নিয়মীয়া বাৰ্তা ৩০ ডিচেম্বৰঃ আগন্তুক বর্ষৰ ছেপ্টেম্বৰ মাহৰ ভিতৰত কংগ্রেছ দলে সর্বক্ষণৰ সভাপতি লাভ কৰিবলৈ সক্ষম হ’ব৷ কংগ্রেছৰ কেন্দ্রীয় নির্বাচনী প্রাধিকৰণ (চিচিইএ)ৰ মুৰব্বী মধুসূধন মিস্ত্রীয়ে উল্লেখ কৰিছে এই কথা৷ নেতাগৰাকীয়ে উল্লেখ কৰা অনুসৰি কংগ্রেছৰ ৰাষ্ট্রীয় সভাপতিৰ বাবে নির্বাচনী প্রক্রিয়া ছেপ্টেম্বৰ মাহৰ ভিতৰত সম্পূর্ণ হ’ব৷ লক্ষণীয়ভাৱে দলটোক বর্তমান নেতৃত্ব প্রদান কৰি আছে অন্তর্ৱর্তী সভানেত্রী ছোনিয়া গান্ধীয়ে৷ বিগত লোকসভা নির্বাচনত দলৰ শোচনীয় পৰাজয়ৰ পিছত ৰাহুল গান্ধীয়ে সভাপতিৰ পদ ত্যাগ কৰাৰ পিছৰে পৰা দলটোক নেতৃত্ব দি আহিছে মাতৃ ছোনিয়াই৷