নিয়মীয়া বাৰ্তা, ১৭ অক্টোবৰঃ শোণিতপুৰ জিলাৰ বৃহত্তৰ মিছামাৰী অঞ্চলৰ ধনখনা গাঁৱৰ বাসিন্দা তথা ক্ষুদ্ৰ চাহ খেতিয়ক পূৰ্ণ তেলী বিগত বৰ্ষৰ দৰে এইবাৰো দুৰ্গা পূজা উপলক্ষে কালি তথা দুৰ্গা পূজাৰ বিসৰ্জনৰ পাছৰ দিনা তেওঁৰ বাগানত কৰ্মৰত শ্ৰমিক সকলৰ মাজত পূজাৰ মিঠাইৰ টোপোলা বিতৰণ কৰাৰ লগতে প্ৰত্যেককে একোখন ফুলাম গামোছাৰে সন্মান জনায়৷ বাগানৰ কৰ্মস্থলীত উক্ত কাৰ্যসূচী ৰূপায়ণ কৰাৰ সময়ত পূৰ্ণ তেলীক সহযোগিতা আগবঢ়াই পত্নী ৰেণুকা তেলীয়ে ৷ জিনতা, বিনীতা, চালমি, হীৰামণি, বাহামণি, আৰতি, ৰঞ্জিতা, বিশ্বাসী, স্বপ্না আদি শ্ৰমিক বৃন্দই ক্ষুদ্ৰ চাহ খেতিয়ক পূৰ্ণ তেলী আৰু পৰিয়াল বৰ্গৰ সন্মান আৰু মিঠাইৰ টোপোলা লাভ কৰি আনন্দিত হোৱা পৰিলক্ষিত হয় ৷
Input: বগা তপ্ন , মিছামাৰী