ডিজিটেল ডেস্ক, ৪ জুলাই : মহানগৰীত এইবাৰ গৰজি উঠিল আৰক্ষীৰ বন্দুক ৷ শনিবাৰে পুৱতি নিশা আৰক্ষীৰ বেষ্টনীৰ পৰা পলায়ন কৰিবলৈ লওঁতে মহানগৰ আৰক্ষীৰ এনকাউণ্টাৰত আহত হয় জালনোট সৰবৰাহকাৰী অজয় বিশ্বকৰ্মা। এনকাউণ্টাৰৰ সময়ত তেওঁৰ সোঁ ভৰিত গুলীৰ আঘাত লাগে। ঘটনাৰ পিছতে আৰক্ষীয়ে তেওঁক গুৱাহাটী চিকিৎসা মহাবিদ্যালয় আৰু হাস্পতাললৈ (জিএমচিএইচ)ত ভৰ্তি কৰায়। বৰ্তমান তেওঁ চিকিৎসাধীন হৈ আছে।

উল্লেখ্য যে বুধবাৰে নিশা গুৱাহাটী মহানগৰীত দিছপুৰ আৰক্ষীয়ে জালনোটসহ দেৱজিৎ দেউৰী আৰু অজয় বিশ্বকৰ্মা নামৰ দুই সৰবৰাহকাৰীক গ্ৰেপ্তাৰ কৰিবলৈ সক্ষম হৈছিল। আৰক্ষীয়ে অভিযানৰ সময়ত AS-01 PC-8433 নম্বৰৰ এখন ছুইফ্ট ডিজায়াৰ বাহনৰ পৰা উদ্ধাৰ কৰিছিল ২ লাখ ৫৬ হাজাৰ টকাৰ জালনোট । উল্লেখ্য যে শেহতীয়াকৈ মহানগৰ আৰক্ষীয়ে গুৱাহাটীৰ ভিন্ন স্থানত অভিযান চলাই বৃহৎ পৰিমাণৰ জালনোট জব্দ কৰিবলৈ সক্ষম হৈছে।

উল্লেখ্য যে আৰক্ষীয়ে দেৱজিৎ দেউৰী আৰু অজয় বিশ্বকৰ্মাক গ্ৰেপ্তাৰ কৰাৰ পিছত তদন্ত অব্যাহত থকাৰ মাজতে আৰক্ষীৰ জেৰাত অজয় বিশ্বকৰ্মাই এক চাঞ্চল্যকৰ স্বীকাৰোক্তি দিয়ে। তেওঁৰ দাবী অনুসৰি, গুৱাহাটী মহানগৰীত ইতিমধ্যে এশ কোটি টকাৰো অধিক জালনোট সিচঁৰতি হৈ আছে।

সমগ্ৰ ঘটনাটোক কেন্দ্ৰ কৰি আৰক্ষীয়ে জালনোট সৰবৰাহকাৰী চক্ৰৰ বিৰুদ্ধে তদন্ত অধিক তীব্ৰ কৰি তুলিছে। এই চক্ৰৰ সৈতে জড়িত আন লোকৰ সন্ধানতো অভিযান অব্যাহত আছে।

The post আৰক্ষীৰ এনকাউণ্টাৰত আহত জালনোট সৰবৰাহকাৰী অজয় বিশ্বকৰ্মা first appeared on নিয়মীয়া বাৰ্তা.

🔹 নিশা মহানগৰীৰ ৰুক্মিণীগাঁৱত এক ভয়ংকৰ দুৰ্ঘটনা সংঘটিত হয়।

🔹 ৰুক্মিণীগাঁৱৰ উৰণ সেতুৰ ওপৰত সংঘটিত হয় এই দুৰ্ঘটনা।

🔹 ৰৈ থকা এখন GMCৰ বাহনত খুন্দা এগৰাকী বাইক আৰোহীৰ।

🔹 থিতাতে নিহত হয় বাইক আৰোহীজন।

🔹 মৃত যুৱকজন ২৬ বছৰীয়া দিব্যাংশু আগৰৱাল।

🔹 দুৰ্ঘটনাগ্ৰস্ত বাহনখনৰ নম্বৰ AS-01-GT8200

ডিজিটেল ডেস্ক, ৪ জুলাই :

The post নিশা মহানগৰীৰ ৰুক্মিণীগাঁৱত ভয়ংকৰ দুৰ্ঘটনাত থিতাতে নিহত যুৱক first appeared on নিয়মীয়া বাৰ্তা.

• ডিমৰীয়াৰ ভৰাগাঁৱৰ NH27ত ভয়ংকৰ পথ দুৰ্ঘটনা, প্ৰাণ গ’ল এজনৰ
• তীব্ৰবেগী কন্টেইনাৰ বাহনে একে দিশেৰে গৈ থকা ট্ৰাকত মাৰে প্ৰচণ্ড খুন্দা
• ফলত ট্ৰাকখন উফৰি গৈ খুন্দিয়াই বিপৰীত দিশেৰে আহি থকা এখন ছুইফট ডিজায়াৰ বাহনত
• দুৰ্ঘটনাত ট্ৰাকখনত থকা এজন লোক থিতাতে নিহত হয়
• গুৰুতৰভাৱে আঘাতপ্ৰাপ্ত হয় কণ্টেইনাৰ বাহনৰ চালকজন
• কিছু পৰিমানে আঘাতপ্ৰাপ্ত হয় ছুইফট ডিজায়াৰ বাহনত আন এগৰাকী লোক
• এতিয়াও উদ্ধাৰ হোৱা নাই নিহত লোকগৰাকীৰ পৰিচয়।

ডিজিটেল ডেস্ক, ৩ জুলাই

The post ডিমৰীয়াত ভয়ংকৰ পথ দুৰ্ঘটনা, এজনৰ প্ৰাণহানি first appeared on নিয়মীয়া বাৰ্তা.

অসমীয়া চলচ্চিত্ৰপ্ৰেমীৰ বহু প্ৰতীক্ষিত ছবি ‘ককাদেউতা নাতি আৰু হাতী-২’ৰ কালি নিশা গুৱাহাটীৰ পিভিআৰত প্ৰিমিয়াৰ অনুষ্ঠিত হয়। প্ৰিমিয়াৰ অনুষ্ঠানত দৰ্শকৰ পৰা লাভ কৰিলে বিপুল সঁহাৰি। প্ৰিমিয়াৰ উপভোগ কৰাৰ পিছত শিল্পী, কলা-কুশলী, সমালোচক আৰু দৰ্শকে একমুখে ছবিখনৰ উচ্চ প্ৰশংসা কৰে।

ছবিখনৰ সৈতে জড়িত শিল্পীসকলে কয় যে ‘ককাদেউতা নাতি আৰু হাতী’ৰ সৈতে অসমীয়া ৰাইজৰ এক বিশেষ আৱেগ জড়িত হৈ আছে আৰু সেই আৱেগক অক্ষুণ্ণ ৰাখিবলৈ এই ছবিখনত আন্তৰিকতাৰে কাম কৰা হৈছে।

প্ৰখ্যাত ছাউণ্ড ইঞ্জিনীয়াৰ অমৃত প্ৰীতমে কয়, “ছবিখনক লৈ আমি যথেষ্ট আশাবাদী। সকলো শ্ৰেণীৰ দৰ্শকে ছবিখন উপভোগ কৰিব। ছবিখনৰ সৈতে জড়িত হ’বলৈ পাই আনন্দিত।” তেওঁ লগতে সকলোকে ৩ জুলাইৰ পৰা ছবিগৃহত গৈ ছবিখন চাবলৈ আহ্বান জনায়।

বিশিষ্ট অভিনেতা তথা ছবিখনৰ অন্যতম চৰিত্ৰ প্ৰাঞ্জল শইকীয়াই মন্তব্য কৰে, “অসমক ভাল পোৱা আৰু অসমীয়া ছবি ভাল পোৱা সকলো মানুহে এখন উৎকৃষ্ট ছবি উপভোগ কৰিবলৈ পাব। সকলো দিশৰ পৰাই ছবিখন উচ্চমানৰ হৈছে।”

সঞ্জীৱ নাৰায়ণে ছবিখনৰ সকলো শিল্পীৰ অভিনয়ৰ ভূয়সী প্ৰশংসা কৰি কয়, “প্ৰত্যেকৰে অভিনয় সাংঘাতিক হৈছে।”

প্ৰিমিয়াৰত উপস্থিত বহু শিল্পী আৰু দৰ্শকে কয় যে ছবিখনৰ প্ৰতিটো গীত, কাহিনী, অভিনয় আৰু উপস্থাপন অত্যন্ত মনোগ্ৰাহী। বহুতে মত প্ৰকাশ কৰে যে ছবিখনে একাধিক সুন্দৰ সামাজিক বাৰ্তা বহন কৰিছে আৰু এবাৰ চোৱাৰ পিছত পুনৰ চাবলৈ মন যাব।

জ্যেষ্ঠ সাংবাদিক অতনু ভূঞাই কয়, “‘ককাদেউতা নাতি আৰু হাতী’ৰ সৈতে অসমীয়া ৰাইজৰ আৱেগ জড়িত। ‘ককাদেউতা নাতি আৰু হাতী-২’তো সেই আৱেগ অক্ষুণ্ণ ৰাখিবলৈ চেষ্টা কৰিছে।”

ইফালে ছবিখনৰ সৈতে জড়িত শিল্পীসকলে জনায় যে পাঁচটা প্ৰজন্মৰ শিল্পীয়ে একেলগে অভিনয় কৰা এই ছবিখন অসমীয়া চলচ্চিত্ৰৰ বাবে এক বিশেষ সংযোজন। তেওঁলোকে লগতে অসমীয়া চলচ্চিত্ৰ উদ্যোগক শক্তিশালী কৰিবলৈ সকলোকে ছবিগৃহলৈ আহি স্থানীয় ছবি চাবলৈ আহ্বান জনায়।

উল্লেখ্য যে ৩ জুলাইৰ পৰা ৰাজ্যজুৰি মুক্তি লাভ কৰিব ‘ককাদেউতা নাতি আৰু হাতী-২’। প্ৰিমিয়াৰত লাভ কৰা বিপুল সঁহাৰিৰ পিছত ছবিখনক লৈ দৰ্শকৰ মাজত অধিক উৎসাহ আৰু আগ্ৰহৰ সৃষ্টি হৈছে।

📌 শুকুৰবাৰে আপোনাৰ কাষৰ ছবিগৃহত ‘ককাদেউতা নাতি আৰু হাতী ২’! টিকট উপলব্ধ Book My Show ত। টিকট ক্ৰয় কৰিবলৈ তলৰ লিংকটোত ক্লিক কৰক
https://in.bookmyshow.com/…/koka-deuta-nati…/ET00505083

ডিজিটেল ডেস্ক, ২ জুলাই

The post প্ৰিমিয়াৰত দৰ্শকৰ হৃদয় জয় কৰিলে ‘ককাদেউতা নাতি আৰু হাতী ২’-এ first appeared on নিয়মীয়া বাৰ্তা.

• জুবিন গাৰ্গৰ সম্পত্তি সন্দৰ্ভত গুৰুত্বপূৰ্ণ আদালতৰ ৰায়।
• পত্নী গৰিমা শইকীয়া গাৰ্গলৈ উত্তৰাধিকাৰ প্ৰমাণপত্ৰ জাৰি।
• কামৰূপ (মহানগৰ) জিলা ন্যায়াধীশ আদালতৰ নিৰ্দেশ।
• জুবিন গাৰ্গৰ বেংক একাউণ্ট আৰু মিউচুৱেল ফাণ্ডৰ অধিকাৰ গৰিমাৰ।
• ষ্টেণ্ডাৰ্ড চাৰ্টাৰ্ডৰ দুটা বেংক একাউণ্টৰ উত্তৰাধিকাৰ স্বীকৃত।
• ICICI বেংকৰ Eye Creations একাউণ্টো গৰিমাৰ নামত।
• পিতৃ আৰু ভগ্নীৰ ‘No Objection’ আদালতত দাখিল।
• জুবিন গাৰ্গে কোনো Will এৰি যোৱা নাছিল বুলি আদালতৰ নথিত উল্লেখ।
• Zubeen Garg Music LLPৰ ক্ষেত্ৰত Succession Certificate প্ৰযোজ্য নহয়।
• LLP Agreement অনুসৰিয়েই লাভ কৰিব লাগিব অংশীদাৰিত্বৰ সুবিধা।
• ‘Green Rhinos’ Joint Ventureৰ ক্ষেত্ৰতো Succession Certificate নহয়।
• Partnership Deed অনুসৰিয়েই নিষ্পত্তিৰ নিৰ্দেশ আদালতৰ।
• বেংক জমা আৰু বিত্তীয় সম্পত্তিৰ ক্ষেত্ৰত গৰিমাৰ আবেদন মঞ্জুৰ।
• Succession Case No. 16/2026 নিষ্পত্তি আদালতৰ।

ডিজিটেল ডেস্ক, ১ জুলাই

The post জুবিন গাৰ্গৰ সম্পত্তি সন্দৰ্ভত আদালতৰ গুৰুত্বপূৰ্ণ ৰায় first appeared on নিয়মীয়া বাৰ্তা.

ডিজিটেল ডেস্ক, ৩০ জুন : গুৱাহাটীত চুৰিকাণ্ড সংঘটিত কৰি সন্ত্ৰাস চলাই থকা এক দুৰ্ধৰ্ষ চাৰিজনীয়া চোৰৰ দলক গ্ৰেপ্তাৰ কৰিবলৈ সক্ষম হৈছে বশিষ্ঠ আৰক্ষী। গোপন সূত্ৰৰ ভিত্তিত চলোৱা অভিযানত আৰক্ষীয়ে চোৰৰ দলটোৰ চাৰি সদস্যক আটক কৰাৰ লগতে বৃহৎ পৰিমাণৰ চুৰি সামগ্ৰী উদ্ধাৰ কৰে।

গ্ৰেপ্তাৰ হোৱা চোৰকেইটা হৈছে নগৰবেৰাৰ মফিদুল ইছলাম, বিশ্বনাথৰ ৰাজ সুৰি, হাজোৰ টিংকল দাস আৰু বিনোদ দাস। জানিব পৰা মতে, এই দলটোৱে গুৱাহাটীৰ বিভিন্ন অঞ্চলত ধাৰাবাহিকভাৱে চুৰিকাণ্ড সংঘটিত কৰি আহিছিল।

অভিযানকালত আৰক্ষীয়ে বৃহৎসংখ্যক কপাৰৰ তাঁৰ, এ চিৰ কপাৰৰ পাইপ, অন্যান্য মূল্যৱান সামগ্ৰী আৰু কেইবাটাও চুৰি মোবাইল ফোন জব্দ কৰে। গ্ৰেপ্তাৰ হোৱা চাৰি চোৰক অধিক সোধা-পোছা অব্যাহত ৰখা হৈছে। এই চোৰৰ দলটোৰ সৈতে আন কোনো ব্যক্তি বা বৃহৎ চোৰ চক্ৰ জড়িত আছে নেকি, সেই দিশতো তদন্ত চলি আছে।

The post বশিষ্ঠ আৰক্ষীৰ জালত চাৰিজনীয়া দুৰ্ধৰ্ষ চোৰৰ দল first appeared on নিয়মীয়া বাৰ্তা.

ডিজিটেল ডেস্ক, ৩০ জুন : গুৱাহাটী মহানগৰীৰ খাৰঘুলি অঞ্চলৰ পৰা লতাশিল আৰক্ষীয়ে সোমবাৰে প্ৰায় ৫২ কোটি টকা মূল্যৰ ৩৭ কিলোগ্ৰাম সোণৰ বিস্কুট জব্দ কৰে। ঘটনাটোৰ সৈতে জড়িতৰ সন্দেহত এজন লোকক গ্ৰেপ্তাৰ কৰা হৈছে। তদন্তকাৰীয়ে এই ঘটনাৰ আঁৰত বৃহৎ পৰিসৰৰ সোণ সৰবৰাহকাৰী চক্ৰ জড়িত থকাৰ সন্দেহ প্ৰকাশ কৰিছে।

গ্ৰেপ্তাৰ হোৱা অভিযুক্তজন মহাৰাষ্ট্ৰৰ বাসিন্দা অক্ষয় বানচৌদি বুলি চিনাক্ত কৰা হৈছে। অঞ্চলটোলৈ অবৈধভাৱে সোণ সৰবৰাহ কৰাৰ সন্দেহত তেওঁক আৰক্ষীয়ে আটক কৰিছে।

আৰক্ষী সূত্ৰৰ তথ্য অনুসৰি, জব্দ কৰা সোণৰ বিস্কুটসমূহ হাৱালাৰ মাধ্যমেৰে অসমলৈ অনা হৈছিল বুলি সন্দেহ কৰা হৈছে। ইয়াৰ ফলত এক আন্তঃৰাষ্ট্ৰীয় সোণ সৰবৰাহকাৰী চক্ৰ সক্ৰিয় হৈ থকাৰ সম্ভাৱনা অধিক জোৰদাৰ হৈছে। তদন্তকাৰীয়ে এতিয়া এই সৰবৰাহকাৰী চক্ৰটোৰ সমগ্ৰ নেটৱৰ্কৰ সন্ধান উলিওৱা, জড়িত ব্যক্তিসকলক চিনাক্ত কৰা, লগতে এই অবৈধ সোণসমূহ ক’লৈ নিয়াৰ কথা আছিল, সেই সন্দৰ্ভত তদন্ত আগবঢ়াই আছে।

সমগ্ৰ ঘটনা সন্দৰ্ভত তদন্ত আগবঢ়াৰ লগে লগে এই ঘটনাত আৰু অধিক লোক গ্ৰেপ্তাৰ হোৱাৰ সম্ভাৱনা আছে বুলি আৰক্ষী বিষয়াসকলে জানিবলৈ দিয়ে।

এই বৃহৎ পৰিমাণৰ সোণ জব্দৰ পিছত অঞ্চলটোত অবৈধভাৱে সোণ সৰবৰাহ আৰু হাৱালাৰ সৈতে জড়িত আৰ্থিক অপৰাধৰ বিৰুদ্ধে চলি থকা অভিযানৰ এক উল্লেখযোগ্য সফলতা হিচাপে গণ্য কৰা হৈছে। ঘটনাটোৰ অধিক তদন্ত অব্যাহত আছে।

The post মহানগৰীৰ খাৰঘুলিত ৫২ কোটি টকা মূল্যৰ সোণ জব্দ, মহাৰাষ্ট্ৰৰ যুৱকক গ্ৰেপ্তাৰ first appeared on নিয়মীয়া বাৰ্তা.

• কামৰূপৰ আগছিয়া বৰুৱাপাৰাৰ পৰা সন্ধানহীন এজন লোক।
• সন্ধানহীন লোকজনৰ নাম নগেন চন্দ্ৰ বৰুৱা।
• শনিবাৰে দুপৰীয়া নিজৰ চাইকেলখন লৈ ঘৰৰ পৰা ওলাই গৈছিল লোকজন।
• ইয়াৰ পিছৰে পৰা এতিয়ালৈকে কোনো শুংসূত্ৰ পোৱা নাই নগেন চন্দ্ৰ বৰুৱাৰ।
• লোকজনৰ বয়স আনুমানিক ৬০ ঊৰ্ধৰ।
• পৰিয়ালৰ লোকে ওচৰ চাপিছে আজাৰা আৰক্ষীৰ।
• ব্যক্তিজনৰ খবৰ পালে 9859182212-ত যোগাযোগ কৰিবলৈ আহ্বান জনাইছে পৰিয়ালে।

ডিজিটেল ডেস্ক, ২৯ জুন

The post কামৰূপৰ আগছিয়াৰ পৰা এজন লোক সন্ধানহীন first appeared on নিয়মীয়া বাৰ্তা.

ডিজিটেল ডেস্ক, ২৮ জুন : মহানগৰীৰ জালুকবাৰী আৰক্ষীয়ে চলোৱা এক সফল অভিযানত বহিঃৰাজ্যৰ এটা ডকাইতৰ দলক আটক কৰিবলৈ সক্ষম হয়। এক গোপন সূত্ৰৰ পম খেদি চলোৱা অভিযানত জালুকবাৰী আৰক্ষীয়ে ৰে’লযাত্ৰীক লক্ষ্য কৰি ডকাইতি চলোৱা বহিঃৰাজ্যৰ এই ডকাইতৰ দলটোক উৎখাত কৰিবলৈ সক্ষম হৈছে। গোপন তথ্যৰ ভিত্তিত দ্ৰুত অভিযান চলাই গুৱাহাটীৰ আদাবাৰী অঞ্চলৰ এখন হোটেলৰ পৰা চক্ৰটোৰ ৬জন সদস্যক আটক কৰে আৰক্ষীয়ে।

জালুকবাৰী আৰক্ষী থানাৰ এটা দলে ‘হোটেল অভিসাৰিকা’ত অভিযান চলাই এই ছয় ডকাইতক আটক কৰে। আটকাধীন আটাইকেইজন দুৰ্ধৰ্ষ ডকাইত হাৰিয়ানাৰ বিভিন্ন অঞ্চলৰ বাসিন্দা। এইসকল হৈছে— ৰোহতকৰ ছোনু আৰু কুলদীপ, ভিৱানীৰ কৃষ্ণ ৰাণা, প্ৰবীণ কুমাৰ আৰু সত্যৱানৰ লগতে হিছাৰৰ সঞ্জয় কুমাৰ।

আৰক্ষীৰ তথ্য অনুসৰি, এই ডকাইতকেইজনে বহিঃৰাজ্যৰ অপৰাধী চক্ৰৰ সদস্য হিচাপে কাম কৰি আহিছিল আৰু অসমত ৰে’লযাত্ৰীসকলক লক্ষ্য কৰি অপৰাধ সংঘটিত কৰিছিল। এই ডকাইতৰ দলটোৱে দীৰ্ঘদিন ধৰি বিভিন্ন ৰে’ল ষ্টেচনত ৰে’লযাত্ৰীসকলক লক্ষ্য কৰি লুটপাত চলাই আহিছিল।

আৰক্ষীয়ে জনোৱা মতে, চক্ৰটোৰ মূল কৌশল আছিল দূৰণিবটীয়া ৰে’লত যাত্ৰা কৰা দুৰ্বল বা অসাৱধান যাত্ৰীক চিনাক্ত কৰি বিভিন্ন স্থানত ডকাইতি চলায় আৰু তাৰ পিছতে ঘটনাস্থল ত্যাগ কৰে। বৰ্তমান জালুকবাৰী আৰক্ষীয়ে ধৃত ডকাইতকেইজনক জেৰা অব্যাহত ৰাখিছে।

The post আদাবাৰীৰ হোটেলৰ পৰা বহিঃৰাজ্যৰ ৬জনীয়া দুৰ্ধৰ্ষ ডকাইতৰ দলক আটক first appeared on নিয়মীয়া বাৰ্তা.

ৰাজ্যৰ এজন প্ৰসিদ্ধ শিক্ষাবিদ, কটন বিশ্ববিদ্যালয়ৰ ইংৰাজী বিভাগৰ অৱসৰী মুৰব্বী অধ্যাপক, আজীৱন ছাত্ৰসমাজৰ কল্যাণ সাধনৰ চিন্তা কৰা ৰবীন গোস্বামী (৭৯) আৰু এই মায়াময় সংসাৰত নাই। কালি নিশা তেওঁ ইহলীলা সম্বৰণ কৰে।

আজি তেওঁৰ মৃত্যু খবৰ বিয়পি পৰাৰ লগে লগে তেওঁৰ একাধিক গুণমুগ্ধ তেওঁৰ গুৱাহাটীৰ চিৰিয়াখানা-জোনালীৰ সেন্দূৰী আলি পথৰ বাসগৃহলৈ আহি মৃতকৰ শৰীৰত পুষ্পাৰ্ঘ প্ৰদান কৰে।

ৰবীন গোস্বামীয়ে ১৯৪৭ চনৰ ১ অক্টোবৰত  দক্ষিণ কামৰূপৰ ঐতিহ্যমণ্ডিত খটিয়ামাৰী সত্ৰত জন্মগ্ৰহণ কৰে। তেওঁৰ পিতৃ-মাতৃ ক্ৰমে প্ৰয়াত উপেন্দ্ৰ মোহন গোস্বামী আৰু প্ৰয়াত সত্যৱতী দেৱী।

ৰামপুৰ উচ্চতৰ মাধ্যমিক বিদ্যালয়ৰ পৰা সুখ্যাতিৰে হাইস্কুল শিক্ষান্ত পৰীক্ষাত উত্তীৰ্ণ, কটন মহাবিদ্যালয়ৰ পৰা স্নাতক আৰু দিল্লী বিশ্ববিদ্যালয়ৰ পৰা ইংৰাজী বিষয়ত স্নাতকোত্তৰ ডিগ্ৰী লাভ কৰে।

ৰবীন গোস্বামীয়ে নগাঁও ছোৱালী মহাবিদ্যালয়ত ইংৰাজী বিভাগৰ অধ্যাপক হিচাপে যোগদান কৰি পিছলৈ কটন বিশ্ববিদ্যালয়ত যোগদান কৰে আৰু ২০০৬ চনত মুৰব্বী অধ্যাপক হিচাপে অৱসৰ গ্ৰহণ কৰে।

আজীৱন ছাত্ৰ নিৰ্মাণত তেওঁ জৰিত আছিল। পৰবৰ্তী সময়ত  তেওঁ গুৱাহাটী বিশ্ববিদ্যালয়ৰ প্ৰাক্তন কাৰ্যবাহী পৰিষদৰ সদস্য (ৰাজ্যপালৰ মনোনীত), কটন বিশ্ববিদ্যালয়ৰ প্ৰাক্তন কাৰ্যবাহী সদস্য (ৰাজ্যপালৰ মনোনীত), কৃষ্ণকান্ত সন্দিকৈ ৰাজ্যিক মুক্ত বিশ্ববিদ্যালয়ৰ প্ৰাক্তন জ্যেষ্ঠ শৈক্ষিক উপদেষ্টা আৰু কেইবাখনো পাঠ্যপুথিৰ ভাষা-সম্পাদনাৰ স’তে জৰিত, আই আই টি, গুৱাহাটীৰ অতিথি শিক্ষক, মিৰ্জাস্থিত দক্ষিণ কামৰূপ মহাবিদ্যালয় পৰিচালনা সমিতিৰ প্ৰাক্তন সভাপতি, নগৰবেৰাস্থিত বিমলা প্ৰসাদ চলিহা মহাবিদ্যালয় পৰিচালনা সমিতিৰ প্ৰাক্তন সদস্য, টিহু বি এড মহাবিদ্যালয় পৰিচালনা সমিতিৰ প্ৰাক্তন সদস্য, ৰেডক্ৰছ চ’চাইটিৰ সদস্য, শিশুগ্ৰামৰ সদস্য আছিল।

উত্তৰ-পূব ভাৰতৰ ভিতৰতে কটন বিশ্ববিদ্যালয়ত প্ৰথমবাৰৰ বাবে এক আধুনিক ভাষা গৱেষণাগাৰ স্থাপন কৰাৰ ক্ষেত্ৰত ৰবীন গোস্বামীয়ে অন্যতম ভূমিকা লৈছিল। শিক্ষাৰ্থীসকলৰ ভাষাৰ উচ্চাৰণ, শুদ্ধ লিখন আৰু ব্যাকৰণগত দিশসমূহ উন্নত কৰাই আছিল ইয়াৰ প্ৰধান উদ্দেশ্য।

গোস্বামী কেৱল শ্ৰেণীকোঠাতে আবদ্ধ নাথাকি ভিন ভিন বৌদ্ধিক অনুষ্ঠানৰ স’তে সংপৃক্ত আছিল। অসমৰ সমাজ-সংস্কৃতি আৰু ঐতিহাসিক ঐতিহ্য ৰক্ষা হেতু তেওঁ অৰ্হনিশে মনোনিবেশ কৰিছিল।

আজি শিক্ষাজগতৰ মনীষীগৰাকীৰ নৱগ্ৰহ শ্মশানত দাহন কাৰ্যস্থলিত বিধায়ক জিতু গোস্বামী, অসমৰ প্ৰাক্তন মুখ্য সচিব পৱন বৰঠাকুৰ, কটন কলেজৰ প্ৰাক্তন অধ্যক্ষ ড০ ইন্দ্ৰ ভট্টাচাৰ্য,  ড০ শান্তনু শৰ্মা, ড০ ৰাতুল ৰাজখোৱা, ড০ ৰাহুল মহন্ত, জাগীৰোড মহাবিদ্যালয়ৰ প্ৰাক্তন অধ্যক্ষ ড০ আলটাফুৰ ৰহমান, গুৱাহাটী বিশ্ববিদ্যালয়ৰ প্ৰাণী বিজ্ঞান বিভাগৰ প্ৰাক্তন মুৰব্বী অধ্যাপক ড০ মৃগেন্দ্ৰ মোহন গোস্বামী, কামৰূপ মহানগৰ জিলা সাহিত্য সভাৰ প্ৰচাৰ সম্পাদক তথা ‘কামৰূপ মহানগৰ বাৰ্তা’ৰ সম্পাদক দীপক শৰ্মা, অসম ৰাজ্যিক পৰিবহণ নিগমৰ প্ৰাক্তন প্ৰবন্ধক প্ৰদীপ তালুকদাৰ, নিউ আৰ্টচ প্লেয়াৰৰ সম্পাদক ৰবীন ভট্টাচাৰ্য, ডা: ৰমেন কলিতা, আড্ডাৰ ঘৰ পঞ্চৱতী, চিৰিয়াখানা পথ জ্যেষ্ঠ নাগৰিক সংস্থাৰ সভাপতি ইন্দ্ৰজিৎ দত্ত- সম্পাদক দুলাল শইকীয়া, নাটশালা (গুৱাহাটী), পৰাগজ্যোতি প্ৰকাশন আদি বিশিষ্ট ব্যক্তি, দল-সংগঠনৰ প্ৰতিনিধি উপস্থিত আছিল।

মৃত্যুৰ সময়ত একমাত্ৰ পুত্ৰ নতুন দিল্লীস্থিত ইন্সটিটিউট অৱ হিউমেন ছেটেলমেণ্টৰ ডীন অম্লান গোস্বামী, বোৱাৰী আৰু নাতিনীজনিক ইহ-সংসাৰত এৰি যায়।

ডিজিটেল ডেস্ক, ২৭ জুন

The post কটন বিশ্ববিদ্যালয়ৰ অৱসৰী অধ্যাপক ৰবীন গোস্বামীৰ বিয়োগ first appeared on নিয়মীয়া বাৰ্তা.