নিয়মীয়া বাৰ্তা ২১ জানুৱাৰীঃ দেশৰ প্রগতিৰ সৈতে এজন ব্যক্তিৰ উন্নতি জড়িত হৈ থাকে৷ দেশৰ প্রগতিৰ বাবে এজন ব্যক্তিৰ কর্তব্যও গুৰুত্বপূর্ণ৷ এই মন্তব্য প্রধানমন্ত্রী নৰেন্দ্র মোদীৰ৷ ‘আজাদী কে অমৃত মহোৎসৱ চে স্বর্ণিম ভাৰত কে ওৰ’ শীর্ষক উৎসৱ ভার্চুৱেলি মুকলি কৰি প্রধানমন্ত্রী নৰেন্দ্র মোদীয়ে এই মন্তব্য আগবঢ়ায়৷ প্রধানমন্ত্রী মোদীয়ে পুনৰ কয় যে সমাজ এখন গঢ় লয়, য’ত সমতা আৰু সামাজিক ন্যায়ৰ ভেটি সুদৃঢ় স্থিতিত থাকে৷ দেশৰ স্বাধীনতাৰ ৭৫সংখ্যক বার্ষিকী উদ্যাপন চলি থকাৰ সময়তে আজি প্রধানমন্ত্রী মোদীয়ে উল্লেখিত কার্যসূচী মুকলি কৰি কয়, আমি ভাৰতক আগবাঢ়ি গৈ থকাটো প্রত্যক্ষ কৰিছোঁ৷ দেশৰ চিন্তা আৰু দৃষ্টিভংগী নতুন আৰু নির্ণায়ক প্রগতিশীল৷ আমাৰ প্রগতি দেশৰ প্রগতিৰ সৈতে সংপৃক্ত হৈ আছে৷
তদুপৰি প্রধানমন্ত্রীগৰাকীয়্ কয় যে বিগত বছৰ ধৰি দেশৰ জনতাই তেওঁলোকৰ অধিকাৰৰ কথা কৈ আহিছে আৰু তাৰ বাবে যুঁজি আহিছে৷ এতিয়া অধিকাৰৰ কথা কিছু বিষয়ত কোৱা হয়৷ একাংশ লোকে নিজৰ দায়িত্ব, কর্তব্য সম্পূর্ণৰূপে পাহৰি গৈ দেশক দুর্বল কৰাত ভূমিকা গ্রহণ কৰি আছে৷ এনে ক্ষেত্রত সকলোৱে ঐক্যবদ্ধ হৈ নিজৰ দায়িত্ব আৰু কর্তব্য পালনেৰে সামাজিক ব্যাধি আঁতৰ কৰাৰ প্রয়াস চলালে দেশ নতুন শিখৰত উপনীত হ’ব বুলি কয় প্রধানমন্ত্রীগৰাকীয়্৷ ব্রহ্মকুমাৰীৰ দ্বাৰা ‘আজাদী কে অমৃত মহোৎসৱ’ত ৩০তকৈ অধিক অভিযান আৰু ১৫ হাজাৰতকৈও অধিক কার্যসূচী চলোৱাৰ বাবে ব্রহ্মকুমাৰীক প্রশংসা কৰে প্রধানমন্ত্রীগৰাকীয়্৷