নিয়মীয়া বাৰ্তা, ১৭ ডিচেম্বৰঃ জাগীৰোডত কালি আর্থিকভাৱে দুর্বল লোকসকলক কম্বল বিতৰণ কৰে জনপ্রিয় অভিনেত্রী তথা চলচ্চিত্র পৰিচালক আইমী বৰুৱাই৷ জাগীৰোড সমষ্টিৰ নেলী বৰগাঁৱত উদ্যোগপতি জিৎ নাৰায়ণ শ্রীৱাস্তৱৰ উদ্যোগত আয়োজন কৰা কম্বল বিতৰণ কার্যসূচীত অংশগ্রহণ কৰি জনপ্রিয় অভিনেত্রী আইমী বৰুৱাই বিতৰণ কৰে প্রায় ২৫শ কম্বল৷ আনহাতে বিজেপিৰ জাগীৰোড মণ্ডলৰ উপ–সভাপতি থানেশ্বৰ ডেকাই আঁতধৰা কম্বল বিতৰণ অনুষ্ঠানত উপস্থিত থাকে বিজেপি জাগীৰোড মণ্ডলৰ সভাপতি প্রবীণ ডেকা, উদ্যোগপতি জিৎ নাৰায়ণ শ্রীবাস্তৱ, জাগীৰোড উন্নয়ন প্রাধিকৰণৰ অধ্যক্ষ দিব্যজিৎ নেওগ, সাহিত্যিক পেন্সনাৰ নাৰায়ণ কুমাৰ ৰাডু কাকতি, ধৰমতুল জিলা পৰিষদৰ সদস্য পল্লৱ বৰদলৈ, তিৱা স্বায়ত্ত পৰিষদ নেলী খলা সমষ্টিৰ সদস্য জীৱন চন্দ্র কোঁৱৰ, বিজেপি মৰিগাঁও জিলা মহিলা মর্চাৰ সভানেত্রী কৰৱী চলিহা, শিলচাং সমবায় সমিতিৰ সভাপতি মাইনুল হক প্রমুখ্যে বিজেপিৰ জাগীৰোড মণ্ডলৰ নেতা–কর্মীসকল৷