নিয়মীয়া বাৰ্তা ২২ মেঃ বিশ্বজুৰি ক’ভিড–১৯ মহামাৰীৰ কেইবাটাও প্রকৰণে সংহাৰ সৃষ্টি কৰাৰ সময়তে মালয়েছিয়াৰ চিকিৎসা বিশেষজ্ঞসকলে ঘোষণা কৰিছে যে ক’ৰোনা ভাইৰাছ মহামাৰীৰ প্রথম কুকুৰৰ পৰা মানুহৰ দেহলৈ সংক্রমণ ঘটিছিল৷ ২০১৭–১৮ চনত নিউমোনিয়াত আক্রান্ত কেইবাগৰাকীও ৰোগীৰ দেহত ধৰা পৰিছিল ক’ৰোনা ভাইৰাছৰ উপস্থিতি৷
শেহতীয়াকৈ মালয়েছিয়াৰ চিকিৎসা গৱেষকসকলে চলোৱা অধ্যয়নৰ সবিশেষ প্রকাশ পাইছে ক্লিনিকেল ইনফেকচিয়াাছ ডিজিজ নামৰ জার্নালখনত৷ এই অধ্যয়নৰ পৰা চিকিৎসকসকল এক সিদ্ধান্তত উপনীত হৈছে যে মানুহৰ উপৰি অন্য জীৱ–জন্তুও ক’ৰোনা ভাইৰাছৰ দ্বাৰা আক্রান্ত হ’ব পাৰে৷
লক্ষণীয়ভাৱে মালয়েছিয়াত কুকুৰৰ পৰা মানৱ দেহলৈ সংক্রমিত ক’ৰোনাক অষ্টমটো ভয়াৱহ প্রকৰণ বুলি অভিহিত কৰিছে চিকিৎসা বিজ্ঞানীসকলে৷ ২০১৭–১৮ত মালয়েছিয়াৰ চিকিৎসকসকলে ৩০১গৰাকী নিউমোনিয়া আক্রান্ত ৰোগীৰ পৰা নজেল স্বাব সংগ্রহ কৰিছিল৷ ইয়াৰে ৫টা শিশুৰ দেহত ক’ৰোনাৰ উপস্থিতি ধৰা পৰিছিল৷ লক্ষণীয়ভাৱে মহামাৰীয়ে সেই সময়ত অধিক লোকক আক্রান্ত কৰিবলৈ সক্ষম হোৱা নাছিল যদিও ক’ৰোনাৰ প্রাদুর্ভাৱৰ আশংকা তেতিয়াই সৃষ্টি হৈছিল বুলি উল্লেখ কৰিছে চিকিৎসকসকলে৷