বিশেষ বাৰ্তা, ২৫ এপ্ৰিল : শাসকীয় দল বিজেপি ৰ নিৰ্বাচনী প্ৰচাৰ উঠিছে তুংগত। সমাগত পঞ্চায়ত নিৰ্বাচনৰ পৰিপ্ৰেক্ষিতত মাজুলী সমষ্টিত শাসকীয় দলৰ লগতে বিৰোধী দলৰ নেতাসকলৰ প্ৰচাৰ অভিযান তুংগত উঠিছে ৷ ২৪ এপ্ৰিলৰ ৰাতি মাজুলীত বাহৰ পতা বিজেপি দলৰ ৰাজ্যিক সভাপতি দিলীপ শইকীয়াই আজি পুৱাই উত্তৰ কমলাবাৰী সত্ৰৰ নামঘৰত সেৱা লোৱাৰ লগতে সত্ৰাধিকাৰ জনাৰ্দন দেৱ গোস্বামীৰ সৈতে মত-বিনিময় কৰে ৷ তাৰ পৰা ৰাজ্যিক সভাপতি গৰাকী সতীৰ্থ সহ ঔৱা সত্ৰত উপস্থিত হয় আৰু নামঘৰত সেৱা লৈ সত্ৰাধিকাৰ শৰৎ চন্দ্ৰ গোস্বামীৰ বাসগৃহত পুৱাৰ জলপান গ্ৰহণ কৰে ৷ তাৰ পৰা সভাপতি গৰাকী গড়মূৰস্থিত জিলা বিজেপিৰ মুখ্য কাৰ্যালয় বাজপেয়ী ভৱনত দলৰ কৰ্মীসকলৰে মত-বিনিময় কৰে ৷ এই উপলক্ষে কাৰ্যালয়ত জিলা বিজেপিৰ সম্পাদক মানিক শইকীয়াই আঁত ধৰা সভাত প্ৰথমে বন্তি প্ৰজ্বলন কৰে কেন্দ্ৰীয় মন্ত্ৰী তথা প্ৰাক্তন মুখ্যমন্ত্ৰী সৰ্বানন্দ সোণোৱালে ৷ জিলা বিজেপিৰ বিষয়ববীয়া, চাৰিটা মণ্ডল সমিতিৰ বিষয়ববীয়া, মৰ্চা আৰু বুথ পৰ্যায়ৰ কাৰ্যকৰ্তাৰ লগতে পঞ্চায়ত নিৰ্বাচনৰ প্ৰাৰ্থী সকল উপস্থিত থকা সভাত কেন্দ্ৰীয় মন্ত্ৰী সোনোৱালে স্বচ্ছ, নিকা পঞ্চায়ত গঠনৰ বাবে দলীয় প্ৰাৰ্থীৰ জয়যুক্ত নিশ্চিত কৰিবলৈ কাৰ্যকৰ্তা সকলক আহবান জনায় ৷ ৰাজ্যিক সভাপতি শইকীয়াই বিজেপি মিত্ৰদলে চাৰিটা জিলা পৰিষদ, বিশ টা আঞ্চলিক পঞ্চায়তৰ সদস্য আৰু দুশ ৱাৰ্ড সদস্যৰ নিৰ্বাচনত অৱতীৰ্ণ হৈছে ৷ সকলো মিত্ৰদলৰ প্ৰাৰ্থী বিপুল ভোটত জয়যুক্ত হ’ব লাগিব ৷ একোটা বুথৰ যোদ্ধা হিচাবে নিজকে নিয়োগ কৰি সকলো চিন্তা বাদ দি নিজৰ বুথত দলীয় প্ৰাৰ্থীৰ জয়যুক্ত কৰাত বলিষ্ঠ ভূমিকা ল’বলৈ কাৰ্যকৰ্তা সকলক আহবান জনায় ৷ লগতে তেওঁ বুথত এশ শতাংশ ‘মন কি বাত’ অনুষ্ঠান ১৮৪ টা বুথত হ’ব লাগিব বুলি কাৰ্যকৰ্তা সকলক কয় ৷ লগতে তেওঁ দলৰ অনুশাসন মানি দলৰ জেষ্ঠ সকলক সন্মান প্ৰদৰ্শনৰ আহবান জনায় ৷ সভাত সমষ্টিৰ কংগ্ৰেছকে ধৰি সমাজকৰ্মী, অৱসৰপ্ৰাপ্ত শিক্ষক সহ মুঠ ২১ গৰাকীয়ে বিজেপি দলত আনুষ্ঠানিক ভাৱে যোগদান কৰে ৷ যোগদান কৰা সকলোকে ৰাজ্যিক সভাপতিয়ে দলীয় গামোচা, টুপী পিন্ধাই দললৈ আদৰণি জনায় আৰু নিৰ্বাচনত নিষ্ঠাৰে দলীয় কাম কৰিবলৈ আহবান জনায় ৷সভাৰ প্ৰাকক্ষণত পেহেলগামত হোৱা নৰসংহাৰত মৃত সকলৰ আত্মাৰ সদ্‌গতিৰ কামনাৰে এক মিনিট মৌন প্ৰাৰ্থনা কৰে ৷ সভাত ৰাজ্যিক সভাপতিৰ প্ৰথম মাজুলী ভ্ৰমণত উৎফুল্লিত হৈ পৰা জিলা বিজেপিৰ তৰফৰ পৰা সম্বৰ্ধনা জনোৱাৰ লগতে দলীয় কৰ্মীৰ তৰফৰ পৰা গামোচা, চেলেঙেৰে সম্বৰ্ধনা জনায় ৷ সভাত মাজুলীক নৱ ৰূপ দিয়া প্ৰাক্তন মুখ্যমন্ত্ৰীক বিপুল ভাৱে আদৰণি জনায়৷  ইয়াৰ পাছত কেন্দ্ৰীয় মন্ত্ৰী সৰ্বানন্দ সোনোৱালে ৰঙাচাহিত অনুষ্ঠিত হোৱা এখন বিশাল নিৰ্বাচনী সভাত  ভাষণ প্ৰদান কৰি কয়, পৃথিৱীৰ বুকুত বৃহত্তম নদী দ্বীপ হিচাপে পৰিচিত মাজুলীৰ ৰাইজে মিলিজুলী মাজুলীৰ উন্নয়নৰ বাবে কাম কৰা দেখা পাই মই অত্যন্ত সুখী হৈছোঁ। কলা সংস্কৃতিৰ প্ৰাণকেন্দ্ৰ , এটকা মহন্তৰ স্থান বিভিন্ন জাতি জন গোষ্ঠী ,অন্যান্য জনগোষ্ঠীৰ মিলি মাজুলীৰ সৌন্দৰ্য বৃদ্ধিৰ কাৰনে যেনেদৰে কাম কৰিছে তাৰ বাবে মাজুলীৰ ৰাইজৰ ওচৰত মই চিৰ কৃতজ্ঞ। ১৯৯৯ চনত মই সংসদ হিচাপে পৰাভূত হৈছিলোঁ যদিও মাজুলীৰ ৰাইজে মোক আঁকোৱালি লৈছিল, ২০১৪ চনত লোক সভা নিৰ্বাচন, ১৯১৬ চনত বিধান সভা নৰ্বাচন, ২০২১ চনত বিধান সভা নিৰ্বাচনত মই জনপ্ৰতিনিধি হিচাপে ৰাইজৰ সেৱা কৰাৰ সুযোগ লাভ কৰিলোঁ । মই মাজুলী বাসীৰ ওচৰত চিৰ কৃতজ্ঞ হৈ আছোঁ ,থাকিম , জীৱনৰ শেষ মুহূৰ্তলৈকে । অসমৰ বিভিন্ন জিলাৰ বিষয়ে বিশ্লেষণ কৰিলে দেখা পাওঁ মাজুলীত হিংসা অপৰাধমূলক কাম কাজ আটাইতকৈ কম হয়। মাজুলীৰ  ৰাইজে এই কামে প্ৰমাণ কৰি দেখুৱাইছে যে মাজুলী   শান্তি প্রিয় ঠাই।।সেই বাবে অসমতে নহয় ,ভাৰততে নহয় বিশ্বৰ বুকুত মাজুলীৰ নাম সদায় আছে আৰু যুগে যুগে থাকিব । এইখন সমাজৰ বিবেক বান নাগৰিকক বুজনি দুটাৰ মোৰ ধৃষ্টতা নাই ।মই কেৱল আহিছো আপোনালোকক প্ৰণাম জনাবলৈ, সেৱা জনাবলৈ, আপোনালোকৰ আশীষ লবলৈ । পঞ্চায়ত ৰাজ ব্যৱস্থাতত মাজুলীত আপোনালোকে সহায় কৰিব লাগিব। পঞ্চায়তৰাজ যি স্থানীয় চৰকাৰ হব সেই নিৰ্বাচিত ৰাইজৰ প্ৰতিনিধিয়ে অতি নিষ্ঠা আৰু সততাৰ ৰাইজৰ সেৱাত আত্মনিয়োগ কৰিব লাগিব। ৰাইজে নিৰ্বাচন কৰা জনা প্ৰতিনিধি সকলে এই কথা লক্ষ্য কৰিব লাগিব। কি ৱাৰ্ড সদশ্য ,কি সভাপতি, কি এ পি , কি  জেদ পি চি হওক সকলোৱে ৰাইজৰ সেৱাক প্ৰাধান্য দিব লাগিব। পূৰ্বৰ কংগ্ৰেছৰ দৰে শাসন চলালে নহব। কংগ্ৰেছ চৰকাৰে ভাৰতীয় সংবিধান দিয়া গোটেই শাসন ব্যৱস্থাটোকেই ভাঙি ছিঙি চুৰমাৰ কৰিলে । ভাৰতৰ  জনপ্ৰিয় প্ৰধানমন্ত্ৰী নৰেন্দ্ৰ মোদীয়ে এই শাসন ব্যৱস্থা পুনৰ নিৰ্মান কৰি  বাপুজিৰ প্ৰকৃত ৰামৰাজ্য প্ৰতিষ্ঠা কৰি  দহ বছৰতে সম্ভৱ কৰি তুলিলে ,ভাৰত চহকী হল, ভাৰত শক্তিশালী হল, ভাৰত বিশ্বৰ  শক্তিশালী অৰ্থনৈতিক দেশ হিচাপে পৰিচয় দিবলৈ সক্ষম হৈছে। কেন্দ্ৰীয় মন্ত্ৰী গৰাকীয়ে  কেৱল উন্নয়নৰ স্বাৰ্থত ভাৰতীয় জনতা পাৰ্টি আৰু মিত্ৰ জোটৰ প্ৰাৰ্থী সকলক জয়ী কৰাবলৈ ৰাইজলৈ আহ্বান জনায় । সভাত বিধায়ক ভুৱন গাম ,জিলা সভাপতি দীপক গোস্বামী, প্ৰাক্তন সংসদ তপন  গগৈ , বিজেপি ৰাজ্যিক  মুখপাত্ৰ লক্ষ্যকোঁৱৰ, মাজুলী অবিচি উন্নয়ন বৰ্ডৰ অধ্যক্ষ পঞ্চায়ত নিৰ্বাচনৰ সহ প্ৰভাৰী সিদ্ধাকু অংকুৰ বৰুৱা, আৰু নিৰ্বাচনত প্ৰতিদ্বন্দিতা কৰা প্ৰাৰ্থী সকল উপস্থিত থাকে ।

The post মাজুলী ত বিজেপিৰ নিৰ্বাচনী প্ৰচাৰ সৰ্বানন্দ সোণোৱাল-দিলীপ শইকীয়াৰ first appeared on নিয়মীয়া বাৰ্তা.

নিয়মীয়া বাৰ্তা ডিজিটেল, ২৬ জুলাই : কাৰ্গিল বিজয় দিৱস উপলক্ষে আজি লাডাখৰ দ্ৰাছৰ কাৰ্গিল যুদ্ধ স্মৃতিসৌধত উপস্থিত হৈ প্ৰধানমন্ত্ৰী নৰেন্দ্ৰ মোদীয়ে ১৯৯৯ চনত ভাৰত-পাকিস্তান যুদ্ধৰ সময়ত দেশ ৰক্ষাৰ বাবে প্ৰাণ আহুতি দিয়া বীৰ জোৱানসকলক শ্ৰদ্ধাঞ্জলি জ্ঞাপন কৰে। ২৫ বছৰ অতিক্ৰম কৰা কাৰ্গিল যুদ্ধৰ ৰূপালী জয়ন্তী বৰ্ষ উদযাপনৰ বাবে বৃহস্পতিবাৰৰ পৰা দ্ৰাছত দুদিনীয়া কাৰ্যসূচীৰ আৰম্ভণি হৈছিল। আজি মোদীৰ উপস্থিতিত দেশপ্ৰেমমূলকভাৱেৰে এই কাৰ্যসূচীৰ সামৰণি পৰে। কাৰ্যসূচীত বৃহৎ সংখ্যক জ্যেষ্ঠ অৱসৰপ্ৰাপ্ত বিষয়া, বীৰত্ব বঁটা বিজয়ী, প্ৰাক্তন সেনাবাহিনী তথা কাৰ্গিল যুদ্ধৰ সময়ত প্ৰাণ আহুতি দিয়া বীৰ জোৱানসকলৰ পৰিয়ালো উপস্থিত থাকে। জোৱান আৰু তেওঁলোকৰ পৰিয়াল আৰু অন্যান্য সন্মানীয় অতিথিসকলক সম্বৰ্ধনা জনোৱাৰ উদ্দেশ্যে এক ‘গুৰ্ডাছ কালচাৰ’অনুষ্ঠানৰ আয়োজন কৰা হয়। এই কাৰ্যসূচীয়ে কেৱল লাডাখৰ নহয়, সকলো ভাৰতীয়ৰ সজীৱ সংস্কৃতি, জাতীয় মনোভাৱ,দেশপ্ৰেম প্ৰতিফলনৰ লগতে জাতিক সংজ্ঞায়িত কৰা ঐক্যৰ কথা সুন্দৰভাৱে প্ৰদৰ্শিত কৰে।

The post লাডাখত কাৰ্গিল বিজয়ৰ ৰূপালী জয়ন্তীত অংশগ্ৰহণ প্ৰধানমন্ত্ৰীৰ first appeared on নিয়মীয়া বাৰ্তা.

🎯 কাছাৰৰ বৰখোলাত জাতিংগা নৈৰ খহনীয়াও পৰিদৰ্শন

নিয়মীয়া বাৰ্তা ডিজিটেল, ২০ জুলাই : বৰাক উপত্যকা ভ্ৰমণত আছে মন্ত্ৰী পীয়ুষ হাজৰীকা। বানে ইতিমধ্যে জুৰুলা কৰিছে বৰাকবাসীক। বানৰ পিছৰ অৱস্থা পৰ্যবেক্ষণৰ বাবে কালি উপস্থিত হোৱাৰ পিছত আজি কাছাৰ জিলাৰ কাটিগড়া সমষ্টিৰ ভাৰত-বাংলাদেশ সীমান্তত উপস্থিত হয় মন্ত্ৰী হাজৰীকা। কিয়নো ভাৰত বাংলা সীমান্ত আছে ৬খন শ্লুইচ গেট। ইয়াত মুঠ ৪০খন শ্বাটাৰ আছে। ইয়াৰে ৩৩খন শ্বাটাৰ কাৰ্যক্ষম হৈ আছে আৰু ৭খন শ্বাটাৰ বাঢ়নী পানীৰ প্ৰভাৱত কাৰিকৰী বিজুতিৰ বাবে কাৰ্যক্ষম হৈ থকা নাই। ব’র্ডাৰ ৰোড অৰ্গেনাইজেশ্যনে নিৰ্মাণ কৰা এই শ্লুইচ গেটকেইখন ২০২২ চনৰ পৰা জলসম্পদ বিভাগে পৰিচালনা কৰি আছে। আজি ইয়াৰে বলেশ্বৰ আৰু ফইস্কাত থকা শ্লুইচ গেট দুখন পৰিদৰ্শন কৰে মন্ত্ৰী হাজৰীকাই। পৰিদৰ্শন কালত স্থানীয় ৰাইজৰ লগতে বিভাগীয় বিষয়াৰ সৈতে গেটকেইখনৰ বিষয়ে আলোচনা কৰে মন্ত্ৰী হাজৰীকাই। সমষ্টিটোত কাৰিকৰী বিজুতিৰ বাবে কাৰ্যক্ষম হৈ নথকা ৭খন শ্বাটাৰ পানী কমাৰ লগে লগে সম্পূৰ্ণ কাৰ্যক্ষম কৰিব বুলি উল্লেখ কৰে মন্ত্ৰী হাজৰীকাই। পৰিদৰ্শন কৰাৰ অন্তত মন্ত্ৰী হাজৰীকাই কয়, এই ৬খন শ্লুইচ গেট নিয়মীয়াকৈ চোৱা-চিতা কৰিবলৈ স্থানীয় ৰাইজৰ মাজত জিলা প্ৰশাসনে ৬খন কমিটী গঠন কৰি দিব। এই কমিটীসমূহে শ্লুইচ গেটসমূহ চোৱা-চিতা কৰি থাকিব আৰু কিবা অসুবিধা, বিজুতি প্ৰত্যক্ষ কৰিলে জলসম্পদ বিভাগৰ সৈতে শীঘ্ৰে যোগাযোগ কৰিব। চোৱা-চিতাৰ কামৰ বাবে কমিটীকেইখনক বিভাগে বাৰ্ষিক ২৫ৰ পৰা ৫০ হাজাৰ টকাকৈ পুঁজি যোগান ধৰিব। কমিটীকেইখন গঠন কৰি দিবলৈ জিলা আয়ুক্তক আজি পৰিদৰ্শন কালতে নিৰ্দেশ দিয়ে মন্ত্ৰী হাজৰীকাই। পৰিদৰ্শন কালত বিধায়ক ক্ৰমে কৌশিক ৰায়, দীপায়ন চক্ৰৱৰ্তী আৰু কমলাক্ষ্য দে’ পুৰকায়স্থ, কাটিগড়াৰ প্ৰাক্তন বিধায়ক অমৰ চান্দ জৈন, জিলা বিজেপিৰ সভাপতি বিমলেন্দু ৰায় উপস্থিত থাকে। ইফালে কাছাৰ জিলাৰ বৰখোলাত জাতিংগা নৈৰ খহনীয়াও পৰিদৰ্শন কৰে মন্ত্ৰীগৰাকীয়ে। নৈখনৰ খহনীয়াই এখন বিদ্যালয়ৰ লগতে কেইটামান ৰাজহুৱা সম্পত্তিৰ প্ৰতি ভাবুকি সৃষ্টি কৰিছে। সেয়ে সেই স্থান পৰিদৰ্শন কৰি পৰিস্থিতিৰ বুজ লয় মন্ত্ৰীগৰাকীয়ে। পৰিদৰ্শন কৰি মন্ত্ৰীগৰাকীয়ে পৰ্যায়ক্ৰমে এই অঞ্চলত খহনীয়া ৰোধৰ বাবে কাম কৰা আৰু সমস্যা সমাধানৰ প্ৰতিশ্ৰুতি দিয়ে। পৰিদৰ্শন কালত বিভাগীয় অভিযন্তাক ২ কিলোমিটাৰ দৈৰ্ঘ্যৰ অংশত খহনীয়া ৰোধৰ কাম কৰিবৰ বাবে প্ৰাককলন সাজু কৰিবলৈ নিৰ্দেশ দিয়ে মন্ত্ৰীগৰাকীয়ে।

The post কাছাৰৰ ভাৰত-বাংলা সীমান্তৰ শ্লুইচ গেট পৰিদৰ্শন মন্ত্ৰী পীয়ুষ হাজৰীকাৰ first appeared on নিয়মীয়া বাৰ্তা.

The post ৰাষ্ট্ৰীয় সাহসিকতাৰ বঁটাপ্ৰাপক মিছামাৰীৰ উত্তম তাঁতীক সম্বৰ্ধনা first appeared on নিয়মীয়া বাৰ্তা.

নিয়মীয়া বাৰ্তা, ২৬ এপ্ৰিলঃ ৰাইজক কভিডত মৰিবলৈ এৰি দি ৰাজ্য চৰকাৰে হাত সাবতি বহি থাকিব লাগে, ৰিপুণ বাহিনীৰ এই দাবীক সমালোচনা মুখ্যমন্ত্ৰী সৰ্বানন্দ সোণোৱালৰ।

বিৰোধীক সমালোচনা কৰি মুখ্যমন্ত্ৰী সোণোৱালে ৰাইজৰ কাম কৰিবলৈ ৰাজ্য চৰকাৰ কেতিয়াও পিছুৱাই নাহে বুলি মন্তব্য কৰে।

মুখ্যমন্ত্ৰীয়ে কয়, “যি বিৰোধীয়ে আজি ক’ভিড-১৯ ৰ পৰিস্থিতিৰ বিৰুদ্ধে যুঁজ দিয়াৰ ক্ষেত্ৰত দৃঢ়তা প্ৰকাশ কৰা নাই, সেই বিৰোধী ৰাজ্যৰ জনসাধাৰণক লৈ চিন্তিত নহয়। নিৰ্বাচন আয়োগে ক’ভিড-১৯ ৰ পৰিস্থিতিৰ বিৰুদ্ধে যুঁজ দিয়াৰ ক্ষেত্ৰত আমাকো দায়িত্ব দিছে। আমি মানৱতাৰ স্বাৰ্থত এই অধিকাৰ আমি প্ৰয়োগ কৰিছো। আজি এই মুহূৰ্তত সকলোকে আহ্বান জনাইছো এই সময়ত মানুহৰ জীৱনক লৈ কোনেও যাতে সস্তিয়া ৰাজনীতি নকৰে।”

The post মানুহৰ জীৱনক লৈ কোনেও যাতে সস্তিয়া ৰাজনীতি নকৰেঃ মুখ্যমন্ত্ৰী সোণোৱাল first appeared on নিয়মীয়া বাৰ্তা.

• তলাবন্ধৰ পৰিস্থিতিলৈ ৰাজ্যখনক লৈ নাযাবঃ মুখ্যমন্ত্রীৰ আহ্বান
• সংক্রমণ ৰোধৰ প্রাৰম্ভিক বাধ্যবাধকতাৰেহে হ’ব নতুন এছঅ’পিঃ স্বাস্থ্যমন্ত্রী

নিয়মীয়া বাৰ্তা, ২০ এপ্ৰিলঃ অসমত ক’ভিডৰ সংক্রমণ অধিক বৃদ্ধি পালে জনতাৰ জীৱনৰ সুৰক্ষাৰ স্বার্থত লকডাউন দিয়াৰ ইংগিত দিছে মুখ্যমন্ত্রী সর্বানন্দ সোণোৱালে৷ সোমবাৰে মুখ্যমন্ত্রীৰ চৰকাৰী বাসভৱনত ৰাজ্যৰ ক’ভিড পৰিস্থিতিৰ ওপৰত হোৱা এক উচ্চস্তৰীয় পর্যালোচনা বৈঠকৰ পিছতেই মুখ্যমন্ত্রী সোণোৱালে সংবাদ মাধ্যমৰ আগত এই ইংগিত দি কয় যে চৰকাৰে তেনে পর্যায়লৈ নোযোৱাটোতেই বিচাৰে৷ এই মুহূর্তলৈ লকডাউন দিবলগীয়া পৰিস্থিতিৰ উদ্ভৱ হোৱা নাই যদিও সংক্রমণৰ সংখ্যা অধিক বৃদ্ধি পালে জনসাধাৰণৰ জীৱনৰ নিৰাপত্তাৰ স্বার্থত তেনে সিদ্ধান্ত ল’বলৈ বাধ্য হ’ব৷ তেনে পৰিৱেশ যাতে সৃষ্টি নহয়, তাৰ বাবে চৰকাৰে দিয়া নীতি–নির্দেশনাসমূহ জনসাধাৰণে পালন কৰি চৰকাৰক সহায় কৰিবলৈ আহ্বান জনায়৷ মুখ্যমন্ত্রী সোণোৱালে সকলোকে সুশৃংখলিতভাৱে ক’ৰোনাৰ বিৰুদ্ধে যুঁজ দিয়াৰ আহ্বান জনায়৷

উল্লেখ্য যে অসমতো ক’ভিডৰ সংক্রমণ ক্রমাৎ বৃদ্ধি পাবলৈ ধৰিছে৷ ক’ভিডৰ সংক্রমণ বৃদ্ধিত উদ্বিগ্ন হৈ পৰিছে ৰাজ্য চৰকাৰ৷ ইয়াৰ পৰিপ্রেক্ষিতত সোমবাৰে মুখ্যমন্ত্রীৰ চৰকাৰী বাসভৱনত স্বাস্থ্যমন্ত্রী ড০ হিমন্ত বিশ্ব শর্মাৰ উপস্থিতিত ৰাজ্যৰ শেহতীয়া ক’ভিডজনিত পৰিস্থিতিৰ ওপৰত বিস্তৃত পর্যালোচনা কৰি পৰিস্থিতিৰ মোকাবিলা কৰাৰ বাবে নতুন কেতবোৰ নীতি–নির্দেশনা প্রস্তুত কৰে৷

ৰাজ্যৰ মুখ্য সচিব আৰু আৰক্ষী সঞ্চালকপ্রধানে আজি এখন সংবাদ মেলযোগে ক’ভিডৰ নতুন এছঅ’পি প্রকাশ কৰিব বুলিও তেওঁ সংবাদ মাধ্যমক জানিবলৈ দিয়ে৷ যোৱাবাৰ ক’ভিডৰ সময়ত জনসাধাৰণে ঐক্যবদ্ধভাৱে যুঁজ দিয়াৰ বাবে সফল হোৱাৰ কথা উল্লেখ কৰি কয় যে এইবাৰ চৰকাৰৰ ফালৰ পৰা যুগুতোৱা নীতি–নির্দেশনা জনসাধাৰণক পালন কৰাৰ আহ্বান জনায়৷ প্রতিগৰাকী নাগৰিকৰ সুস্বাস্থ্য অক্ষুণ্ণ ৰখাটো চৰকাৰৰ দায়িত্ব বুলি উল্লেখ কৰি মুখ্যমন্ত্রী সোণোৱালে আৰু কয় যে এইক্ষেত্রত অৱহেলা কৰিলে নিজৰ লগতে সমাজখনৰো ক্ষতি কৰা হ’ব৷ জনসাধাৰণক মাস্ক পৰিধান কৰাৰ লগতে নির্দিষ্ট সামাজিক দূৰত্ব অক্ষুণ্ণ ৰখা, সঘনাই হাত ধুই পৰিষ্কাৰ–পৰিচ্ছন্ন হৈ থকাৰ লগতে আনকো এইক্ষেত্রত সজাগ–সচেতন কৰি ৰাখিব লাগিব বুলি মুখ্যমন্ত্রী সোণোৱালে মন্তব্য কৰে৷

সেইদৰে স্বাস্থ্যমন্ত্রী ড০ হিমন্ত বিশ্ব শর্মাই ক’ভিডৰ সাম্প্রতিক পৰিস্থিতিক লৈ আজি মুখ্য সচিব আৰু আৰক্ষী সঞ্চালকপ্রধানে সংবাদ মেলযোগে নতুন এছঅ’পি প্রকাশ কৰিব বুলি জানিবলৈ দি কয় যে এই সময়ত সাংবাদিকসকলে জানিব বিচৰা বিভিন্ন প্রশ্নৰ উত্তৰ আজিৰ সংবাদ মেলখনতে লাভ কৰিব৷

মুখ্যমন্ত্রীৰ চৰকাৰী বাসভৱনত অনুষ্ঠিত পর্যালোচনা বৈঠকখনত স্বাস্থ্য বিভাগৰ প্রধান সচিব সমীৰ কুমাৰ সিন্হাই এক পাৱাৰ পইণ্ট প্রেজেণ্টেচনযোগে ৰাজ্যখনত ক’ভিডৰ সংক্রমণৰ শেহতীয়া স্থিতি আৰু ইয়াৰ সৈতে মোকাবিলাৰ বাবে বিভাগটোৱে গ্রহণ কৰা ব্যৱস্থাৱলী সম্পর্কত অৱগত কৰে৷ বিগত কেইটামান দিনত ৰাজ্যত ক’ভিড পৰীক্ষাৰ সংখ্যা দ্রুতহাৰত বৃদ্ধি কৰাৰ ফলত আক্রান্ত লোকৰ হাৰো বৃদ্ধি পোৱাৰ দিশলৈ আঙুলিয়াই প্রতিখন জিলাতে ক’ভিড ৰোগীৰ বাবে পর্যাপ্ত বিছনা উপলব্ধ কৰি ৰখাৰ বিষয়ে উল্লেখ কৰে৷

ৰেমডিচিভিকে ধৰি সকলো ধৰণৰ অত্যাৱশ্যকীয় ঔষধ, ক’ভিড ভেকচিন, অক্সিজেন চিলিণ্ডাৰ আদিও মজুত আছে বুলি অৱগত কৰে৷ সেইদৰে অসম ৰাজ্যিক দুর্যোগ ব্যৱস্থাপনা প্রাধিকৰণৰ মুখ্য কার্যবাহী বিষয়া জি ডি ত্রিপাঠীয়েও দুর্যোগ ব্যৱস্থাপনা বিভাগে গ্রহণ কৰা ব্যৱস্থাৱলী সম্পর্কে অৱগত কৰাৰ লগতে ১০০গৰাকীতকৈ অধিকসংখ্যক ক’ভিড ৰোগী থকা জিলাসমূহত জনসমাগম ৰোধৰ ক্ষেত্রত কেতবোৰ সুকীয়া বাধা নিষেধ আৰোপ কৰাৰ প্রয়োজনীয়তাৰ কথা দোহাৰে৷ বৈঠকখনত মুখ্যমন্ত্রী সোণোৱালে ক’ৰোনাৰ শেহতীয়া সংক্রমণৰ বিৰুদ্ধে যুঁজ দিয়াৰ বাবে প্রতিখন জিলাতে সকলো দিশৰ পৰা সষ্টম কৰি তুলিবলৈ মুখ্য সচিবক নির্দেশ দিয়ে৷

বিমানবন্দৰ, ৰে’ল ষ্টেচনসমূহৰ লগতে বাছ, ট্রাক টার্মিনাছসমূহতো ক’ভিড পৰীক্ষাৰ সংখ্যা বৃদ্ধি কৰি তুলিবলৈ নির্দেশ দিয়ে৷ সেইদৰে শ্রীৰামপুৰ আৰু ছাগলীয়াত আন্তঃৰাজ্যিক সীমান্ততো বহিঃৰাজ্যৰ পৰা অহা বাহনসমূহৰ চালক–কর্মচাৰীসক বাধ্যতামূলক ক’ভিড পৰীক্ষা ব্যৱস্থা গ্রহণ কৰিবলৈ নির্দেশ দিয়ে৷

ইয়াৰ পিছতে স্বাস্থ্যমন্ত্রী ড০ হিমন্ত বিশ্ব শর্মাই দিছপুৰ সচিবালয়ত স্বাস্থ্য বিভাগৰ শীর্ষ বিষয়াবর্গ আৰু প্রশাসনৰ সৈতে আন এক উচ্চস্তৰীয় বৈঠকত মিলিত হৈ কাইলৈ জাৰি হ’বলগীয়া এছ’পি সন্দর্ভত আলোচনা কৰে৷ মন্ত্রী ড০ শর্মাই এই সন্দর্ভত সংবাদ মাধ্যমক জানিবলৈ দিয়া মতে কাইলৈ জাৰি হ’বলগীয়া এছঅ’পিখনে ক’ৰোনা সংক্রমণ ৰোধৰ প্রাৰম্ভিক বাধ্যবাধকতাসমূহে সামৰি ল’ব৷ বহিঃৰাজ্যৰ পৰা অহা লোকৰ ক’ভিড টেষ্ট বাধ্যতামূলক কৰা হ’ব৷

অৱশ্যে, আজিৰ এছঅ’পিত নৈশ সান্ধ্য আইন বা লকডাউনৰ কোনো নির্দেশ নাথাকে বুলি তেওঁ স্পষ্ট কৰি দিয়ে৷ দিল্লী–মুম্বাইত লকডাউন ঘোষণাৰ পাছত অসমলৈ অহা বিমানযাত্রীৰ সংখ্যা হ্রাস পোৱা বুলি উল্লেখ কৰি অহা এটা সপ্তাহৰ ভিতৰত বহিঃৰাজ্যৰ পৰা অহা লোকৰ সংখ্যা দ্রুতগতিত হ্রাস পাব বুলি কয়৷

আনহাতে, ৰাজ্য চৰকাৰৰ এক সূত্রৰ পৰা জানিব পৰা মতে ক’ভিড সংক্রমণ ৰোধৰ বাবে ৰাজহুৱা স্থানত জনসমাগম হ্রাসৰ ওপৰত চৰকাৰে গুৰুত্ব আৰোপ কৰিছে৷ সেই অনুসৰি চৰকাৰী–বেচৰকাৰী কার্যালয়ত কর্মচাৰীৰ উপস্থিতি হ্রাস কৰাৰ বিষয়ে সক্রিয়ভাৱে চিন্তা–চর্চা কৰি আছে৷ সেইদৰে ক’ভিড ভেকচিন প্রদান আৰু ক’ভিড পৰীক্ষা ব্যাপক কৰাৰ ওপৰতো চৰকাৰে গুৰুত্ব দিছে৷

The post অসমত ক’ভিডৰ দ্রুত সংক্রমণক লৈ উদ্বিগ্ন ৰাজ্য চৰকাৰঃ আজিৰ পৰা ৰাজ্যত ক’ভিডৰ নতুন প্রট’কল first appeared on নিয়মীয়া বাৰ্তা.

নিয়মীয়া বাৰ্তা, ১ ডিচেম্বৰঃ মহিলা সবলীকৰণকে ধৰি দৰিদ্র পৰিয়ালসমূহক আর্থিক সকাহ দিয়াৰ উদ্দেশ্যে বর্তমান ৰাজ্য চৰকাৰখনে গ্রহণ কৰা স্বৰাজোত্তৰ অসমৰ বৃহত্তম আঁচনি অৰুণোদয় কাইলৈ আনুষ্ঠানিকভাৱে আৰম্ভ হ’ব৷ কামৰূপ জিলাৰ আমিনগাঁৱৰ পেৰেড গ্রাউণ্ডত মুখ্যমন্ত্রী সর্বানন্দ সোণোৱালে আজি আনুষ্ঠানিকভাৱে এই আঁচনিখনৰ শুভাৰম্ভ কৰিব৷

সোমবাৰে জনতা ভৱনত আয়োজিত এখন সংবাদ মেলত বিত্তমন্ত্রী ড০ হিমন্ত বিশ্ব শর্মাই কয় যে বি টি এ ডিৰ চাৰিখন জিলাক বাদ দি ৰাজ্যখনত ২৯খন জিলাত আজিৰ পৰা আঁচনিখনৰ শুভাৰম্ভ হ’ব৷ ডিবিটি ব্যৱস্থাৰে পোনপটীয়াকৈ আজিৰ পৰা অসমত ১৮.২০ লাখ পৰিয়ালে প্রতিমাহে ৮৩০ টকাকৈ বেংক একাউণ্টযোগে লাভ কৰিব৷ বিটিচি নির্বাচনৰ পৰিপ্রেক্ষিতত প্রযোজ্য হৈ থকা নির্বাচনী আচৰণ বিধিৰ বাবে বি টি এ ডিৰ চাৰিখন জিলাৰ হিতাধিকাৰীসকলে সদ্যহতে এই আঁচনিৰ ধন লাভ নকৰিব৷ বিটিচি নির্বাচনৰ পাছতেই আঁচনিখনৰ হিতাধিকাৰী পৰিয়ালৰ সংখ্যা ২২ লাখলৈ বৃদ্ধি পাব৷ আজিৰ পৰা ৬ ডিচেম্বৰৰ ভিতৰত হিতাধিকাৰীসকলে তেওঁলোকৰ একাউণ্টত নৱেম্বৰ মাহৰ ধন লাভ কৰিব৷ ডিচেম্বৰ মাহৰ ধন হিতাধিকাৰীসকলে ২৬ ডিচেম্বৰৰ পৰা ৩১ ডিচেম্বৰৰ ভিতৰত নিজ একাউণ্টত লাভ কৰিব৷ জানুৱাৰীৰ ধন ২৬ জানুৱাৰীৰ পৰা ৩১ জানুৱাৰীৰ ভিতৰত, ফেব্রুৱাৰীৰ ধন ২২ৰ পৰা ২৮ ফেব্রুৱাৰীৰ ভিতৰত আৰু মার্চৰ ধন ২৬ৰ পৰা ৩১ মার্চৰ ভিতৰত লাভ কৰিব৷ কাইলৈ কামৰূপ মেট্র’ আৰু কামৰূপ জিলাৰ হিতাধিকাৰীক একাউণ্টযোগে ধন দিয়াৰ ব্যৱস্থা আৰম্ভ হ’ব৷

অহা ২ ডিচেম্বৰত দক্ষিণ শালমাৰা, ধুবুৰী, গোৱালপাৰা, বঙাইগাঁও, বৰপেটা, নলবাৰী, দৰং, মৰিগাঁও আৰু নগাঁও জিলাৰ হিতাধিকাৰীৰ একাউণ্টত ধন আদায় দিয়া হ’ব৷ অহা ৩ ডিচেম্বৰত কার্বি আংলং, হোজাই, পশ্চিম কার্বি আংলং, ডিমা হাছাও, কাছাৰ, কৰিমগঞ্জ, হাইলাকান্দি, শোণিতপুৰ আৰু বিশ্বনাথ জিলাৰ হিতাধিকাৰীক একাউণ্টযোগে ধন যোগান ধৰা হ’ব৷ অহা ৪ ডিচেম্বৰত তিনিচুকীয়া, ডিব্রুগড়, চৰাইদেউ, মাজুলী, লখিমপুৰ, ধেমাজি, শিৱসাগৰ, গোলাঘাট আৰু যোৰহাট জিলাৰ হিতাধিকাৰীক একাউণ্টযোগে ধন আদায় দিয়া হ’ব৷

উক্ত নির্দিষ্ট দিনৰ পৰা চাৰি দিনৰ ভিতৰত প্রতিখন জিলাৰ হিতাধিকাৰীসকলে নৱেম্বৰ মাহৰ ধন লাভ কৰিব৷ বি টি এ ডিৰ জিলাকেইখনক বাদ দি বর্তমান এই আঁচনি ৰূপায়ণৰ বাবে মাহে ১৮০ কোটি টকা ব্যয় হ’ব৷ বছৰি আঁচনিখন ৰূপায়ণৰ বাবে চৰকাৰৰ ২,৮০০ কোটি টকা ব্যয় হ’ব৷ যোৱা ছেপ্টেম্বৰ মাহৰ পৰা আঢ়ৈ মাহৰ ভিতৰত বিশেষ কোনো হুলস্থূল নোহোৱাকৈ হিতাধিকাৰী বাছনি কৰাৰ কথা উল্লেখ কৰি মন্ত্রী ড০ শর্মাই কয় যে বিধৱা, অবিবাহিত মহিলা, দিব্যাংগ, বিশেষ কোনো পৰিস্থিতিত স্বামীৰ পৰা বিতাড়িত হৈ পিতৃগৃহলৈ উভতি অহা মহিলা থকা পৰিয়ালক প্রাধান্য দি এই আঁচনিখন গ্রহণ কৰা হৈছে৷

বিগত দিনত সেইসকল লোক পৰিয়ালৰ বাবে বোজাত পৰিণত হৈছিল যদিও আজিৰ পৰা তেওঁলোক সম্পদলৈ ৰূপান্তৰিত হ’ব৷ অৱশ্যে যিসকলে পৰিয়ালত চাৰিচকীয়া বাহন, ট্রেক্টৰ, টিভি, ফ্রীজ আদি আছে, সেইসকল পৰিয়াল এই আঁচনিৰ হিতাধিকাৰী হোৱাৰ অযোগ্য৷ যদি তেনে ধৰণৰ কোনো ব্যক্তি এই আঁচনিত অন্তর্ভুক্ত হৈছে, তেতিয়াহ’লে তেওঁলোকক স্বেচ্ছাই নিজৰ নাম আঁচনিৰ পৰা কর্তন কৰিবলৈ তেওঁ আহ্বান জনায়৷ এই সম্পর্কত তেওঁ কয় যে কোনো চৰকাৰী চাকৰিয়াল বা পেন্সনাৰে এই আঁচনিৰ সুবিধা ল’লে পৰৱর্তী দিনত তেওঁলোকৰ দৰমহা, পেন্সনৰ পৰা এই ধন কর্তন কৰা হ’ব৷

তদুপৰি অযোগ্য হিতাধিকাৰীয়ে আঁচনিখনৰ পৰা যাতে সুবিধা ল’ব নোৱাৰে, তাৰ প্রতি লক্ষ্য ৰাখি চৰকাৰে হিতাধিকাৰীৰ পৰিয়ালৰ ঘৰৰ সন্মুখত ‘অৰুণোদয় পৰিয়াল’ শীর্ষক ছাইন বোর্ড এখন অনাগত দিনত সংযোজন কৰিব৷ একেদৰে প্রতি বছৰে অৰুণোদয় মাহ অনুষ্ঠিত কৰি হিতাধিকাৰী পৰিয়াল যোগ্য হৈ আছে নে নাই, সেয়া পৰীক্ষা কৰি অযোগ্য হিতাধিকাৰীৰ নাম কর্তন কৰি সেই স্থানত যোগ্য পৰিয়ালক অন্তর্ভুক্ত কৰা হ’ব৷ তেওঁ আৰু জানিবলৈ দিয়া মতে, অহা বছৰ এই আঁচনিত আৰু ৮ লাখ পৰিয়াল অন্তর্ভুক্ত কৰিবৰ চেষ্টা কৰা হ’ব৷ তেতিয়া এই আঁচনিৰ পৰা বঞ্চিত কোনো পৰিয়াল নাথাকিব৷ অহাবাৰ বাজেটত আঁচনিখনৰ হিতাধিকাৰীৰ সংখ্যা বৃদ্ধি কৰাৰ লগতে পুঁজিও বৃদ্ধি কৰাৰ চিন্তা–চর্চা কৰা হৈছে বুলি তেওঁ জানিবলৈ দিয়ে৷ হিতাধিকাৰী বাছনিৰ প্রসংগত তেওঁ কয় যে যিবোৰ বিধানসভা সমষ্টিত ভোটাৰৰ সংখ্যা ডেৰ লাখৰ পৰা দুই লাখ, সেইবোৰ সমষ্টিত ১৬ হাজাৰ হিতাধিকাৰীক এই সুবিধা প্রদান কৰা হৈছে৷ ২ লাখৰ পৰা আঢ়ৈ লাখ ভোটাৰ থকা সমষ্টিত ১৭ হাজাৰ হিতাধিকাৰী, আঢ়ৈ লাখৰ পৰা ৩ লাখ ভোটাৰ থকা সমষ্টিত ১৮ হাজাৰ হিতাধিকাৰী আৰু ৩ লাখৰ পৰা ৪ লাখ ভোটাৰ থকা সমষ্টিত ১৯ হাজাৰ হিতাধিকাৰী নির্বাচন কৰা হৈছে৷ ৰাজ্যখনৰ ৮০টা বিধানসভা সমষ্টিত ১৬ হাজাৰকৈ হিতাধিকাৰী নির্বাচিত কৰা হৈছে৷

The post আজিৰে পৰা আৰম্ভ অৰুণোদয় আঁচনি first appeared on নিয়মীয়া বাৰ্তা.

নিয়মীয়া বার্তা, ১৮ নৱেম্বৰঃ আজি মুকলি হ’ল ডিব্ৰুগড়-তিনিচুকীয়া সংযোগী বাইপাছ। এই বাইপাছটো মুকলি কৰে মুখ্যমন্ত্ৰী সৰ্বানন্দ সোণোৱালে।

৯৭ কোটি টকা ব্যয়েৰে লেপেটকটাৰ পৰা মোহনবাৰীলৈ নিৰ্মাণ কৰা হৈছে ১৫ কিলোমিটাৰজোৰা এই বাইপাছটো।

আপুনি পঢ়ি ভাল পাব পাৰেঃ মার্কিন ৰাষ্ট্রপতি হিচাপে কি কি সুবিধা পাব জ’ বাইডেনে, জানেনে?

ইফালে এই বাইপাছ মুকলি হোৱাৰ লগেলগে ডিব্ৰুগড় চহৰৰ যানজঁটৰ সমস্যা হ্ৰাস পাব।
আনহাতে এতিয়াৰে পৰা তিনিচুকীয়ালৈ যোৱা বাহনসমূহে ডিব্ৰুগড় চহৰত প্ৰৱেশ নকৰাকৈ এই বাইপাছেৰে যাব পাৰিব।

The post মুকলি হ’ল ডিব্ৰুগড়-তিনিচুকীয়া সংযোগী বাইপাছ first appeared on নিয়মীয়া বাৰ্তা.

নিয়মীয়া বাৰ্তা ১ অক্টোবৰঃ আজি ৭০ সংখ্যক ‘অসম আৰক্ষী দিৱস’ উপলক্ষে মুখ্যমন্ত্ৰী সৰ্বানন্দ সোণোৱালে গুৱাহাটীৰ চতুৰ্থ অসম আৰক্ষী বেটেলিয়ন গ্ৰাউণ্ডত আয়োজিত অনুষ্ঠানত অংশগ্ৰহণ কৰে। তেখেতে পেৰেড পৰিদৰ্শন কৰাৰ লগতে গাৰ্ড অৱ অ’নাৰ গ্ৰহণ কৰে।

কৰ্তব্যৰত অৱস্থাত প্ৰাণ আহুতি দিয়া অসম আৰক্ষীৰ শ্বহীদসকলৰ প্ৰতি মুখ্যমন্ত্ৰীয়ে আজি শ্ৰদ্ধাঞ্জলি জনায় । লগতে এই অনুষ্ঠানতে ‘New Dimension in Policing: The Case of Assam Police as Frontline anti-COVID Workers’ শীৰ্ষক এখন গ্ৰন্থ মুকলি কৰে।

CM Shri @sarbanandsonwal witnessed an exhibition of firearms and latest technologies deployed by @assampolice personnel in their operations, on the sidelines of #AssamPoliceDay celebrations in Guwahati. pic.twitter.com/UEMyYbk7ev

— Chief Minister Assam (@CMOfficeAssam) October 1, 2020

 আনহাতে ‘অসম আৰক্ষী দিৱস’ৰ সৈতে সংগতি ৰাখি মুখ্যমন্ত্ৰী সোণোৱালে আজি কেইবাটাও গুৰুত্বপূৰ্ণ ঘোষণা কৰে। এই ঘোষণাসমূহ হৈছে-

• সংকটৰ সময়ত আগবঢ়োৱা ৰাজহুৱা সেৱাৰ বাবে আৰক্ষীক ‘Chief Minister’s Special Services medal for Outstanding Services in a Crisis Situation’ প্ৰদান কৰা হ’ব
• ক’ভিড-১৯ৰ দৰে দুৰ্যোগপূৰ্ণ সময়ত উল্লেখযোগ্য সেৱা আগবঢ়োৱা আৰক্ষীসকলক সন্মানিত কৰিবলৈ ‘State Disaster Response Medal’ (SDRM) প্ৰৱৰ্তন কৰা হ’ব
• অসম আৰক্ষীৰ বিষয়া-কৰ্মচাৰীসকলৰ বাবে বাৰ্ষিক স্বাস্থ্য পৰীক্ষাৰ ব্যৱস্থা প্ৰৱৰ্তন কৰা হ’ব। লগতে, ৪০ বছৰৰ ঊৰ্ধৰ আৰক্ষীসকলৰ নিৰ্দিষ্ট সময়সীমাৰ মূৰে মূৰে স্বাস্থ্য পৰীক্ষা কৰোৱা হ’ব
• অসম আৰক্ষীৰ লগতে সহযোগীসকলৰ বাবে ৰেচনৰ ধন ১,২০০ টকাৰপৰা ২,০০০ টকালৈ বৃদ্ধি
• ‘এক পদ, এক নম্বৰ’ৰ ব্যৱস্থা ঘোষণা। ইয়াৰ অধীনত এটা স্থায়ী ফোন নম্বৰ নিম্ন পৰ্যায়ৰপৰা উচ্চ পৰ্যায়লৈ, সকলোৰে ক্ষেত্ৰত প্ৰযোজ্য হ’ব
• শিশু সম্পৰ্কীয় গোচৰ সুচাৰুৰূপে সমাধান কৰাৰ ক্ষেত্ৰত আৰক্ষীক কাৰিকৰী সহযোগিতা আগবঢ়োৱাৰ বাবে ‘অসম শিশু মিত্ৰ সমল কেন্দ্ৰ’ৰ শুভাৰম্ভণি

তদুপৰি, চাইবাৰ ক্ৰাইম ৰোধ কৰাৰ দিশত অসমজুৰি বিশেষকৈ যুৱপ্ৰজন্মৰ মাজত সজাগতা সৃষ্টি কৰাৰ বাবে মুখ্যমন্ত্ৰীয়ে ‘চাইবাৰ সুৰক্ষা মাহ’ (#CyberSafetyMonth)ৰো শুভাৰম্ভ কৰে।

The post ‘অসম আৰক্ষী দিৱস’ত আৰক্ষীৰ বাবে মুখ্যমন্ত্ৰীৰ বিশেষ আঁচনি ঘোষণা first appeared on নিয়মীয়া বাৰ্তা.

নিয়মীয়া বাৰ্তা, ৭ আগষ্টঃ অসমীয়া সমাজ জীৱনৰ অন্যতম পুৰোধা ব্যক্তি তথা বৃহত্তৰ অসমত নৱ-বৈষ্ণৱ ধৰ্মৰ প্ৰৱৰ্তক মহাপুৰুষ শ্ৰী শ্ৰী মাধৱদেৱৰ আজি তিৰোভাৱ তিথি।

ভক্তপ্ৰাণ ৰাইজে ক’ভিড প্ৰট’কল মানি ৰাজ্যজুৰি পালন কৰিছে গুৰুজনাৰ এই তিৰোভাৱ তিথি।

গুৰুজনাৰ তিৰোভাৱ তিথি উপলক্ষে ৰাজ্যৰ প্ৰতিখন সত্ৰ, নামঘৰ হৰিনামৰ ধ্বনিৰে মুখৰিত হৈ পৰিছে। হৰিনামৰ অমিয়াৰসত বুৰ গৈছে ৰাজ্যবাসী।

গুৰুজনাৰ তিৰুভাৱ তিথি উপলক্ষে মুখ্যমন্ত্ৰী সৰ্বানন্দ সোণোৱালে টুইটযোগে মহাপুৰুষজনাক স্মৰণ কৰে।

মহাপুৰুষ শ্ৰীশ্ৰী মাধৱদেৱে নৱবৈষ্ণৱ ধাৰাটোক নতুন মাত্ৰা প্ৰদান কৰিছিল। নামঘোষা, ভক্তি ৰত্নাৱলী, বৰগীতৰ দৰে অম্লান সৃষ্টিৰে তেৰাই সমৃদ্ধ কৰি থৈ গৈছে অসমৰ আধ্যাত্মিক আৰু সাংস্কৃতিক ভঁৰাল। গুৰুজনাৰ মহান আদৰ্শ আৰু ভক্তি দৰ্শনে অসমীয়া জাতিক যুগে যুগে উদ্বুদ্ধ কৰি যাব।#MadhabdevTithi pic.twitter.com/lpBeYRg1W7

— Sarbananda Sonowal (@sarbanandsonwal) September 7, 2020

The post আজি মাধৱদেৱৰ তিৰোভাৱ তিথি first appeared on নিয়মীয়া বাৰ্তা.