ ৪ গৰাকী সদস্য কালি নতুন দিল্লীত উপস্থিত হৈছে ৷

আজি গৃহমন্ত্রী অমিত শ্বাহৰ লগত সমিতিৰ সদস্যসকল আলোচনাত মিলিত হ’ব ৷ লক্ষণীয়ভাৱে সদৌ অসম ছাত্র সন্থাৰ মুখ্য উপদেষ্টা ড০ সমুজ্জ্বল ভট্টাচার্য, সভাপতি দীপাংক কুমাৰ নাথ আৰু সাধাৰণ সম্পাদক লুৰিণজ্যোতি গগৈ এই সমিতিৰ সদস্য আছিল যদিও তেওঁলোকে এই বৈঠকত ভাগ নলয়৷

এই সন্দর্ভত আছুৰ মুখ্য উপদেষ্টা ড০ সমুজ্জ্বল ভট্টাচার্যই কয় যে কেন্দ্রীয় চৰকাৰে অসম তথা উত্তৰ–পূর্বাঞ্চলৰ গণতান্ত্রিক আন্দোলনক ভেঙুচালি কৰি ‘কা’ জাপি দিছে আৰু বলৱৎ কৰিছে৷ গতিকে এই সময়ছোৱাত অমিত শ্বাহৰে অনুষ্ঠিত হ’বলগীয়া বৈঠক আছুৰ প্রতিনিধিসকলে বর্জন কৰিছে৷ ড০ ভট্টাচার্যই লগতে কয় যে অসম চুক্তিৰ ৬নং দফা ৰূপায়ণ সমিতিৰ চূড়ান্ত প্রতিবেদন দাখিলৰ সময়সীমা চমু চাপি আহিছে যদিও এতিয়াও সকলো কাম–কাজ সম্পূর্ণ হোৱা নাই৷

The post আজি অমিত শ্বাহ–বিপ্লৱ শর্মা নেতৃত্বাধীন সমিতিৰ বৈঠক; ভাগ নলয় আছুৱে first appeared on নিয়মীয়া বাৰ্তা.

নিয়মীয়া বাৰ্তা, ৮ জানুৱাৰীঃ সদৌ অসম ছাত্ৰ সন্থাই কোনো ৰাজনৈতিক দল গঠন নকৰে । অসমত বিকল্প ৰাজনৈতিক দল গঠনক লৈ চৰ্চা চলি থকাৰ সময়তে দিল্লীৰ এখন সংবাদমেল সম্বোধন কৰি আছুৰ শীর্ষ নেতৃত্বই এই কথা স্পষ্ট কৰি দিয়ে৷

লক্ষণীয়ভাৱে সংবাদ মেলত অসমত বিকল্প ৰাজনৈতিক দল গঠনৰ বিষয়টোত সাংবাদিকসকলে আছুৰ নেতৃত্বক উপর্যুপৰি প্রশ্ন কৰে৷ ইয়াৰ উত্তৰত ছাত্র সন্থাৰ মুখ্য ডপদেষ্টা সমুজ্জ্বল ভট্টাচার্যই বাৰম্বাৰ এটা কথা স্পষ্ট কৰি দিয়ে যে আছু হৈছে এটা অৰাজনৈতিক সংগঠন৷ অসমীয়া তথা খিলঞ্জীয়াৰ স্বার্থ ৰক্ষাৰ বাবে আছুৱে আগতেও আন্দোলন কৰি গৈছিল৷ ভৱিষ্যতেও কৰি যাব৷ পিছে আছুৰ এই অৰাজনৈতিক চৰিত্র অনাগত দিনতো অক্ষুণ্ণ থাকিব৷

ছাত্র নেতাজনৰ বক্তব্য– কংগ্রেছে আই এম ডি টি আনি বিদেশীক ৰক্ষণাবেক্ষণ দিছিল৷ এতিয়া বিজেপিয়ে নাগৰিকত্ব সংশোধনী আইন (কা) আনি বিদেশীক ৰক্ষণাবেক্ষণ দিব বিচাৰিছে৷ সেয়েহে ৰাজনৈতিকভাৱে অসমৰ বাবে দুয়োটা ৰাজনৈতিক দলৰ চৰিত্র একেই৷ পিছে বিকল্প কি? সাংবাদিকৰ এই প্রশ্নৰ উত্তৰত ভট্টাচার্যৰ তাৎপর্যপূর্ণ বক্তব্য– বিকল্প ৰাজনৈতিক দল গঠনৰ বাবে ৰাইজৰ মাজত আলোচনা চলি আছে৷ ৰাইজেই বিকল্প ৰাজনৈতিক দল গঠনৰ বিষয়টোত সিদ্ধান্ত গ্রহণ কৰিব৷ মন কৰিবলগীয়া যে সমগ্র দেশত চলি থকা ‘কা’বিৰোধী আন্দোলনৰ সৈতে অসম তথা উত্তৰ–পূর্বাঞ্চলৰ আন্দোলন যে কিছু সুকীয়া, সেই কথা ৰাষ্ট্রীয় পর্যায়ত দাঙি ধৰাৰ বাবেই আছুৰ লগতে উত্তৰ–পূব ছাত্র সংগঠন নেছ’ৰ নেতৃবৃন্দই সন্মিলিতভাৱে নতুন দিল্লীত এই সংবাদ মেলৰ আয়োজন কৰিছিল৷

The post আছুৱে গঠন নকৰে বিকল্প ৰাজনৈতিক দল, ৰাইজে ল’ব সিদ্ধান্ত ! first appeared on নিয়মীয়া বাৰ্তা.

নিয়মীয়া বাৰ্তা, ২৯ ডিচেম্বৰঃ নাগৰিকত্ব সংশোধনী আইনক লৈ শিল্পী, ছাত্ৰ সমাজ আৰু সদৌ অসম ছাত্ৰ সন্থাৰ প্ৰতিবাদ অব্যাহত থকাৰ সময়তে জুবিন গাৰ্গৰ ঘোষণা গঠন কৰিম নতুন আঞ্চলিকতাবাদী ৰাজনৈতিক দল । শনিবাৰে শুৱালকুছিত সদৌ অসম ছাত্ৰ সন্থা আৰু শিল্পী সমাজৰ কা বিৰোধী প্ৰতিবাদৰ মাজতে এই বিকল্পৰ কথা ঘোষণা কৰে শিল্পীগৰাকীয়ে ।

ভাষণ প্ৰসংগত যুৱ প্ৰজন্মৰ হাৰ্টথ্ৰৱ গৰাকীয়ে উল্লেখ কৰে যে, ২১ ৰ নিৰ্বাচনত মই কংগ্ৰেছ, বিজেপি অথবা অগপ কাকো সমৰ্থন দিব নোৱাৰো । গতিকে অসমীয়া মানুহক এতিয়া প্ৰয়োজন হৈছে বিকল্পৰ । ইয়াৰ বাবে ২০২১ চনৰ পূৰ্বে আমি এক বিকল্প আঞ্চলিকতাবাদী শক্তি গঠন কৰিব লাগিব বুলি উল্লেখ কৰে জুবিন গাৰ্গে ।

ইফালে , এই নতুন ৰাজনৈতিক দল গঠন কৰিব যদিও জুবিন গাৰ্গে ৰাজনীতিত অংশ নলয় বুলিও উল্লেখ কৰে । দলটোৰ বাবে সকলো প্ৰকাৰৰ সহায়-সহযোগিতা কৰাৰ প্ৰতিশ্ৰুতি প্ৰদান কৰিলেও কিন্তু নিজে নিৰ্বাচন আৰু ৰাজনীতিৰ পৰা বিৰত থাকিব বুলি কয় জুবিনে । নতুন শক্তিশালী আঞ্চলিক দল গঠনৰ প্ৰয়োজনীয়তা উল্লেখ কৰি সকলোৱে বিশ্বাসঘাটকতা কৰিছে বুলিও কয় শিল্পীগৰাকীয়ে ।

আনৰ ওপৰত বিশ্বাস কৰি বহুত মাৰ খালো এতিয়া আৰু মাৰ নাখাওঁ ওলোটাই মৰাৰ সময় এইয়া বুলিও এক তাৎপৰ্যপূৰ্ণ মন্তব্য কৰে শিল্পীগৰাকীয়ে । 

The post আৰু মাৰ নাখাওঁ, এতিয়া ওলোটাই মৰাৰ সময় first appeared on নিয়মীয়া বাৰ্তা.

নিয়মীয়া বাৰ্তা, ১৯ ডিচেম্বৰঃ “ল’ৰা-ছোৱালীয়ে আন্দোলনো কৰিব আৰু সমান্তৰালকৈ পঢ়া শুনাও কৰিব, লগতে শিল্পীসমাজে নিজৰ সৃষ্টিও কৰিব আৰু আন্দোলনো কৰিব ।” -আছুৰ মুখ্য উপদেষ্টা ড০ সমুজ্জ্বল কুমাৰ ভট্টাচার্য ।

ৰাজ্যত শাম কটা নাই নাগৰিকত্ব সংশোধনী আইন বাতিলৰ দাবীৰে সৃষ্টি হোৱা গণজাগৰণৰ । সদৌ অসম ছাত্ৰ সন্থাই মহানগৰীত ৰূপায়ণ কৰা গণ সত্যাগ্রহ কার্যসূচীৰ বুধবাৰে অন্ত পৰে । পিচে ইয়াৰ পিছত কি কি পদক্ষেপ ল’ব বা কি কি কাৰ্যসূচী আছুৱে গ্ৰহণ কৰিব সেই সম্পৰ্কে ঘোষণা কৰে আছুৰ মুখ্য উপদেষ্টা ড০ সমুজ্জ্বল কুমাৰ ভট্টাচার্যই ।

সেই অনুসৰি ২১ ডিচেম্বৰত সমগ্র ৰাজ্যত আছুৰ আহ্বানত মহিলাসকলৰ ধর্মঘট কার্যসূচী ৰূপায়ণ কৰা হ’ব ৷ মহানগৰীৰ লতাশিল খেলপথাৰত এই কার্যসূচী গ্রহণ কৰা হ’ব ৷

২২ ডিচেম্বৰত ‘কা’বিৰোধী আন্দোলনৰ শ্বহীদ ছেম ষ্টেফর্ডৰ আদ্যশ্রাদ্ধৰ দিন হোৱা বাবে সেইদিনা প্রতিবাদী কার্যসূচী স্থগিত ৰখা হৈছে ৷

২৩ ডিচেম্বৰত জ্যেষ্ঠ নাগৰিকসকলৰ ৰাজ্যজোৰা অৱস্থান ধর্মঘট কার্যসূচী ৰূপায়ণ কৰা হ’ব ৷

ইয়াৰ পিছত ২৪, ২৬ আৰু ২৮ ডিচেম্বৰত সদৌ অসম ছাত্র সন্থাৰ প্রতিখন আঞ্চলিক সমিতিয়ে বিক্ষোভ প্রদর্শন কৰিব ৷

The post কি হ’ব সদৌ অসম ছাত্ৰ সন্থাৰ পৰৱৰ্তী কাৰ্যসূচী ? কি ক’লে ড০ সমুজ্জ্বল ভট্টাচার্যই… first appeared on নিয়মীয়া বাৰ্তা.

গুৱাহাটী ১৫ নৱেম্বৰঃ নুমলীগড় শোধানাগাৰৰ শোধন ক্ষমতা ৯ মিলিয়ন টনলৈ ক্ষমতা বৃদ্ধি কৰি শীঘ্ৰেই এন আৰ এলৰ কাম সম্প্ৰহসাৰণৰ দাবীত নুমলীগড়ত আজি সদৌ গোলাঘাট জিলা ছাত্ৰ সন্থাই গণ সত্যাগহ কাৰ্যসূচী ৰূপায়ন কৰে। আছুৱে সকীয়াই দিয়ে অসম আন্দোলনৰ ফচল নুমলীগড় শোধানাগাৰ। অসমীয়াৰ স্বাভিমান নুমলীগড় শোধানাগাৰ। শোধানাগাৰটোৰ ব্যক্তিগতকৰণ কোনো কাৰণতে মানি নলয় আছুৱে। আছুৰ হুংকাৰ এই দাবী মানি নললে অধিক গণতান্ত্ৰিক আন্দোলন গঢ়ি তোলা হ’ব। আছুৱে প্ৰধানমন্ত্ৰী আৰু মুখ্যমন্ত্ৰীৰ ভূমিকাকো তীব্ৰ সমালোচনা কৰে।

The post নুমলীগড় শোধানাগাৰ ব্যক্তিগতকৰণৰ বিৰুদ্ধে আছুৰ প্ৰতিবাদ first appeared on নিয়মীয়া বাৰ্তা.