ডিজিটেল ডেস্ক, ১৫ মে’ : NEET পৰীক্ষাত প্ৰশ্নকাকত ফাদিলৰ ঘটনা ৰোধ কৰাৰ উদ্দেশ্যে আগন্তুক বছৰৰ পৰা সম্পূৰ্ণ সলনি হ’ব পৰীক্ষা পদ্ধতি। বহী-কলমৰ পৰিৱৰ্তে এতিয়াৰ পৰা কম্পিউটাৰ বেছড টেষ্ট (চিবিটি) পদ্ধতিত অনুষ্ঠিত হ’ব চিকিৎসা শিক্ষাৰ প্ৰৱেশিকা পৰীক্ষা। NEET পৰীক্ষাৰ প্ৰশ্নকাকত ফাদিলৰ ঘটনাৰ পিছত কেন্দ্ৰীয় শিক্ষামন্ত্ৰী ধৰ্মেন্দ্ৰ প্ৰধানে সংবাদ মাধ্যমৰ আগত এই ঘোষণা কৰে। তেওঁ জনায় যে ২০২৭ চনৰ পৰা NEET পৰীক্ষা অনলাইন পদ্ধতিত অনুষ্ঠিত হ’ব। প্ৰশ্নকাকত ফাদিলৰ ঘটনা সম্পূৰ্ণৰূপে বন্ধ কৰাৰ লক্ষ্যৰে এই পদক্ষেপ গ্ৰহণ কৰা হৈছে বুলি শিক্ষামন্ত্ৰীয়ে উল্লেখ কৰে।

NEET পৰীক্ষাৰ প্ৰশ্নকাকত ফাদিলৰ ঘটনাৰ পাছত শুকুৰবাৰে প্ৰথমবাৰৰ বাবে সংবাদ মাধ্যমৰ আগত মুখ খোলে কেন্দ্ৰীয় শিক্ষামন্ত্ৰীয়ে। তেওঁ স্পষ্টভাৱে কয় যে যিসকল অসাধু চক্ৰই বাৰে বাৰে প্ৰশ্নকাকত ফাদিল কৰি আহিছে, তেওঁলোকৰ বিৰুদ্ধে “জিৰো ট’লাৰেন্স” নীতি গ্ৰহণ কৰা হ’ব। শিক্ষাৰ্থীৰ ভৱিষ্যতৰ সৈতে কোনোধৰণৰ আপোচ কৰা নহ’ব বুলিও তেওঁ উল্লেখ কৰে।

কেন্দ্ৰীয় শিক্ষামন্ত্ৰীয়ে আৰু কয় যে NEETৰ দৰে কঠিন পৰীক্ষা বাৰে বাৰে দিবলগীয়া হোৱাটো পৰীক্ষাৰ্থীৰ বাবে শাৰীৰিক আৰু মানসিক হাৰাশাস্তিৰ সমান। সেয়েহে আগন্তুক সময়ত যাতে প্ৰশ্নকাকত ফাদিল সম্পূৰ্ণৰূপে ৰোধ কৰিব পৰা যায়, তাৰ বাবে NEET পৰীক্ষাৰ পদ্ধতি সম্পূৰ্ণ অনলাইন পদ্ধতিত কৰা হ’ব।

ইতিমধ্যে শেহতীয়া NEET পৰীক্ষাৰ প্ৰশ্নকাকত ফাদিলৰ ঘটনাৰ তদন্তৰ দায়িত্ব গ্ৰহণ কৰিছে চিবিআয়ে। এই ঘটনাৰ সৈতে জড়িতৰ অভিযোগত কেইবাজনকো গ্ৰেপ্তাৰ কৰা হৈছে।

The post ২০২৭ চনৰ পৰা CBT পদ্ধতিত হ’ব NEET, ঘোষণা কেন্দ্ৰীয় শিক্ষামন্ত্ৰীৰ first appeared on নিয়মীয়া বাৰ্তা.

🔹 ভাৰতীয় শিক্ষার্থীৰ আমেৰিকান ড্রীমছৰ সমাপ্তি !

নিউজ ডেস্ক, ৭ অক্টোবৰ : আমেৰিকা যুক্তৰাষ্ট্রৰ ৰাষ্ট্রপতি ড’নাল্ড ট্রাম্পৰ শুল্ক নীতিয়ে ভাৰতক বিমোৰত পেলোৱাৰ পাছত এইবাৰ ট্রাম্পৰ নতুন শিক্ষা নীতিয়েও শ’লঠেকত পেলাব ভাৰতীয় শিক্ষার্থীক৷ ট্রাম্পৰ নতুন শিক্ষা নীতিয়ে আমেৰিকা যুক্তৰাষ্ট্রত অধ্যয়ন কৰিব বিচৰা ভাৰতীয় শিক্ষার্থীৰ ক্ষেত্রত জটিলতা নমাই আনিব৷ ট্রাম্পৰ নতুন শিক্ষা নীতিত দেশখনৰ বিশ্ববিদ্যালয়সমূহত বিদেশী শিক্ষার্থী অন্তর্ভুক্তৰ ক্ষেত্রত নতুন নির্দেশনাৱলী জাৰি কৰা হৈছে৷ সেইমর্মে আমেৰিকা যুক্তৰাষ্ট্রৰ বিশ্ববিদ্যালয়ত ১৫ শতাংশ বিদেশী শিক্ষার্থী অন্তর্ভুক্ত কৰা হ’ব৷

শিক্ষা নীতিত কোনো এখন বিদেশী ৰাষ্ট্রৰ বাবে মাত্র ৫ শতাংশ নির্ধাৰণ কৰা হৈছে৷ অর্থাৎ আমেৰিকাৰ বিশ্ববিদ্যালয়ত ভাৰতৰ মাত্র ৫ শতাংশ শিক্ষার্থীয়েহে নামভর্তি কৰিব পাৰিব৷ ট্রাম্পৰ এই নতুন নির্দেশনাই ভাৰতীয় শিক্ষার্থীৰ আমেৰিকাত বিশ্ববিদ্যালয়ত অধ্যয়নৰ ক্ষেত্রত প্রত্যাহ্বান নমাই আনিব৷ ট্রাম প্রশাসনে ৯খন বিশ্ববিদ্যালয়ত এই নতুন শিক্ষা নীতি মানি চলিবলৈ নির্দেশ দিছে৷

বিশ্ববিদ্যালয়কেইখনে যদি ফেডাৰেল চৰকাৰৰ পুঁজি লাভ কৰি থাকিব বিচাৰে তেতিয়াহ’লে আন্তর্জাতিক শিক্ষার্থীৰ ক্ষেত্রত ট্রাম্পৰ নতুন শিক্ষা নীতি মানিবই লাগিব৷ ট্রাম্পে নির্ধাৰণ কৰি দিয়া বিশ্ববিদ্যালয়কেইখন হৈছে আৰিজনা বিশ্ববিদ্যালয়, ব্রাউন বিশ্ববিদ্যালয়, ডার্টমাউট বিশ্ববিদ্যালয়, মাছাছুছেট ইনষ্টিটিউট অৱ টেকন’লজী (এমআইটি), পেনছিলভেনিয়া বিশ্ববিদ্যালয়, ছাউদার্ন কেলিফ’র্নিয়া বিশ্ববিদ্যালয়, টেক্সাছ বিশ্ববিদ্যালয়, ভার্জিনিয়া বিশ্ববিদ্যালয় আৰু ভাণ্ডাৰবিল্ট বিশ্ববিদ্যালয়৷

ট্রাম্পৰ নতুন শিক্ষা নীতিয়ে সর্বাধিক ক্ষতিৰ সন্মুখীন কৰিব ভাৰতীয় শিক্ষার্থীক৷ কিয়নো বিদেশী শিক্ষার্থীৰ ভিতৰত আমেৰিকা যুক্তৰাষ্ট্রত সর্বাধিক ভাৰতীয় শিক্ষার্থীয়ে নামভর্তি কৰে৷ আমেৰিকাৰ বিশ্ববিদ্যালয়ত বিদেশী শিক্ষার্থীৰ ৩৫ শতাংশই ভাৰতীয়৷ এনে ক্ষেত্রত নতুন শিক্ষা নীতিয়ে ভাৰতৰ বাবে মাত্র ৫ শতাংশ নির্ধাৰণ কৰাত বাকী শিক্ষার্থীৰ ক্ষেত্রত বহু জটিলতা নামি আহিব৷ ভাৰতৰ লগতে চীনৰো ৩৫ শতাংশ শিক্ষার্থী আমেৰিকাৰ বিশ্ববিদ্যালয়ত নামভর্তি কৰে৷ ট্রাম্প প্রশাসনে নির্ধাৰণ কৰি দিয়া ৯ বিশ্ববিদ্যালয়ত ভাৰতীয় শিক্ষার্থী বঞ্চিত হ’লে এনে শিক্ষার্থীসকলে অধিক ব্যয়বহুল বিশ্ববিদ্যালয়ত নামভর্তিৰ বাবে চেষ্টা চলাব লাগিব৷ লক্ষণীয় যে উল্লেখিত ৯ বিশ্ববিদ্যালয় ভাৰতীয় শিক্ষার্থীৰ বাবে সুবিধাজনক৷

The post মাত্র ৫ শতাংশ ভাৰতীয় শিক্ষার্থীকহে মার্কিন বিশ্ববিঃত নামভর্তিৰ অনুমতি ট্রাম্পৰ first appeared on নিয়মীয়া বাৰ্তা.

অসমক বিশেষ গুৰুত্ব আৰোপ কৰি দেশৰ বিভিন্ন প্ৰান্তৰ প্ৰতিভাবান তথা সমাজৰ বিশেষভাৱে অনুগত্য থকা ছাত্ৰ ছাত্ৰী সকলৰ শিক্ষাৰ ক্ষেত্ৰত বাধাৰ প্ৰাচীৰ নোহোৱাকৈ পাঞ্জাবৰ নাকৰ এ প্লাছ স্বীকৃতিপ্ৰাপ্ত দেশভগত বিশ্ববিদ্যালয়ে (ডি বি ইউ) মহানগৰীৰ দিছপুৰ প্ৰেছ ক্লাবত অনুষ্ঠিত এক সংবাদ মেলত ১ কোটি টকাৰ শিক্ষা  বৃত্তি মুকলিৰ কথা ঘোষণা কৰে।

লগতে বিশ্ববিদ্যালয়খনে অসম চৰকাৰৰ সহযোগত অসমত ইয়াৰ অন্তৰ্ভুক্ত শিক্ষা, দক্ষতা উন্নয়ন আৰু গৱেষণা ভিত্তিক সামাজিক পদক্ষেপ গ্ৰহণ কৰাৰ প্ৰতি থকা দায়বদ্ধতাৰ কথাও ঘোষণা কৰে। সংবাদ মেলতে বিশ্ববিদ্যালয়খনে মহানগৰীৰ পাঞ্জাবাৰীৰ আই ই চি অৰ্থাত ইণ্টাৰনেচনেল এডুকেশ্বনেল কঞ্চালটেন্সীৰ যুটীয়া সহযোগত ইয়াৰ এটা তথ্য কেন্দ্ৰ মুকলি কৰাৰ কথাও ঘোষণা কৰে।

এই তথ্যকেন্দ্ৰৰ ফলত বিশ্ববিদ্যালয়খনে ইয়াৰ বিভিন্ন পাঠ্যক্ৰম তথা শিক্ষা বিষয়ক অন্যান্য সা- সুবিধা সমূহৰ তথ্য সমূহ অসম তথা উত্তৰ পূৰ্বাঞ্চলৰ বিভিন্ন ছাত্ৰ ছাত্ৰী সকলক জনাবলৈ সমৰ্থ হব।

সংবাদ মেলত বিশ্ববিদ্যালয়খনৰ উপাধ্যক্ষ ড° হৰ্ষ সদাৱৰ্তী, বিশেষ কৰ্তব্যৰক্ষী বিষয়া অমিত কুক্ৰেজা, উত্তৰ পূৰ্বাঞ্চলৰ নামভৰ্তি তত্বাবধায়ক ড° ৰঞ্জিত সিং আৰু আই ই চিৰ সঞ্চালক ডাঃ জীয়াউল ইছলাম উপস্থিত থাকে।

ডি বি ইউয়ে যোগ্য আৰু অৰ্থনৈতিকভাৱে বঞ্চিত ছোৱালীক বিনামূলীয়া শিক্ষা প্ৰদানৰ বাবে শক্তি বৃত্তি আৰম্ভ কৰাৰ লগতে অৰ্থনৈতিকভাৱে দুৰ্বল শ্ৰেণী (ই ডব্লিউ এছ), ক্ৰীড়াবিদ, প্ৰতিৰক্ষা নিৰ্ভৰশীল, বিশেষভাৱে সক্ষম ছাত্ৰ-ছাত্ৰী আৰু অন্যান্য বাধাগ্ৰস্ত শ্ৰেণীৰ বাবে ক্ষেত্ৰত প্ৰযোজ্য হোৱাকৈ আৰ্থিক সাহায্য আৰম্ভ কৰাৰ কথা ঘোষণা কৰে।

এই সন্দৰ্ভত মন্তব্য কৰি ড° হৰ্ষ সদাৱৰ্তীয়ে কয় “ ডি বি ইউত আমি বিশ্বাস কৰোঁ যে কোনো ছাত্ৰ-ছাত্ৰীক আৰ্থিক দুৰ্দশাৰ বাবে শিক্ষাৰ পৰা বঞ্চিত কৰা উচিত নহয়। এই ১ কোটি টকাৰ বৃত্তি কাৰ্যসূচীৰ জৰিয়তে আমি অসমৰ যুৱক-যুৱতীসকলক শিক্ষা ক্ষেত্ৰত উন্নীত কৰাৰ লগতে বিশ্বব্যাপী প্ৰাসংগিকতাৰে গুণগত শিক্ষা লাভ কৰাত সহায় কৰাৰ লক্ষ্য ৰাখিছো।”

দেশভগত বিশ্ববিদ্যালয়ে ইয়াৰ ইউজিচি মান্যতাপ্ৰাপ্ত অনলাইন আৰু মুক্ত দূৰ শিক্ষা কাৰ্যসূচী সম্প্ৰসাৰণৰ কথাও ঘোষণা কৰে, যিটো বিশেষভাৱে ৱৰ্কিং পেছাদাৰী আৰু দ্বৈত ডিগ্ৰীৰ আকাংক্ষা থকা ছাত্ৰ ছাত্ৰী সকলৰ বাবে প্ৰস্তুত কৰা হৈছে।  এই কাৰ্যসূচীসমূহ আন্তঃৰাষ্ট্ৰীয়ভাৱে স্বীকৃতিপ্ৰাপ্ত আৰু বিশ্বমানৰ শিক্ষণ ব্যৱস্থাপনা ব্যৱস্থা (এলএমএছ)ৰ দ্বাৰা সমৰ্থিত, যিয়ে আধুনিক আৰু আকৰ্ষণীয় ডিজিটেল শিক্ষণ অভিজ্ঞতা প্ৰদান কৰে।

বৰ্তমান বিশ্ববিদ্যালয়খনে অভিযান্ত্ৰিক, ব্যৱস্থাপনা, হোটেল ব্যৱস্থাপনা, কম্পিউটাৰ বিজ্ঞান আয়ুৰ্বেদ, ফাৰ্মাচী, নাৰ্চিং, আইন, কৃষি, মিত্ৰ আৰু স্বাস্থ্যসেৱা বিজ্ঞান, দন্ত বিজ্ঞান, শিক্ষা, বিশেষ শিক্ষা আৰু ক্লিনিকেল মনোবিজ্ঞানকে ধৰি উচ্চ চাহিদাযুক্ত শিক্ষাৰ ক্ষেত্ৰত  শাখাত ১৫০ ৰো অধিক  পাঠ্যক্ৰম আগবঢ়ায়। আন্তঃৰাষ্ট্ৰীয় প্ৰেক্ষাপটত প্ৰসাৰ সম্প্ৰসাৰণ কৰি দেশভগত গ্ৰুপে ছেইণ্ট ভিনচেণ্ট আৰু গ্ৰেনাডিনছত ডি বি ইউ আমেৰিকাছ স্কুল অৱ মেডিচিন (ডি বি ইউ এ) আৰম্ভ কৰিছে, যাক এম বি বি এছৰ সমতুল্য এম ডি প্ৰগ্ৰেম হিচাপে গণ্য কৰা হয়।

দেশভগত বিশ্ববিদ্যালয়ে ৰাষ্ট্ৰীয় শিক্ষা নীতি (এন ই পি) ২০২০ ৰূপায়ণৰ বাবে অসম চৰকাৰৰ সৈতে সহযোগিতা কৰাৰ লগতে শিক্ষা, বৃত্তিমূলক প্ৰশিক্ষণ আৰু গৱেষণাৰ ক্ষেত্ৰত সামাজিক  প্ৰকল্পসমূহক সহায় কৰাৰ আগ্ৰহ প্ৰকাশ কৰে। এই কথা উল্লেখ কৰি অমিত কুক্ৰেজাই  কয় যে “দেশভগত বিশ্ববিদ্যালয়ে শিক্ষাৰ্থীসকলক শৈক্ষিক উৎকৰ্ষতা, উদ্যোগ-চালিত কাৰ্যসূচী আৰু মূল্যভিত্তিক শিক্ষাৰ জৰিয়তে বিশ্বব্যাপী সুযোগ সুবিধা প্ৰস্তুত কৰিবলৈ প্ৰতিশ্ৰুতিবদ্ধ। অসমত স্থাপন কৰা আমাৰ তথ্য আৰু পৰামৰ্শ কেন্দ্ৰই পথ প্ৰদৰ্শন আৰু সহায়ৰ বাবে দুৱাৰমুখ হিচাপে কাম কৰিব।”

Niyomiya Barta Desk, Date of Published, 8 July

The post গুৱাহাটীত Desh Bhagat Universityৰ তথ্যকেন্দ্ৰ মুকলি, শিক্ষা বৃত্তি ঘোষণা first appeared on নিয়মীয়া বাৰ্তা.

চিপিএমৰ নেতা তথা সাহিত্যিক এম স্বৰাজে কেৰেলা সাহিত্য অকাডেমিৰ বঁটা গ্ৰহণ কৰিবলৈ অস্বীকাৰ কৰি কয় যে তেওঁ সদায় কোনো ধৰণৰ বঁটা গ্ৰহণ নকৰাৰ স্থিতি বজাই ৰাখিছে। ফেচবুক পোষ্টত স্বৰাজে কয় যে তেওঁ অকাডেমিৰ এই ঘোষণাৰ বিষয়ে দিনটোৰ শেষৰ ফালেহে অৱগত হৈছিল, কিয়নো তেওঁ চিপিএমৰ ৰাজ্যিক সমিতিৰ বৈঠকত অংশ লৈছিল।

তেওঁ লিখিছে, ‘মই দীৰ্ঘদিন ধৰি কোনো ধৰণৰ বঁটা গ্ৰহণ নকৰাৰ স্থিতি গ্ৰহণ কৰি আহিছো। পূৰ্বতে যেতিয়া দুই এটা ট্ৰাষ্ট আৰু কমিটীয়ে মোক স্বীকৃতিৰ বাবে বিবেচনা কৰিছিল, তেতিয়া মই ব্যক্তিগতভাৱে তেওঁলোকৰ ওচৰত এই স্থিতি প্ৰকাশ কৰিছিলোঁ। সেই সময়ত ৰাজহুৱা ঘোষণাৰ প্ৰয়োজন নাছিল।”

অৱশ্যে অকাডেমি বঁটাৰ খবৰ ৰাজহুৱা হোৱাৰ লগে লগে স্বৰাজে ৰাজহুৱাভাৱে নিজৰ স্থিতি স্পষ্ট কৰাৰ প্ৰয়োজনীয়তা অনুভৱ কৰা বুলি কয়। জনসেৱাই হওক বা সাহিত্যিক কামেই হওক, মই কেতিয়াও কোনো বঁটা গ্ৰহণ কৰা নাই, আৰু গ্ৰহণ নকৰো। এই স্থিতি পুনৰবাৰ উল্লেখ কৰি অকাডেমিৰ প্ৰতি শ্ৰদ্ধা প্ৰকাশ কৰি তেওঁ লগতে কয়।

স্বৰাজে তেওঁৰ ‘পূক্কালুদে পুস্থকম’ Pookkalude Pusthakam গ্ৰন্থৰ বাবে ৰচনা শাখাত ছিবি কুমাৰ এনডাউমেণ্ট বঁটা লাভ কৰে। তেওঁক বঁটাৰ বাবে নিৰ্বাচিত হোৱাৰ খবৰ ওলোৱাৰ সময়ত ছ’চিয়েল মিডিয়াত তেওঁক সমানে প্ৰশংসা আৰু ট্ৰ’ল কৰা হৈছিল।

Niyomiya Barta Desk, Date of published : 27 June, 2025

The post স্থিতিত অটল : কেৰেলা সাহিত্য অকাডেমিৰ বঁটা নাকচ সাহিত্যিক এম স্বৰাজৰ first appeared on নিয়মীয়া বাৰ্তা.

NEET UG exam 2025 কাইলৈ সমগ্ৰ দেশতে অনুষ্ঠিত হ’ব। নেশ্যনেল টেষ্টিং এজেন্সীৰ জৰিয়তে অনুষ্ঠিত হ’ব এই পৰীক্ষা। এই পৰীক্ষা সমগ্ৰ দেশৰ ৫৫২খন চহৰত একক শ্বিফটত অনুষ্ঠিত হ’ব। দুপৰীয়া ২ বজাৰ পৰা আৰম্ভ হ’ব আৰু বিয়লি ৫ বজালৈ পৰীক্ষা চলিব। NEET পৰীক্ষা অফলাইন মোডত অনুষ্ঠিত হ’ব।

এইবাৰ বিহাৰত পৰীক্ষাৰ বাবে কঠোৰ নিৰাপত্তাৰ ব্যৱস্থা কৰা হৈছে। কেৱল চৰকাৰী বিদ্যালয়কহে পৰীক্ষা কেন্দ্ৰ কৰি দিয়া হৈছে। প্ৰতিখন জিলাতে নিৰীক্ষণ সমিতি গঠন কৰা হৈছে, যিয়ে কেন্দ্ৰসমূহ পৰিদৰ্শন কৰি আছে। যোৱা বছৰ ৫ মে’ত অনুষ্ঠিত হোৱা এই পৰীক্ষাত বিহাৰকে ধৰি একাংশ ৰাজ্যত কাগজ ফাদিল আৰু ৰিগিঙৰ অভিযোগ উত্থাপন হৈছিল।

বিষয়টো উচ্চতম ন্যায়ালয়ত উপস্থিত হয় যদিও পৰীক্ষা বাতিল কৰা নহ’ল। কাগজৰ জালিয়াতিৰ কোনো সুনিৰ্দিষ্ট প্ৰমাণ পোৱা নগ’ল। এইবাৰ কোনো হুলস্থুল হ’ব নালাগে। পৰীক্ষাটো যাতে অসৎ ব্যৱহাৰৰ পৰা মুক্ত হয় সেয়া নিশ্চিত কৰাটো এটা ডাঙৰ প্ৰত্যাহ্বান। কঠোৰতা বজাই ৰখা হৈছে। পাটনাত ৯৬খন বিদ্যালয়ক পৰীক্ষা কেন্দ্ৰ হিচাপে গঢ়ি তোলা হৈছে। ইয়াৰ ভিতৰত আছে আই আই টি, এন আই টি, কেন্দ্ৰীয় বিদ্যালয়, নৱোদয় বিদ্যালয় আৰু ৰাজ্য চৰকাৰী বিদ্যালয়।

প্ৰতিটো পৰীক্ষা কেন্দ্ৰত ভিডিঅ’গ্ৰাফী কৰা হ’ব আৰু কেৱল বায়’মেট্ৰিক্সৰ জৰিয়তেহে প্ৰৱেশৰ ব্যৱস্থা কৰা হ’ব। পৰীক্ষা কেন্দ্ৰতেই পৰীক্ষাৰ্থীসকলৰ বাবে কলম উপলব্ধ কৰা হ’ব। পৰীক্ষা কেন্দ্ৰত অকৰ্তৃত্বশীল ব্যক্তিৰ প্ৰৱেশ আৰু মোবাইল ফোন ব্যৱহাৰ নিষিদ্ধ কৰা হ’ব। প্ৰাৰ্থীসকলক প্ৰৱেশৰ অনুমতি দিয়াৰ পূৰ্বে তেওঁলোকৰ আইডি আৰু এডমিট কাৰ্ড ভালদৰে পৰীক্ষা কৰা হ’ব। পৰ্যাপ্ত সংখ্যক দণ্ডাধীশ আৰু আৰক্ষী বিষয়া কৰ্তব্যত নিয়োগ কৰা হৈছে।

১০৪জন ষ্টেটিক মেজিষ্ট্ৰেট, ২০ জন ন’ডেল বিষয়া আৰু ৯৬ জন আৰক্ষী বিষয়া (এস্কৰ্ট)ক নিযুক্তি দিয়া হৈছে। তেওঁলোকৰ লগতে আৰক্ষী বিষয়া। সশস্ত্ৰ বাহিনীও মোতায়েন কৰা হৈছে। NEET UG Exam 2025 ৰ বাবে জিলা প্ৰশাসনৰ অতিৰিক্ত জিলা দণ্ডাধীশ, আইন আৰু শৃংখলা, পাটনাৰ ন’ডেল বিষয়া হিচাপে মনোনীত হৈছে।

বিহাৰৰ অৰ্থনৈতিক অপৰাধ ইউনিটেও পৰীক্ষা সন্দৰ্ভত পৰামৰ্শ জাৰি কৰিছে। কোৱা হৈছে যে ডিজিটেল মাধ্যমৰ অপব্যৱহাৰ কৰিলে পৰীক্ষা সন্দৰ্ভত বিভ্ৰান্তি প্ৰাৰ্থী/সাধাৰণ জনতাৰ মাজত বিয়পিব পাৰে। পৰীক্ষাৰ প্ৰশ্নকাকত/উত্তৰপত্ৰ প্ৰদানৰ নামত চাইবাৰ অপৰাধীয়ে নকল কৰাৰ চেষ্টা কৰিব পাৰে। অভিযোগ EOU ৰ দ্বাৰা জাৰি কৰা মোবাইল/WhatsApp নম্বৰ 8544428404 আৰু email ID spcyber-bih@gov.in ত দিব পাৰিব।

The post কাইলৈ দেশজুৰি NEET UG exam 2025 first appeared on নিয়মীয়া বাৰ্তা.

বিশেষ বাৰ্তা, ২মে’ : Jorhat News : শিক্ষাজগতত উজলিছে যোৰহাটৰ শৈশৱ দ্য নেক্সট জেন স্মাৰ্ট স্কুল যি সময়ত ব্যক্তিগত শিক্ষা অনুষ্ঠান সমুহৰ অত্যাধিক মাচুলে অভিভাৱক সকলক জুৰুলা কৰিছে সেই সময়তে অতি কম মাছুলৰ বিনিময় শিশুসকলক অগতানুগতিক ভাবে শিক্ষা প্ৰদান কৰিছে শৈশৱ দ্য নেক্সট জেন স্মাট স্কুল নামৰ শিক্ষানুস্থানটোৱে।

যোৰহাট Jorhat News জিলাৰ কেন্দুগুৰি অঞ্চলৰ উচচ শিক্ষিত মহিলা সংগীতা দেৱীয়ে এই অনুষ্ঠানৰ  জৰিয়তে অসমীয়া কৃষ্টি সংস্কৃতি লগত সংপৃক্ত কৰি ইংৰাজী শিক্ষাৰ প্ৰাক প্ৰাথমিক বিদ্যালয়ৰ ফ্ৰেঞ্চাইজি প্ৰতিষ্ঠা কৰি অসমীয়া জনজীৱন উদ্ধুদ্ধ কৰিছে।

অসমীয়া জাতিয় জীৱনৰ প্ৰতিটো কৃষ্টি সংস্কৃতি লগত খাপ খোৱাকৈ বিভিন্ন অনুষ্ঠান অনুষ্ঠিত কৰা লগতে ছাত্ৰ ছাত্ৰী সকলৰ অত্যাধিক শিক্ষাৰে শিক্ষিত কৰিবলৈ চেষ্টা চলোৱা হয় এই শিক্ষানুস্থানটোত। যোৰহাট Jorhat News জিলাত ইতিমধ্যে তিনি বছৰ পূৰ্বে কেন্দুগুৰি ১নং বামুন গাৱত আৰম্ভ কৰা বিদ্যালয় খনে অভিভাৱকসকলৰ দৃষ্টি আকৰ্ষণ কৰিছে।

নিজৰ সংস্কৃতিক সাৱতি বিশ্ব দৰবাৰত নতুন নতুনত্বৰ প্ৰয়াসেৰে খোজ পেলাব পৰাকৈ শিশুসকলৰ মনোভাৱ উপলব্ধি কৰি শিক্ষা প্ৰদান কৰি ইতিমধ্যে জিলাখনতে চচ্চা কেন্দ্ৰ বিন্দু হৈ পৰা

কেন্দু গুৰি শাখাৰ আৰত কেইবাটাও জাতীয় সংগঠনৰ আৰু ছাত্ৰ সংগঠনৰ লগতে কেইবাজনো যোৰহাট জিলাৰ সামাজিক ক্ষেত্ৰৰ ব্যক্তি জড়িত হৈ আছে। নৈতিক শিক্ষাৰ পৰা ব্যৱহায়িক শিক্ষা লৈকে সকলো দিশ সামৰি লৈছে।

বিশেষ কৈ ডিজিটেল মাধ্যমৰ যোগেদি শিশুসকলক নতুন পৃথিৱীৰ লগত খাপ খোৱাকৈ শিক্ষা প্ৰদান কৰিছে। বিহু, গুৰুজনা জন্ম উংসৱ, বিষ্ণু ৰাভা সংগীত, জ্যোতি সংগীত,আদি শিক্ষা সৰুৱে পৰা দিয়া হোৱাৰ সমান্তৰাল ভাৱে সৎতিয়া নৃত্য, চাৰু কলা, আদি শিক্ষাও সৰুৰে পৰা দিয়া হয়।

বিদ্যালয় খনৰ এনে প্ৰচেষ্টা যোৰহাট বাসী Jorhat News ৰাইজে আদৰি লোৱাৰ লগতে বিদ্যালয় খন আগুৱাই যোৱা বিচাৰিছে। ইতিমধ্যে বিদ্যালয়খনে কমদিনৰ ভিতৰতে অধশতাধীক অভিভাৱকৰ সঁহাৰি লাভ কৰিবলৈ সক্ষম হৈছে।

প্ৰেৰক ৰঞ্জিত ভূঞা

The post Jorhat News : শিক্ষাজগতত উজলিছে যোৰহাটৰ শৈশৱ দ্য নেক্সট জেন স্মাৰ্ট স্কুল first appeared on নিয়মীয়া বাৰ্তা.

নিয়মীয়া বাৰ্তা ডিজিটেল, ৩০ এপ্ৰিলঃ বহু প্ৰতীক্ষাৰ অন্তত আজি ঘোষণা কৰা হল উচ্চতৰ মাধ্যমিকৰ চূড়ান্ত বৰ্ষৰ ফলাফল। ফলাফল অনুসৰি উত্তীৰ্ণৰ হাৰ এনেধৰণৰ-

বাণিজ্য শাখা
প্ৰথম 6519, দ্বিতীয় 5760 আৰু তৃতীয় বিভাগ উত্তীৰ্ণ 2305 গৰাকী। উত্তীৰ্ণৰ হাৰ 82.18 শতাংশ

বিজ্ঞান শাখা
প্ৰথম 25827, দ্বিতীয় 19286 আৰু তৃতীয় বিভাগত উত্তীৰ্ণ হৈছে 3196 গৰাকী। উত্তীৰ্ণৰ হাৰ 84.88 শতাংশ

কলা শাখা
প্ৰথম 49577, দ্বিতীয় বিভাগ 80650 আৰু তৃতীয় বিভাগত উত্তীৰ্ণ হৈছে 53518 গৰাকী। উত্তীৰ্ণৰ হাৰ 81.03 শতাংশ

আনহাতে ফলাফলত জিলা হিচাপে স্থানপ্ৰাপকৰ তালিকা এনেধৰণৰ

কলা শাখা
৯৪.২১ শতাংশৰে শীৰ্ষত বাক্সা জিলা
৯০.৫০ শতাংশৰে দ্বিতীয় স্থানত লখিমপুৰ জিলা

বিজ্ঞান শাখা
১০০ শতাংশ উত্তীৰ্ণৰে শীৰ্ষত পশ্চিম কাৰ্বি আংলং জিলা
৯৭.১৩ শতাংশৰে দ্বিতীয় স্থানত শিৱসাগৰ

বাণিজ্য শাখা
১০০ শতাংশ উত্তীৰ্ণৰে শীৰ্ষত দক্ষিণ শালমাৰা
৯৮৭.২০ শতাংশৰে দ্বিতীয় স্থানত বাক্সা জিলা

The post উচ্চতৰ মাধ্যমিকৰ চূড়ান্ত বৰ্ষৰ ফলাফল ঘোষণা first appeared on নিয়মীয়া বাৰ্তা.

বিশেষ বাৰ্তা, ১৯ এপ্ৰিলঃ এক উল্লেখযোগ্য শৈক্ষিক মাইলৰ খুঁটিত ডিব্ৰুগড়ৰ হনুমানবাক্স সুৰজমল কানয় (ডি এইচ এছ কে) কলেজক ২০২৫–২০২৬ চনৰ শৈক্ষিক অধিবেশনৰ পৰা ২০৩৪–২০৩৫ চনলৈকে দহ বছৰৰ বাবে বিশ্ববিদ্যালয় অনুদান আয়োগে স্বায়ত্তশাসিত মৰ্যাদা প্ৰদান কৰিছে। মহাবিদ্যালয়খনৰ প্ৰস্তাৱৰ সম্যক মূল্যায়নৰ অন্তত ২০২৫ চনৰ ৩ এপ্ৰিলত অনুষ্ঠিত ইউজিচিৰ বৈঠকৰ সময়ত এই সিদ্ধান্তত অনুমোদন জনোৱা হয়। এই মৰ্যাদাৰ অধীনত ডি এইচ এছ কে কলেজে নিজৰ পাঠ্যক্ৰম আৰু পাঠ্যক্ৰম ডিজাইন কৰাৰ শৈক্ষিক স্বাধীনতা লাভ কৰিব, একে সময়তে ইউ জি চিৰ নিৰ্দেশনা মানি চলি থাকিব। এই উন্নয়নে শৈক্ষিক নমনীয়তা বৃদ্ধি কৰিব, উদ্ভাৱনক লাভান্বিত কৰিব, আৰু উৎকৃষ্টতাক প্ৰসাৰিত কৰিব, যাৰ ফলত ছাত্ৰ-ছাত্ৰীসকলে অধিক সমসাময়িক, উদ্যোগ-সংলগ্ন, আৰু ছাত্ৰ-কেন্দ্ৰিক শৈক্ষিক পৰিৱেশ তন্ত্ৰৰ পৰা লাভৱান হ’ব পাৰিব। স্বায়ত্তশাসিত মৰ্যাদাই অসমৰ অন্যতম প্রধান শিক্ষানুষ্ঠান হিচাপে ডি এইচ এছ কে মহাবিদ্যালয়ৰ বিশিষ্ট যাত্ৰাৰ এক নতুন অধ্যায়ৰ সূচনা কৰিছে৷

প্ৰেৰক বিভাস দুৱৰা

The post ডিব্ৰুগড়ৰ DHSK কলেজলৈ এটা দশকৰ বাবে UGCৰ স্বায়ত্তশাসিত মৰ্যাদা first appeared on নিয়মীয়া বাৰ্তা.

🔹 চিবিএছইৰ বৃহৎ সংস্কাৰ

নিউজ ডেস্ক, ২০ ফেব্রুৱাৰী : ৰাষ্ট্রীয় শিক্ষানীতি ২০২০ৰ অধীনত চিবিএছইয়ে পৰীক্ষাত বৃহৎ সংস্কাৰৰ সিদ্ধান্ত গ্রহণ কৰিছে৷ কেন্দ্রীয় শিক্ষামন্ত্রী ধর্মেন্দ্র প্রধানৰ অধ্যক্ষতাত অনুষ্ঠিত এক গুৰুত্বপূর্ণ বৈঠকত চিবিএছইৰ দশম শ্রেণীৰ ব’ৰ্ড পৰীক্ষা বছৰত দুবাৰ অনুষ্ঠিত কৰাৰ সিদ্ধান্ত লোৱা হৈছে৷ দশম শ্রেণীৰ লগতে দ্বাদশ শ্রেণীৰ পৰীক্ষাও বছৰত দুবাৰ অনুষ্ঠিত কৰা হ’ব৷ বৈঠকত সিদ্ধান্ত গ্রহণ কৰি শিক্ষা মন্ত্রালয়ে এই সন্দর্ভত খচৰা প্রস্তুত কৰিছে আৰু শীঘ্রেই দেশবাসীৰ ওচৰত মতামতৰ বাবে প্রচাৰ কৰিব৷ শিক্ষাখণ্ডৰ অংশীদাৰসকলক এই সন্দর্ভত মতামত প্রেৰণৰ আহ্বান জনাইছে শিক্ষা মন্ত্রালয়ে৷ এই খচৰা অনুসৰি ২০২৬–২৭ শৈক্ষিক বর্ষৰ পৰাই দশম শ্রেণীৰ পৰীক্ষা বছৰত দুবাৰ অনুষ্ঠিত হ’ব৷ পৰীক্ষার্থীৰ ওপৰত চাপ হ্রাস কৰাৰ প্রতি লক্ষ্য কৰিয়েই এই বৃহৎ সংস্কাৰ সাধনৰ সিদ্ধান্ত গ্রহণ কৰা হৈছে৷ আণ্ডাৰ গ্রেজুৱেট নামভর্তিত কোনোধৰণৰ যাতে বাধাৰ সন্মুখীন নহয়, তাৰ প্রতি লক্ষ্য কৰি চিবিএছইয়ে ব’ৰ্ড পৰীক্ষা বছৰত দুবাৰ অনুষ্ঠিত কৰিব৷ কেন্দ্রীয় শিক্ষামন্ত্রীৰ সৈতে বৈঠকত বিদ্যালয় শিক্ষাৰ সচিব, চিবিএছইৰ অধ্যক্ষ আৰু শিক্ষা মন্ত্রালয়ৰ শীর্ষ বিষয়াসকল উপস্থিত থাকে৷ লক্ষণীয় যে সম্প্রতি দশম আৰু দ্বাদশ শ্রেণীৰ পৰীক্ষা ফেব্রুৱাৰী–মার্চ মাহত অনুষ্ঠিত হয় আৰু মে’ত ইয়াৰ ফলাফল ওলায়৷ কোনো শিক্ষার্থীয়ে তেওঁৰ ফলাফলক লৈ অসন্তুষ্ট হ’লে এটা বিষয় পৰিপূৰকভাৱে পুনৰ জুলাইত পৰীক্ষা দিব পাৰে৷ কিন্তু নতুন নিয়ম অনুসৰি এজন শিক্ষার্থীয়ে প্রথম পর্যায়ত আশানুৰূপ ফলাফল লাভ নকৰিলে দ্বিতীয়বাৰতো অৱতীর্ণ হ’ব পাৰিব৷

The post দশম–দ্বাদশৰ ব’ৰ্ড পৰীক্ষা বছৰত দুবাৰ অনুষ্ঠিত হ’ব first appeared on নিয়মীয়া বাৰ্তা.

🔹 ডাকত প্রেৰণ কৰা নহয় ই–এডমিছন প্রমাণ–পত্র

বিশেষ বাৰ্তা, ২১ মে’ : অসম লোকসেৱা আয়োগৰ সংযুক্ত প্রতিযোগিতামূলক (মূল) পৰীক্ষাৰ সূচী ঘোষণা কৰা হৈছে৷ অহা ২৬ জুলাইৰ পৰা ২৮ জুলাইলৈ মূল পৰীক্ষাসমূহ অনুষ্ঠিত হ’ব৷ আয়োগে প্রকাশ কৰা সূচী অনুসৰি ২৬ জুলাই শুকুৰবাৰে পুৱা ৯ বজাৰ পৰা দুপৰীয়া ১২ বজালৈ প্রথম প্রশ্নকাকত ৰচনাৰ পৰীক্ষা অনুষ্ঠিত হ’ব৷ সেইদিনাই বিয়লি ১.৩০ বজাৰ পৰা ৪.৩০ বজালৈ সাধাৰণ অধ্যয়নৰ প্রথম প্রশ্নকাকতৰ পৰীক্ষা অনুষ্ঠিত হ’ব৷ ২৭ জুলাই শনিবাৰে পুৱা ৯ বজাৰ পৰা ১২ বজালৈ সাধাৰণ অধ্যয়নৰ দ্বিতীয় প্রশ্নকাকত আৰু বিয়লি ১.৩০ বজাৰ পৰা ৪.৩০ বজালৈ সাধাৰণ অধ্যয়নৰ তৃতীয় প্রশ্নকাকতৰ পৰীক্ষা অনুষ্ঠিত হ’ব৷ ২৮ জুলাই দেওবাৰে পুৱা ৯ৰ পৰা ১২ বজালৈ সাধাৰণ অধ্যয়নৰ চতুর্থ প্রশ্নকাকত আৰু ১.৩০–৪.৩০ বজালৈ সাধাৰণ অধ্যয়নৰ পঞ্চম প্রশ্নকাকতৰ পৰীক্ষা অনুষ্ঠিত হ’ব বুলি আয়োগে সদৰী কৰিছে৷ কালি প্রকাশ কৰা এখন জাননীত উল্লেখ কৰা অনুৰি ৰোল নং আৰু ই–নামভর্তিৰ প্রমাণ–পত্রসহ প্রার্থীৰ তালিকাসমূহ অহা ৩ আৰু ৫ জুলাইত আয়োগৰ ৱেবছাইটত আপলোড কৰা হ’ব৷ প্রার্থীসকলৰ বাবে ডাকঘৰৰ জৰিয়তে কোনোধৰণৰ ই–নামভর্তিৰ প্রমাণ–পত্র প্রেৰণ কৰা নহ’ব বুলিও জাননীখনত উল্লেখ কৰা হৈছে৷ উল্লেখ্য যে ২০২৩ বর্ষৰ সংযুক্ত মূল প্রতিযোগিতামূলক পৰীক্ষাৰ বাবে ২,৮৯৮জন পৰীক্ষার্থীয়ে যোগ্যতা অর্জন কৰিছে৷ ৭১৯গৰাকী মহিলা, ১০৬গৰাকী বিশেষভাৱে সক্ষম আৰু ১০২জন প্রাক্তন সৈনিক পৰীক্ষার্থী৷ পোনপ্রথমবাৰৰ বাবে মৰাণ–মটকৰ বাবে সংৰক্ষণ কৰা পদৰ বিপৰীতেও প্রার্থীয়ে মূল পৰীক্ষাৰ বাবে যোগ্যতা অর্জন কৰিছে৷ মূল পৰীক্ষাৰ প্রশ্নকাকতসমূহ ইংৰাজীৰ লগতে অসমীয়াতো উপলব্ধ হ’ব৷ পৰীক্ষার্থীসকলে উত্তৰসমূহ অসমীয়া মাধ্যমতো লিখিব পাৰিব৷

The post এপিএছচিৰ মূল পৰীক্ষা ২৬–২৮ জুলাইলৈ first appeared on নিয়মীয়া বাৰ্তা.