বিশেষ বাৰ্তা, ১০ জুনঃ সৰু পর্দাৰ ধাৰাবাহিকৰ সমান্তৰালকৈ ৰিয়েলিটী শ্ব’ৰ জনপ্ৰিয়তা বাঢ়িছে। ভাৰতৰ জনপ্রিয় টেলিভিছন ৰিয়েলিটী শ্ব’বোৰৰ ভিতৰত ‘ইণ্ডিয়ান আইডল’, ‘ফিয়াৰ ফেক্টৰ: খতৰো কে খিলাড়ী’, ‘ডান্স ইণ্ডিয়া ডান্স’, ‘ৰোডিজ ৰেভলিউছন’, ‘ছুপাৰ ডান্সাৰ’, ‘ইণ্ডিয়া’জ গট টেলেন্ট’ আদি উল্লেখযোগ্য।
এই অনুষ্ঠানবোৰত নৃত্য, গীতসহ নানা ধৰণৰ প্রতিযোগিতাৰ আয়োজন কৰা হয়। দেশৰ বিভিন্ন প্রান্তৰ পৰা এই প্রতিযোগিতাবোৰত অংশগ্রহণ কৰিবলৈ আহে বিভিন্ন বয়সৰ, বিভিন্ন ক্ষেত্রৰ প্রতিভাধৰ। শক্তি মোহন, শ্রেয়া ঘোষাল, অৰিজিৎ সিং, সুনিধি চৌহান, প্রিন্স নাৰুলা, নেহা কক্কৰৰ দৰে অনেক তাৰকা আছে যিসকলে ৰিয়েলিটী শ্ব’ৰ মাধ্যমেৰেই ভৰি থৈছিল পেছাদাৰী সংগীত জীৱনত।
একাধাৰে ভিডিঅ’ জকী তথা অভিনেতা ৰণবিজয় সিঙে দাৰুণ নৈপুণ্যৰে শ্ব’ পৰিচালনা কৰে। কিন্তু ‘ৰোডিজ ৰেভলিউছন’-ত বিচাৰকৰ আসনত তেওঁ বেলেগ ধৰণে নজৰ কাঢ়ে। ৰণবিজয়ে ‘ৰোডিজ ৰেভলিউছন’ৰ প্রতি পর্বত ১২ লাখ টকাকৈ পাৰিশ্রমিক লয়।
ৰোডিজ-ত দেখা যায় নিখিল ছিনাপাককো। তেওঁ লয় ৯ লাখকৈ টকা পাৰিশ্রমিক।
বিগত পাঁচ বছৰ ধৰি ‘ফিয়াৰ ফেক্টৰ: খতৰো কে খিলাড়ী’ শ্ব’ক ৰোহিত ছেট্টীয়ে অন্য মাত্রালৈ লৈ গৈছে। প্ৰতিটো এপিছডৰ বাবদ তেওঁ ৯ লাখকৈ টকা পাৰিশ্রমিক লয়।
‘ইণ্ডিয়ান আইডল’-ৰ দ্বিতীয় ছিজনৰ প্রতিযোগী হিচাপে অংশগ্রহণ কৰিছিল নেহা কক্কৰে। এতিয়া তেওঁ পোনে বিচাৰকৰ আসনত। দ্বাদশ ছিজনৰ পর্বই প্রতি তেওঁ পাঁচ লাখ টকাকৈ পাৰিশ্রমিক পায়।
ইয়াৰ উপৰিও মাধুৰী দীক্ষিত, ‘কপিল শর্মা শ্ব’-খ্যাত অর্চনা পূৰণ সিং, গীতা কপুৰ, কিৰণ খেৰে বিচাৰক হিচাপে প্ৰতিখন এপিচডৰ বিনিময়ত ১০ৰ পৰা ১৫ লাখ টকাকৈ পাৰিশ্রমিক পায় বুলি জনা যায়।