নিয়মীয়া বাৰ্তা, ১৮ জুলাইঃ ক’ৰোনা ভাইৰাছত আক্ৰান্ত হৈ হোম কোৱাৰেণ্টাইনত থকা ঐশ্বৰ্য ৰায় বচ্চনক বৰ্তমান হাস্পতালত ভৰ্তি কৰোৱা হৈছে। উল্লেখযোগ্য় যে বলীউদৰ বিগ বি অমিতাভ বচ্চন ক’ৰোনাত আক্ৰান্ত হোৱাৰ পাছতেই আক্ৰান্ত হৈছিল অভিষেক বচ্চনকে ধৰি ঐশ্বৰ্য ৰায় আৰু আৰাধ্যা। ১২ জুলাইত আটাইৰে দেহত ধৰা পৰিছিল ক’ৰোনা ভাইৰাছৰ অবস্থিতি। এই কথা সদৰী কৰিছিল মহাৰাষ্ট্ৰৰ স্বাস্থ্য মন্ত্ৰীয়ে।
কিন্তু আজি উশাহ লোৱাত কিছু অসুবিধা হোৱাৰ বাবে ঐশ্বৰ্য ৰায় বচ্চনক ততালিকে ভৰ্তি কৰোৱা হয় মহাৰাষ্ট্ৰৰ নানাভাটি হাস্পতালত। আটাইৰে আশু আৰোগ্য কামনা কৰিছে সকলোৱে।