বিশেষ বাৰ্তা, ২৪ জুনঃ ম্যানমাৰৰ পৰা সীমান্ত অতিক্রম কৰি প্রতিদিনে ভাৰতত প্রৱেশ কৰে প্রায় ৫০০ শিক্ষার্থী৷ দিনটো ভাৰতত থাকি পুনৰ ম্যানমাৰলৈ উভতি যায় এই শিক্ষার্থীসকল৷ ২০১৮ চনত ভাৰত আৰু ম্যানমাৰৰ মাজত স্বাক্ষৰ হোৱা ‘ফ্রী মুভমেণ্ট’ চুক্তি অনুসৰি দুই দেশৰ সীমান্ত অঞ্চলত বসবাস কৰা বাসিন্দাসকলে কোনো ভিছা অবিহনে আন্তর্জাতিক সীমান্ত অতিক্রম কৰিবলৈ সক্ষম হৈছে৷ এই চুক্তি অনুসৰি উভয় দেশৰ সীমান্ত অঞ্চলৰ বাসিন্দাসকলে সীমান্তৰ পৰা ১৬ কিলোমিটাৰ ভিতৰপর্যন্ত অবাধে যাতায়াত কৰিব পাৰে৷ এয়া দুয়োখন দেশৰ মৈত্রীৰ চুক্তিৰ সুফল হিচাপে চিহ্ণিত হৈছে৷ যেনেদৰে ভাৰতৰ মিজোৰামলৈ ম্যানমাৰৰ শিক্ষার্থীসকল অধ্যয়নৰ বাবে আহে, সেইদৰে ভাৰতৰ সীমান্ত অঞ্চলৰ লোকেও ম্যানমাৰত অবাধে যাতায়াত কৰি আহিছে৷